Matthew 3:7 - Yak'usda Ooghuni

⁷ ꞋEt hoontsꞌi lhane Phariseene ꞌinkꞌez Sadduceene cha, too beꞌ hutilnelh ha highu nindil. Hubunilhꞌen ꞌinkꞌez ndúbulhni, “Nohni lubezo tlꞌughus buzkehke leꞌ ꞌáhtꞌoh! Yakꞌusda lubeshi ꞌulhꞌenne bubulh huntalchꞌoh-un, ꞌet whuz de hóoltsꞌulh, mbe ꞌunohulhni whuchꞌa úlhwus?

Matthew 3:7 Iomraidhean Croise

Genesis 3:15

ꞋInkꞌez nyun ꞌinkꞌez tsꞌeke bulh lhazdatni nohtiselh, ꞌinkꞌez nyuzkeh ꞌinkꞌez buzkeh. Ntsi yayinduntaꞌus ꞌinkꞌez ookentsul duntalhdah.”

Matthew 12:24

ꞋEt Phariseene whulh hudantsꞌo whe ꞌuhutni, “Ndun dune, ꞌen Beelzebul, ntsiꞌ-i nududehne bumoodih, ꞌen be ntsiꞌ-i nududeh-i dune tsꞌu ha nanuyukw,” hutni.

Matthew 12:34

Lubezo tlꞌughus buzkeh leꞌ ꞌahtꞌoh! Ntsꞌenꞌa ꞌahtsiꞌ ꞌinkꞌez khuni unzoo-i be yatahduk? Nohdzi ndai be dizbun ꞌi be yalhduk.

Matthew 15:12

ꞋEt yugha hodulꞌehne highu nindil whe ꞌuhuyulhni, “Tꞌeoonínzun eh Phariseene nyodantsꞌo whe buba dzoh ꞌúdinja?”

Matthew 16:1

ꞋAwet Phariseene ꞌinkꞌez Sadduceene cha, highu nindil ꞌinkꞌez huyóolhdzih whe huyoodulhkut, “Yakꞌuz whutsꞌun hooncha tuneꞌ whutꞌen-un, whunénolhtun ꞌaitꞌoh?”

Matthew 16:6

ꞋEt Jesus ꞌubulhni, “Kahdli ndunne Phariseene ꞌinkꞌez Sadduceene cha, ꞌenne bules untuldoh-i chꞌa.”

Matthew 22:15

ꞋEt ꞌawet Phariseene ꞌudun nehúnindil ꞌinkꞌez howu yahalhduk, ntsꞌenꞌa la Jesus ye yalhduk-i, ꞌi be hitilhgooh hukwaꞌ hutꞌen.

Matthew 22:23

ꞋEt dzin za Sadduceene, highu nindil. ꞋEnne ꞌuhutni datsꞌúzsai ꞌinkꞌez ꞌaw natsꞌuhótnah ꞌaítꞌoh.

Matthew 22:34

ꞋEt Phariseene whulh ꞌúhudantsꞌo ntsꞌenꞌa la Jesus Sadduceene buze whudanaꞌninꞌai ꞌet ꞌilhoꞌ hozdil.

Matthew 23:33

Tlꞌughus lubezo buzkehke léꞌahtꞌoh! Kwuncho yo wheni nohba nahutideh-un, ntsꞌenꞌa ꞌutihnelh whenghoh táhdulh? Soo gak!

Matthew 5:20

ꞋAlha nohdusni ndunne Moses be ꞌudustlꞌus ꞌukꞌu nunáguzne ꞌinkꞌez Phariseene cha, ꞌenne hiye tsꞌihꞌun unꞌa ꞌuntꞌoh-i ꞌinkꞌez nohni be tsꞌihꞌun unꞌa ꞌahtꞌoh-i, ꞌi buba nus ahzoo de, ꞌet de za ntsꞌe la yakꞌuz kꞌuneꞌ whulꞌen-un tsꞌe tíhdulh.”

Mark 12:13

ꞋEt whulohne Phariseene ꞌinkꞌez Herod ooduneꞌne cha Jesus khuni be huyoolhgooh ha hitsꞌú whe bahalhꞌaꞌ.

