Matthew 4:22 - Yak'usda Ooghuni

²² ꞋAho dubá highu déhainꞌaz ꞌawet ye usda whe ꞌinkꞌez Jesus hikꞌoh tsꞌe ootꞌen ha hiyuntizꞌaz.

Matthew 4:22 Iomraidhean Croise

Matthew 10:37

Mbe la dubá kꞌus duloo, si sanus bukꞌensiꞌ de, ꞌaw sba soo lheꞌhildzooꞌ! ꞋInkꞌez mbe la duyeꞌ ꞌinkꞌez dutseꞌ bulh, si sanus bukꞌensiꞌ de, ꞌaw sba soo lheꞌildzooꞌ.

Matthew 4:21

ꞋOn ꞌun hidulh ꞌet doo cha za nane dune tilhꞌen. ꞋEnne cha lhulhutsinke Zebedee ooyeꞌke. ꞋIlhoghun James huyulhni ꞌinkꞌez ꞌilhoghun John huyulhni. Dubá te tsꞌi be húdilhtsꞌi ꞌinkꞌez dulembil nahuyutlꞌoo. Jesus bukahizya.

Matthew 4:23

Galilee yun kꞌut Jesus ndulcho nuya whe Lizwifne bulugliz ꞌet bubulh yálhduk. Yakꞌuz kꞌuneꞌ whulꞌen-un, ꞌen ghun khuni unzoo-i be bubulh yálhduk. Dune toh mbe la ndudane ꞌinkꞌez ooyustꞌe tétsunne, tsꞌiyanne soo naꞌbulhꞌen.

Mark 1:20

Soo Jesus ꞌubutilhꞌen ibulh, “ꞋAnih,” ubúlhni. ꞋEt ꞌawet Zebedee ooyeꞌke Jesus bulh whe hánꞌaz. Zebedee ꞌinkꞌez yuba ꞌutꞌenne cha ꞌawet tsꞌi bet húdilhtsꞌi whe bughu whe hánꞌaz.

Luke 14:26

“Mbe la stsꞌu tiyalh seꞌ ꞌutꞌen kꞌoh ꞌuwhutilhꞌelh-un whe dubá ꞌinkꞌez duloo, duꞌat cha, ꞌinkꞌez duzkeh, dulhutsinke, ꞌinkꞌez dulhtuske, ꞌalhaꞌ dichꞌoh whe yinka usda-un cha, ndi njan tsꞌiyawh hukwa lheꞌhunizun de, ꞌen ꞌaw sgha hodilꞌeꞌ-un ooleꞌ ꞌaitꞌoh.

Luke 14:33

ꞋEt huwa nohni nohtoh ꞌilhone ꞌahli whe, tsꞌiyawh ahtꞌi-i, ꞌaw oolalhduzahni de, ꞌaw sgha hodilꞌeꞌne oohleꞌ ꞌaitꞌoh.

Luke 5:11

ꞋInka yanáhuski whe tsꞌiyaitsuk ꞌet hila ditni. ꞋInkꞌez hikꞌoh tsꞌe ootꞌen ha huyuntizdil.

2 Corinthians 5:16

ꞋEt ꞌinka ꞌandit dzin whutsꞌun ndi yun kꞌut dune nena be uznilhꞌen dahíntꞌoh la, ꞌet ꞌaw whuz unꞌa iloh whe dune tꞌebuzninzun. ꞋEt hoontsꞌi ꞌet whuz unꞌa Christ ꞌen ghun tꞌezninzun. ꞋEt hoontsꞌi ꞌandit ꞌaw whuz unꞌa za ꞌen ghun tꞌetsꞌonínzun.