Matthew 3:8 - Yak'usda Ooghuni

⁸ Whute lubeshi chꞌa noheni nahandunoohleh de, ndahtꞌen-un tsꞌiyanne tꞌehonózin ndahtꞌoh la,

Matthew 3:8 Iomraidhean Croise

Matthew 21:32

ꞋEt be tsꞌihꞌun unꞌa ꞌuhoontꞌoh-i, ꞌi be John dune too be ꞌulhꞌen-un nohtsꞌó whusainya, ꞌinkꞌez ꞌaw nohba ꞌalha lheꞌhootꞌoh. ꞋEt hoontsꞌi sooniya nalhdzoohne ꞌinkꞌez tsꞌekoo ꞌulꞌenne, tsꞌiyawh buba ꞌalha ꞌuhoontꞌoh ꞌet huwa. ꞋEt nohni whunulhꞌen ꞌet hoontsꞌi ꞌaw noheni kꞌoh nálheꞌuhlel. Whuz unꞌa za nohba ꞌalha lheꞌhootꞌoh.”

Luke 3:8

ꞋEt huwa nohlubeshi chꞌa noheni náhandunoohleh de, ndahtꞌen-un tsꞌiyanne tꞌehonózin ndahtꞌoh la. ꞋInkꞌez khun njan ndunadudoohtniꞌ junih wheni Abraham ootsꞌu haindene ꞌutsꞌintꞌoh. ꞋAlhaꞌ tsꞌihꞌun unꞌa nohdusni, Yakꞌusda soo ꞌultus whe ꞌuntꞌoh, ndi tse ꞌi hoontsꞌi ꞌi Abraham ootsꞌu haindene yutilhtselh.

Acts 26:20

ꞋUdechoo Damascus ꞌet ꞌinkꞌez Jerusalem cha ꞌet hukwꞌelhꞌaz Lizwifne buyun kꞌut ndulcho whe, ꞌudun yun kꞌut whutꞌenne butoh cha, dudeni nahondunooleh hubaꞌ hoontꞌoh ꞌinkꞌez Yakꞌusda tsꞌu náhoolyeh ꞌinkꞌez dudzi náhondunizdla tsꞌe whuz unꞌa za neꞌhóotꞌen, ꞌubudúsni.

Ephesians 5:8

ꞋOh daꞌ tsálhgus yo dúlhtsꞌi inleꞌ ꞌet huwa. ꞋEt ꞌandit neMoodihti, ꞌen be hootꞌen-i nohba suliꞌ. ꞋInka tsꞌoodunne be hootꞌen-i niz nuhúdilh ꞌet ndóhtꞌeꞌ hubaꞌ hoontꞌoh.

Ephesians 5:9

Ndoni be ꞌutꞌen kꞌoh, tsꞌiyantsuk ndet hoonzoo-un, tsꞌihꞌun unꞌa ꞌuhoontꞌoh-un cha, ꞌinkꞌez khuni ꞌalhaꞌ ꞌuntꞌoh-i, ꞌi tsꞌiyawh Ndoni búlh ootsꞌun ha whúkat ꞌúhoontꞌoh wheꞌ hoontꞌoh ꞌet huwa.

Philippians 1:11

ꞋInkꞌez Jesus Christ ꞌen gha ꞌutꞌen tsꞌihꞌun ꞌuntꞌoh-i, ꞌet ndutihtꞌelh. ꞋEt whuz unꞌa Yakꞌusda ba tsꞌodólhtiꞌ ꞌinkꞌez ꞌon nus uzdólhtiꞌ.