Mark 12:18

ꞋAwet Sadduceene, Jesus highu nindil. ꞋEnne la ꞌuhutni, “Datsꞌúzsai ꞌinkꞌez ꞌaw natsꞌukhótnah ꞌaítꞌoh.”

Mark 8:15

ꞋEt Jesus bugha ꞌutni whe, “Huwohleꞌ, ꞌahoolhyiz khuhdli Phariseene ꞌinkꞌez Herod bules untuldoh-i chꞌa,” ubúlhni.

Luke 16:14

ꞋEt Phariseene sooniya buba diztiꞌne ꞌuhintꞌoh. Daja ni tsꞌiyawh hidantsꞌo, ꞌinkꞌez highudloh.

Luke 18:11

Ndun Pharisee ꞌen dichꞌoh usyin ꞌinkꞌez tenadudli whe njan ndutni, ‘Yakꞌusda musi nyudusni. ꞋAw ꞌuyoonne dune dúlhuztꞌoh. ꞋUyoonne eꞌwhuhalhtsꞌit sooniya be, ꞌenne ꞌaw tsꞌihꞌun lheꞌitꞌohne ꞌuhintꞌoh, ꞌinkꞌez tsꞌekoo kꞌus dunene bulh níntaꞌ ꞌutꞌihne. ꞋInkꞌez ndun sooniya ꞌilhunaoosꞌaih-un, ꞌen cha bundúlh uztꞌoh.

Luke 7:30

ꞋEt hoontsꞌi Phariseene ꞌinkꞌez Moses be ꞌudustlꞌus kꞌut daja ni whe ꞌuyoo unli be yalhdukne, tsꞌiyawh Yakꞌusda ntsꞌe la butsꞌu hukwaꞌ ninzun-un, ꞌantsꞌi ꞌun huhutilhdil. ꞋAw John too be lhéꞌbilel ꞌet huwa.

John 1:24

ꞋEt ndunne John tsꞌu whélꞌaꞌne, Pharisee lohne za ꞌuhintꞌoh.

John 8:44

Netsudule ꞌen nohbá ꞌuntꞌoh. Ndet la ꞌen hukwaꞌ ninzun, ꞌoh te za neꞌóohtꞌen hukwaꞌ nahzun. Soo ꞌudechoo daꞌ whutsꞌun dune ughan-un unli. ꞋAw tsꞌihꞌun ꞌuhoontꞌoh-un hukwa lheꞌnizun, ꞌet huwa ꞌaw ndi khuni ꞌalhaꞌ ꞌuntꞌoh-i ooghu whéyooloh. Ntsꞌoh tula neꞌduniꞌ-un tankꞌus unꞌa za yalhduk, dichꞌoh dukꞌunꞌa ꞌutni ꞌet huwa. Whutsꞌit-un unli, ꞌinkꞌez whutsꞌit-i, ꞌen za ootsꞌu haídukat.

John 9:40

ꞋEt whulohne Phariseene yugha hodulꞌehne hodántsꞌo whe, ꞌet ꞌuhuyúlhni, “Wheni cha lhtsꞌuhoos̱ꞌen dini whe eh dini?”

Acts 15:5

ꞋEt whulohne ooba ꞌalha ꞌuhoontꞌohne Pharisee tsꞌú ditnine dodindil ꞌinkꞌez ꞌuhutni, “ꞋUdun yun kꞌut whutꞌenne hika dune unli-i kꞌut ubuhotꞌas ꞌinkꞌez ndi Moses ooghuni ꞌukꞌu nusguz-i kꞌúneꞌ hootꞌen ubuhudóniꞌ hubaꞌ hoontꞌoh.”

Acts 20:31

ꞋEt ꞌinka nohdúsni, huwahli ꞌinkꞌez whunaoolhnih, lhat snatsúl tooꞌ hoonli whe dzin ꞌinkꞌez ꞌulhdzis ꞌi bulh ꞌilhone ꞌahli whe tat yus kꞌut ꞌet whunohodisꞌeꞌ.

