Matthew 4:13 - Yak'usda Ooghuni

¹³ Nazareth whuchꞌa séya ꞌinkꞌez keyoh Capernaum whuz oozya ꞌet tidalh ha keyoh ꞌet yatoo taba whuzꞌai. ꞋEt lhelhdun Zebulun ꞌinkꞌez Naphtali lhodinꞌai.

Matthew 4:13 Iomraidhean Croise

Matthew 11:23

ꞋInkꞌez nohni Capernaum whutꞌenne yakꞌuz huba soo ꞌáhtꞌoh kwuncho yo tsꞌu nohotilhdulh! ꞌalha ꞌudaꞌ hoolhtus-un nohnat neꞌwhustꞌen, Sodom whutꞌenne, bunat ꞌet ndúhooja de, dudzi nahondunizdla de, ꞌawhuz daꞌ bukeyoh ꞌet whuzdla ooleꞌ daꞌ.

Matthew 17:24

Keyoh Capernaum whuz hoozdil whe ꞌilhoghun sooniya ꞌilhunaooꞌaih-un, Peter yughu ninya ꞌinkꞌez yoodulhkut, “Whunohodulhꞌeh-un ꞌen cha iloh lakw lugliz whucho whuzooneyaꞌ yukꞌelha hoolhꞌi?”

Matthew 4:14

Isaiah nus hooꞌen-un, howu yailhduk-un lhaóodotneh ndutni,

Matthew 4:15

“Yun kꞌut Zebulun ꞌinkꞌez Naphtali, yatooꞌ kꞌuz wheti Jordon ꞌon ꞌun. Galilee yun kꞌut, ꞌudun yun kꞌut whutꞌenne buchꞌeꞌ.

Matthew 9:1

Jesus ꞌet tsꞌi benya ꞌinkꞌez nyan yahúzki dukeyoh tsꞌe.

Mark 1:21

Keyoh Capernaum huwhútni-un whuz hoozdil. ꞋOm bun dzin Lizwif nahulyis dzin, ꞌet Jesus Lizwif bulugliz bughu danínya ꞌinkꞌez whe whúbondunilhꞌeꞌ.

Mark 2:1

ꞋEt hukwꞌelhꞌaz whutizútyaz whe Jesus keyoh Capernaum tsꞌe naoosja. Tsꞌiyanne whulh ꞌúhuduztsꞌai ndet yoh usda.

Luke 10:15

ꞋEt nohni Capernaum whutꞌenne ndo yat huba soo ꞌáhtꞌoh nahzun eh? ꞋAwundooh! Kwuncho yo tsꞌe nóhotilhdulh!

Luke 4:23

ꞋEt ubúlhni, “ꞋAw nawh lheꞌhootꞌoh ndi khuni dudáhni-un whe njan ndutni, ‘Yoo be duyun nyunchꞌoh cho soo naꞌdudilneh,’ ꞌet ndusúdutahnelh. ꞋInka dutihnelh, ‘Ndet la keyoh Capernaum, dawhutꞌen-un whulh ꞌúzditsꞌo, ꞌet njan nyunchꞌoh nkeyoh ꞌet cha whuz unꞌa za ndintꞌen.’”

John 2:12

Hukwꞌelhꞌaz Jesus keyoh Capernaum huwhutni tsꞌe whinya. Ooloo, bulhutsinke, ꞌinkꞌez yugha hodulꞌehne cha, ꞌaw saꞌ iloh ꞌet hudáltsꞌiꞌ.

John 4:46

Doo cha Jesus Galilee yun kꞌut, keyoh Cana huwhútni tsꞌe naoosja. ꞋEt ꞌuja too, ꞌi tsꞌekoo tooꞌ yulhtsi ínleꞌ. ꞋEt ꞌilhoghun dune keyoh dune tso whudilhdzulh-un ooyeꞌ tube únduda keyoh Capernaum ꞌet.

John 6:17

ꞌinkꞌez tsꞌi be náhidil nyan keyoh Capernaum tsꞌe whuz nahutikelh hukwaꞌ huninzun. ꞋAwet tube tsahólhgus suliꞌ ꞌinkꞌez Jesus ꞌawhuz bughu nalhusdai.

John 6:24

ꞋEt nyo ꞌilhozdílne tsꞌiyawh tꞌehonanzin Jesus hooloh ꞌinkꞌez yugha hodulꞌehne cha tsꞌiyawh huhooloh, ꞌet huwa didut cha tsꞌiyawh tsꞌi be hándil ꞌinkꞌez nyan Capernaum tsꞌe hoozki Jesus hikunúta wheni.

John 6:59

Jesus njan ꞌet ndutni inleꞌ keyoh Capernaum huwhútni ꞌet lugliz dune hodulꞌeh daꞌ.