Matthew 4:10 - Yak'usda Ooghuni

¹⁰ ꞋInkꞌez Jesus yulhni, “Satan naindalh! ꞋUkꞌehooguz whe njan ndutni, ‘Moodihti nYakꞌusda, ꞌen za Oobut negwutsi be netsꞌiyaih, ꞌinkꞌez Ootsꞌu téniꞌ uznilhdzun, ꞌinkꞌez ꞌen za Ooba néꞌtsꞌutꞌen.’”

Matthew 4:10 Iomraidhean Croise

Matthew 16:23

Peter yutsꞌu nálhꞌa ꞌinkꞌez ꞌuyulhni, “Satan stꞌa nenínyaih! Sba dzoh ꞌudini! Yakꞌusda datꞌen-un, ꞌaw howu nuni lhnuzinzut. Ndi yun kꞌut dune neꞌhutꞌen-un, huwun nuni ninzut!”

Mark 1:13

ꞋEt dit whunizyat dzin Jesus ꞌaw dune lhuhóotꞌih-un indaꞌ ꞌinkꞌez Satan tankꞌus óoneh-un hukwa yóolhdzih. Tsꞌantꞌi ꞌi cha ꞌoh ho hoonli. Lizasne whusahándil, ꞌinkꞌez hiba neꞌutꞌen.

Luke 10:18

ꞋInkꞌez ꞌubulhni, “Ditni kwun kꞌunꞌa ndus ha dúnat, ꞌet whuz unꞌa Satan ndus de yakꞌuz tsꞌe ha dílduz, ꞌet nusꞌen.

Luke 11:18

ꞋEt whuz unꞌa za Satan lerwe unli-i, didutchꞌoh lhchꞌaz nedinja de, ntsꞌenꞌa ookwꞌúneꞌ whutꞌen tileh? Lheꞌdahni Beelzebul be ntsiꞌ-i nududeh-i dune tsꞌu ha nánusyukw dahni.

Luke 13:16

Ndun tsꞌeke ꞌilhoghun Abraham ootsꞌu haínzut-un ꞌinkꞌez Satan whunizyat ꞌon ꞌat lhkꞌu dit yus kꞌut whe yulhghel. Soo cho howu nuni nahzut! ꞌalhaꞌ lawk natsꞌulyis dzin ꞌet ꞌaw kꞌunaootꞌuk ꞌaitꞌoh wheꞌ dahni?”

Luke 22:3

ꞋEt Satan Judas ye yínya. ꞋEn Iscariot huyulhni. Whunizyane ꞌon ꞌat nane, ꞌenne butoh ꞌilhoghun ꞌuntꞌoh.

Luke 22:31

ꞋInkꞌez neMoodihti ꞌutni, “Simon, Simon, soo zilhtsꞌai! Satan tube nkadaniꞌ. Tlꞌo maiꞌ lhtah ha nyununtidlih.

Luke 4:8

ꞋEt Jesus nduyulhni, “Satan stꞌá tsꞌinyalh! ꞋEt ꞌukꞌehóoguz whe njan ndutni, ‘Moodihti nYakꞌusda ꞌaw ꞌen za oobut negwutsi be netsꞌiyaih, ꞌinkꞌez ꞌen za ootsꞌu teniꞌ uznilhdzun. ꞋInkꞌez ꞌen za ooba neꞌtsꞌutꞌen.’”

John 13:27

ꞋEt ndi lhesyaz yutlꞌa yánꞌai whe ꞌawet Satan ye yínya. ꞋEt Jesus uyúlhni, “Ndet daꞌ ꞌuwhutanlelh, ꞌa cho lhaóodinleh.”

Acts 26:18

Whúbuntalhtun, tsálhgus yáhahudutidulh ꞌinkꞌez hootꞌen-un nehútidulh ꞌinkꞌez hitánꞌen ubulhtsꞌelh Satan uboontúnne Yakꞌusda tsꞌun náhutilyalh. ꞋEnne Si buba ꞌalhaꞌ ꞌustꞌoh huwa bulubeshi bubunaitidoh ꞌinkꞌez Yakꞌusda ba ꞌudun nebuninlane butoh ꞌet bugha óotaltsꞌulh,’ súlhni.”

Acts 5:3

ꞋEt Peter uyúlhni, “ꞋEt di ha Satan ookꞌúneꞌ tantꞌen hukwaꞌ nizun? ꞋInkꞌez lheꞌdini sooniya ooloh ílhchoot ꞌinkꞌez Ndoni tsꞌun hontsꞌit?

1 Corinthians 5:5

ꞌet ꞌilhunaoodulh te, ꞌet ndun nduja-un, ꞌen Satan ootlꞌa itilhtelh ooyustꞌe nintaꞌyutalhꞌelh ꞌet wheni. ꞋEt la Jesus Christ neMoodihti oodzin de, ꞌet de ndun ooyughi yutilhyih wheꞌ hoontꞌoh.

1 Corinthians 7:5

ꞋAw lhchꞌoh oohkeꞌ huba lheꞌhootꞌoh. ꞋEt hoontsꞌi ꞌatsulyaz whe soo hootahni ꞌinkꞌez tenadutihdli hukwaꞌ nuhzun de, ꞌet nanulhtꞌo soo lhgha hoonuhtꞌiꞌ de, ꞌet sooꞌ whutatꞌelh. ꞋEt hukwꞌelhꞌaz doo cha za lhkꞌeoohsiꞌ ꞌinkꞌez lhzih nenaoohtꞌas, doo ka la ꞌaw nohyustꞌe ooghu tihle huba soo lheꞌahtꞌoh de, ꞌet Satan nohootalhdzih.

2 Corinthians 11:14

Khun te nohba hooncha ooleꞌ junih! Satan ꞌen lizas be hootꞌen-un naꞌdudilꞌi ꞌet huwa.

2 Corinthians 12:7

ꞋEt njan ndet la senghun newhúnkat-un, ꞌet whula ꞌududutáztiꞌ whuchꞌa ꞌinkꞌez ncha-un naꞌdudutizselh ꞌet whuchꞌa, ꞌet whula gha tsꞌe whus cho soo dulhkaih le ꞌustꞌen. Satan ntsiꞌ-un nududeh-un, ꞌen gha ꞌustꞌen dzoh nuszut. ꞋEt whuz unꞌa ꞌaw ꞌududóztiꞌ ꞌaitꞌoh.

2 Corinthians 2:11

ꞋEt ndutsꞌutꞌen de, ꞌet Satan ꞌaw nechꞌaꞌ oolhdeh ꞌaitꞌoh. Ndet whe nechꞌaꞌ tilhdoh-un, tsꞌiyawh tꞌetsꞌonínzun.

James 4:7

ꞋEt huwa Yakꞌusda ootlꞌaꞌ dudulhye. Netsudule, ꞌen oodulhyoh oohyin, ꞌet de nohghu nátsetilyalh.

1 Peter 5:9

Yakꞌusda ootꞌa nínohtan whe ndun oochꞌaz dohtni. Tꞌeoonáhzun ndet la dzoh nahdeh, ndi yun kꞌut ndulcho whe ooba ꞌalhaꞌ yintꞌohne, ꞌenne cha whuz unꞌa za dzoh nuhudeh.