Acts 26:5

ꞋUdechoo whutsꞌun soo ꞌukꞌenus dulugliz hukwꞌun néꞌutꞌenne, Phariseene, ꞌenne bubulh dísdoh ꞌet tꞌéhonínzun ꞌet huwa hukwaꞌ huninzun de ꞌet daꞌ slaꞌ hudooniꞌ ooleꞌ.

Acts 5:17

ꞋEt ꞌawet Lizwif lubret ꞌukꞌenus diztiꞌ-un, ꞌinkꞌez yutsꞌú ditnine Sadduceene hinli ꞌenne la whelꞌaꞌne tube bugheꞌ hoolni suliꞌ.

Romans 1:18

Ndi Yakꞌusda ye hunilchꞌoh-i yunénilhtan mbene la Yakꞌusda dulhyoh ꞌinkꞌez tankꞌus ꞌítꞌelhne, ꞌenne ndi khuni ꞌalhaꞌ ꞌuntꞌoh-i tꞌehinínzun tankꞌus ꞌuhutꞌen whe yo hinilhtꞌi.

Romans 5:9

ꞋAw ꞌet za íloh, Jesus Christ buzkaiꞌ be Yakꞌusda nintaꞌtsꞌuntꞌen-un neba gak whulhtsi. ꞋEt huwa Yakꞌusda lubeshi ꞌulhꞌenne whe whunujut-un whe buba nahutiyeh. Jesus Christ ꞌen be Yakꞌusda ye húnilchꞌoh-i, ꞌi chꞌaz ꞌuzdutijih.

1 Thessalonians 1:10

ꞋInkꞌez ooYeꞌ, yakꞌuz tsꞌu hainya-un, ꞌen cha ooba sulhꞌi. Jesus ꞌen ꞌuntꞌoh. ꞋEn yaidlane butoh dunaidilhti ꞌinkꞌez Yakꞌusda ye nebulh hunilchꞌe-i negha tikulh-i, ꞌi chꞌa neulhyis-un, ꞌen ꞌuntꞌoh.

Hebrews 11:7

Noah ꞌen cha Yakꞌusda ooba ꞌalhaꞌ yintꞌoh. ꞋI be ꞌawhuz lhuhoos̱ꞌen-un Yakꞌusda yúlhni, “Huwonleꞌ ꞌawet whuz de hóoltsꞌulh.” Whe nuljut ꞌinka tsꞌi cho ꞌuyínla. ꞋEt huwa Noah hiyoh dilhtsꞌine, ꞌenne tsꞌiyawh ubúlhyih. Ndi tsꞌi cho ꞌuyínla-i, ꞌi gha ndi yun kꞌut dúlcho whe dunene buba nahisda. ꞋInkꞌez be ꞌalha ꞌuhoontꞌoh-i be tsꞌihꞌun unꞌa ꞌuntꞌohne tsinli, Noah ꞌen cha whuz unꞌa Yakꞌusda ooba ꞌalhaꞌ yintꞌoh-un suliꞌ, ꞌi be tsꞌihꞌun dune inleꞌ.

Hebrews 6:18

Yakꞌusda ꞌaw hootsꞌit ꞌaitꞌoh. ꞋEt huwa ndet la howu yalhduk-un ꞌinkꞌez butsꞌu náhizya-un, ꞌet náwhultꞌoh ꞌaw ꞌatsꞌun unꞌa naꞌhotneh ꞌaitꞌoh. ꞋEt huwa tꞌetsꞌoninzun Yakꞌusda ꞌaw nela dootnih ꞌaitꞌoh. Wheni cha ndet la hukwa tse tsꞌúhooli-un, ꞌet tsꞌohótun hubaꞌ hoontꞌoh. ꞋI gha nedzi do náꞌutꞌi.

1 John 3:10

ꞋEt ndiz unꞌa Yakꞌusda buzkeh ꞌinkꞌez netsudule buzkeh cha tꞌehunudzun: Mbe la tsꞌihꞌun nulheꞌustꞌen, kꞌus dudulhutsin kꞌelhísiꞌ, ꞌen Yakꞌusda uniyalh-un iloh whe ꞌuntꞌoh.