Matthew 4:11 - Yak'usda Ooghuni

¹¹ ꞋEt netsudule whe naja ꞌinkꞌez khuntsul lizasne whusahándil ꞌinkꞌez hiba neꞌutꞌen.

Matthew 4:11 Iomraidhean Croise

Matthew 26:53

ꞋEt si hukwaꞌ nuszun de, ꞌuBá ooduskut de ꞌinkꞌez ꞌandit ꞌaho 70,000ne lizas ꞌon ꞌun ꞌultsukne, ꞌenne daꞌ stsꞌotlꞌa boolelh ooleꞌ daꞌ sla hutinelh ha.

Matthew 4:6

ꞋInkꞌez ꞌuyulhni, “ꞋAlhaꞌ Yakꞌusda ooYeꞌ inli de, njan whengheꞌ dudintneh! ꞋUkꞌehooguz whe njan ndutni, ‘Yakꞌusda oolizas butlꞌa honꞌai whe ꞌenne nghi hinli, ꞌinkꞌez dula be ndo nyuhóotatun, ꞌaw nke tse tꞌaoonalh ꞌaitꞌoh ꞌet whucha.’”

Mark 1:13

ꞋEt dit whunizyat dzin Jesus ꞌaw dune lhuhóotꞌih-un indaꞌ ꞌinkꞌez Satan tankꞌus óoneh-un hukwa yóolhdzih. Tsꞌantꞌi ꞌi cha ꞌoh ho hoonli. Lizasne whusahándil, ꞌinkꞌez hiba neꞌutꞌen.

Luke 22:43

ꞋEt ndus de yakꞌuz lizas be hoodiltsai. ꞋEn ulhtus náyulhtsi.

Luke 22:53

Dzin totsuk lugliz whucho nohtoh susda whe, ꞌaw ꞌoh daꞌ sólhchoot hukwa lheꞌzahtꞌen inleꞌ. ꞋEt hoontsꞌi ꞌandit netsudule, tsalhgus yo usda-un nohmoodih tileh, ꞌawet nohba néꞌhunintꞌo.”

Luke 4:13

ꞋEt netsudule tsꞌiyantsuk whe tankꞌus ooneh hukwa yóolhdzai, ꞌet yughu whe naja, kꞌadle doo cha oogha whultsꞌut de wheni.

John 14:30

ꞋAw dzoh saꞌyaz ꞌon ꞌun nohbulh yaóosduk ꞌaítꞌoh. Ndi yun kꞌut humoodih ꞌaz de úyalh ꞌinkꞌez si sghun ꞌaw ntsool-iyaz ꞌi hoontsꞌi oochꞌeꞌ lhuyíloh ꞌet huwa.

1 Timothy 3:16

ꞋInkꞌez ꞌaw huwun lhdulhyoh lheꞌtsꞌudusnih whe Yakꞌusda ba ndi yun kꞌut uzdoltsꞌiꞌ ha, ꞌet hooncha wheꞌ hoontꞌoh. ꞋEt Yakꞌusda dichꞌoh dune suliꞌ ꞌet whe whubunilhtan. Ndoni tsꞌihꞌun ꞌuntꞌoh unli yulhni. Lizasne huyanꞌen. ꞋUdun yun kꞌut whutꞌenne, ꞌen ghun whulh ꞌuhudantsꞌo. Ndi yun kꞌut whutꞌenne, ooghun ooba ꞌalhaꞌ yintꞌoh suliꞌ, ꞌinkꞌez yakꞌuz tsꞌe huhoontꞌiꞌ whe danahinilhti.

Hebrews 1:14

ꞋEt ndunne lizasne, ꞌenne nudúdeh ꞌinkꞌez be ꞌustlenne ꞌuhintꞌoh. Yakꞌusda whébalhꞌaꞌ ꞌet de mbene la ndi bé uzdujis-i netsꞌu tíkulh, ꞌet huba neba neꞌutꞌenne ꞌuhintꞌoh.

Hebrews 1:6

ꞋInkꞌez ꞌudechoo whuzdlí-un, Yakꞌusda doo cha ndi yun kꞌut neítalhtelh whe ꞌet ndutni, “Yakꞌusda oolizas, ꞌenne tsꞌiyawh hitsꞌu teniꞌ noolhdzin.”