Matthew 4:19 - Yak'usda Ooghuni

¹⁹ ꞋInkꞌez ꞌubulhni, “Sunihꞌus, dune ha ꞌutꞌenne nohtiselh.”

Matthew 4:19 Iomraidhean Croise

Matthew 16:24

Jesus ꞌet yugha hodulꞌehne ndúbulhni, “Dune seꞌ ꞌutꞌen kꞌoh ootꞌen ha suntiyalh hukwaꞌ ninzun de, yun kꞌut datsꞌíntꞌoh-un, ꞌet whula dootni, ꞌinkꞌez dutulalhgus yólhchoot ꞌinkꞌez suntooyaꞌ.

Matthew 19:21

Jesus ndúyulhni, “Lhadulya-un tanlelh hukwaꞌ ninzun de, ndai la ꞌintꞌi-i, ꞌi tsꞌiyawh beꞌ oonket, ꞌinkꞌez telꞌenne butainínle. ꞋEt de la ndo yakꞌuz ndai ꞌilhoozanla-i, ꞌet mba tilalh. ꞋInkꞌez ꞌanih seꞌ ꞌutꞌen kꞌoh tuneꞌ óntꞌen ha sunanyalh.”

Matthew 4:18

Bunghun Galilee taba Jesus ꞌoh whuya uyalh ꞌet nane dune lhulhutsinke ꞌubutilhꞌen. ꞋIlhoghun ꞌen Simon huyulhni Peter cha huyulhni, ꞌet ꞌilhoghun bulhutsin ꞌen Andrew huyulhni. ꞋEnne lhembilh tahúyalhdil lho ha ꞌutꞌenne hinli.

Matthew 4:20

ꞋAho dulembil hila ditni ꞌinkꞌez hikꞌoh tsꞌe ootꞌen ha huyuntizꞌaz.

Matthew 8:22

ꞋEt hoontsꞌi Jesus ꞌuyulhni, “Sunanyalh. Dudulh yaidlane didutchꞌoh ꞌanalhuhoolyelh.”

Matthew 9:9

ꞋEt hukwꞌelhꞌaz Jesus ꞌoh whuya uyalh whe sooniya naldzooh-un, ꞌilhoghun dune Matthew huyulhni, ꞌet usda yunilhꞌen. “Sunanyalh,” yulhni. Dudinya ꞌinkꞌez yikꞌoh tsꞌe ꞌutitꞌelh ha yuntizya.

Mark 2:14

Jesus ꞌoh whuya uyalh whe Alphaeus ooyeꞌ Levi, Capernaum whenkuti huwunli ha sooniya nálhdzooh-un, ꞌen Jesus yutilhꞌen ꞌet uyúlhni, “Sunanyalh.” Levi dudinya ꞌinkꞌez yukꞌoh tsꞌe ootꞌen ha yuntizya.

Luke 5:27

ꞋEt hukwꞌelhꞌaz Jesus ꞌaz whinya ꞌinkꞌez ꞌilhoghun sooniya nalhdzooh-un, Levi huyulhni-un, ꞌutꞌen-un usda whe yunilhꞌen, ꞌinkꞌez uyúlhni, “Sunanyalh.”

Luke 9:59

ꞋEt ꞌuyoon cha ꞌulhni, “Nyun cha sunanyalh.” ꞋEt ꞌuyulhni, “SMoodihti, kꞌat ꞌudechoo sbá oozi ꞌa óostelh.”

John 1:43

ꞋOm bun dzin Jesus Galilee tsꞌe tiyalh hukwaꞌ ninzun. Whuz oozya whe Philip huyúlhni, ꞌen nayilhti ꞌinkꞌez “Sunanyalh,” yúlhni.

John 12:26

Mbe la sba néꞌutꞌen de, ꞌenne suntooyaꞌ ꞌinkꞌez ntsꞌe la ꞌustꞌoh-un, ꞌet la oodaꞌ. Mbe la sba neꞌutꞌen unlí-un, ꞌen SBá bubudutálhtiꞌ.”

John 21:22

ꞋEt Jesus uyúlhni, “Whusanátisdalh whutsꞌun ꞌet hoonaꞌ hukwaꞌ nuszun de, nyun mba lheꞌhootꞌoh. ꞋEt nyun sunanyalh.”

2 Corinthians 12:16

Ntsꞌoh dája nahzun ꞌet hoontsꞌi hoonliyaz whe nohchꞌa nulhéꞌzustꞌen, nohnichꞌoh tꞌéoonúhzun. ꞋEt hoontsꞌi lheꞌusja, nunúzꞌiꞌ-un hukwꞌunꞌa whutsꞌit bulh nohúschoot léꞌusja.