Matthew 3:9 - Yak'usda Ooghuni

⁹ ꞌinkꞌez khun njan dudohniꞌ junih, wheni Abraham ootsꞌu haindene tsinli. Nohdusni Yakꞌusda soo ꞌultus whe ꞌuntꞌoh, ndi tse hoontsꞌi ꞌi be Abraham ootsꞌu haindene ubutilhtselh whe ꞌuntꞌoh.

Matthew 3:9 Iomraidhean Croise

Mark 7:21

ꞋEt dune budzi yo whuz de ꞌaw beni lheꞌízooꞌ, ꞌuyoon dune ꞌat bulh lubeshi hilhchuk, tsꞌeke bulh nintaꞌhutꞌih, nehughan cha ꞌutꞌen,

Luke 12:17

ꞋInkꞌez didutchꞌoh ꞌuninzun, ‘Ntsꞌenꞌa cha la daoosneh? Ha níyeh-i bayoh whudizbun. ꞋAw ꞌon ꞌun ꞌuyoo dánosdzaih ꞌaitꞌoh.’

Luke 16:24

ꞋEt ꞌultus-un yutsꞌu huyih ꞌinkꞌez ꞌuyulhni, ‘ꞋUbá, Abraham, sgha teꞌninzeh! Lazarus ꞌen stsꞌilhꞌalh! Dzoh tsulyaz dulasga be toot nudoolga ꞌinkꞌez ꞌi be stsoola kꞌut nawhunoolhtsul! Ndi kwun be dzoh nuszut!’ yulhni.

Luke 19:40

ꞋEt hoontsꞌi ꞌubulhni, “Nohdusni, njan tꞌewhudusnih de, tse daꞌ ꞌaho yatoolhdih.”

Luke 3:8

ꞋEt huwa nohlubeshi chꞌa noheni náhandunoohleh de, ndahtꞌen-un tsꞌiyanne tꞌehonózin ndahtꞌoh la. ꞋInkꞌez khun njan ndunadudoohtniꞌ junih wheni Abraham ootsꞌu haindene ꞌutsꞌintꞌoh. ꞋAlhaꞌ tsꞌihꞌun unꞌa nohdusni, Yakꞌusda soo ꞌultus whe ꞌuntꞌoh, ndi tse ꞌi hoontsꞌi ꞌi Abraham ootsꞌu haindene yutilhtselh.

Luke 5:22

ꞋEt Jesus tꞌewhunínzun daja huninzun, ꞌinkꞌez ndúbulhni, “ꞋEt di ha nohdzi yo whe ꞌet ndunahzun?

Luke 7:39

ꞋEt Pharisee ꞌanih yudaniꞌ-un, dichꞌoh naꞌdudutni, “ꞋEt ndun nus hooꞌen-un unli de, tꞌeoonózin daꞌ dantꞌoh-un tsꞌeke ꞌuntꞌoh yutꞌainaih. ꞋEn lubeshi ꞌulhꞌen-un ꞌuntꞌoh.”

John 8:33

ꞋEt ꞌuhuyúlhni, “Wheni Abraham ootsꞌu haíndene ꞌutsꞌintꞌoh. ꞋAw whutsodaꞌ ꞌuyoonne ba ꞌulhna lhtsꞌíloh, ꞌinkꞌez di haꞌ nedíni, nohla nahudutitnih nedíni?”

John 8:37

Tꞌewhunúszun Abraham ootsꞌu haíndene ꞌahli, ꞌet hoontsꞌi sghuni ꞌaw ookalheꞌnáhzun, ꞌet huwa sutuzilhghelh hukwaꞌ nahzun.

John 8:53

Nebá Abraham dazsai inleꞌ. ꞋEn ba nus ꞌilcho whe eh ꞌudini? ꞋEt nus hóoꞌenne, ꞌenne cha yahadla. ꞋEnne cha buba nus ꞌilcho eh? Soo mbe inli dini wheꞌ dini?”

Acts 13:26

ꞋEt Paul ꞌon ꞌun ubúlhni, “Sulhutsinke, Abraham ekédinzutne, ꞌinkꞌez ꞌudun yun kꞌut whutꞌenne, mbene la Yakꞌusda tsꞌun tenadudline, nohni tsꞌiyawh, wheni cha, ndi khuni ꞌi netilhyis wheni netsꞌó tlꞌa diltsꞌut.

Acts 15:14

Simon ꞌandit nohdániꞌ, ntsꞌenꞌa Yakꞌusda ꞌudechoo ndunne ꞌudun yun kꞌut whutꞌenne dunabunilhtan whe dune butoh ꞌutahábanla. ꞋEnne ꞌuhuja Yakꞌusda booziꞌ díztiꞌ huyulhtsi.”

Romans 4:1

Wheni Lizwifne netsodaꞌ-un Abraham ooghu dája ꞌuzninzun? Yinka indaꞌ huwa ndet suba nahoonꞌai?