Matthew 3:6 - Yak'usda Ooghuni

⁶ ꞋInkꞌez dulubeshi kꞌunꞌa huhoolnuk whe ꞌukoh Jordan John ꞌen too beꞌ balhꞌen.

Matthew 3:6 Iomraidhean Croise

Matthew 3:11

Noheni nahunduníhla ꞌet huwa too be za too beꞌ nohúsdla. ꞋEt hoontsꞌi skꞌelhꞌaz whusatiyalh-un, ꞌen sanus diztiꞌ whe ꞌuntꞌoh. ꞋAw ookegon ooba nétisdlelh huba soo lheꞌusdzooꞌ. ꞋEn Ndoni ꞌinkꞌez kwun bulh be too beꞌ nohtilhꞌelh.

Mark 1:5

ꞋEt whe la tsꞌiyanne Judea whunat whutꞌenne ꞌinkꞌez Jerusalem whutꞌenne cha tehúnindil ꞌinkꞌez John dune too be ꞌulhꞌen-un huyoozílhtsꞌai. ꞋInkꞌez dulubeshi ghun huna huhoolnuk whe ꞌukoh Jordan huwhútni-un toot ꞌet John dune too béꞌ balhꞌen.

Luke 1:16

ꞋInkꞌez Israel ootsꞌu hainzutne, lhane neMoodihti buYakꞌusda tsꞌu butilelh.

Luke 3:16

John tsꞌiyawh ꞌet ubúlhni, “Too za-i be too béꞌ nohusꞌen. ꞋEt hoontsꞌi skꞌelhꞌaz whusatiyalh-un, ꞌen sanus diztiꞌ whe ꞌuntꞌoh. ꞋAw ookechun natlꞌoolh ooba kꞌunatisꞌuk ꞌet hoontsꞌi huba soo lheꞌuzdzooꞌ. Ndun ꞌen Ndoni ꞌinkꞌez kwun bulh be too beꞌ nohtilhꞌelh.

Acts 1:5

John dune too be ꞌulhꞌen-un, ꞌen too be too beꞌ nohulhꞌen inleꞌ, ꞌet hoontsꞌi ꞌaw lhadzin iloh inleꞌ de, sBá Ndoni nohtsꞌo tlꞌaidutiꞌalh ꞌinkꞌez ꞌen be too beꞌ nohtilelh,” ubúlhni.

Acts 11:16

ꞋEt whunazni neMoodihti ꞌet ndutni inleꞌ, ‘John dune too be ꞌulhꞌen-un, ꞌen too be too beꞌ nohulhꞌen inleꞌ, ꞌet hoontsꞌi whusawhútiltsꞌulh, sBá ꞌen Ndoni nohtsꞌó tlꞌaidutiꞌalh ꞌinkꞌez nohyudútiltsꞌulh ꞌet whuz unꞌa too beꞌ nohtilelh.’

Acts 19:18

ꞋInkꞌez mbene la dune dedúle unlíne, lhane butoh ooba ꞌalha ꞌuhoontꞌoh suliꞌ. ꞋEt whusahándil ꞌinkꞌez tsꞌiyanne nalh khuna hahoolnuk.

Acts 22:16

ꞋInkꞌez di ha ꞌon ꞌun huba silhꞌi? Dudinyaih ꞌinkꞌez too beꞌ ilneh ꞌinkꞌez ꞌen yé ulhtus-i gha nlubeshi nyunaoodeh neMoodihti booziꞌ gha!’”

1 Corinthians 10:2

ꞋEt netsodaꞌne kwꞌus ꞌinkꞌez yatooꞌ ꞌi bulh tsꞌiyawh Moses tsꞌun too beꞌ binla.

Colossians 2:12

Too be ꞌúlhneh whe ꞌet ꞌantsꞌi hiyulh ánohalhti léꞌahtꞌih. ꞋInkꞌez Yakꞌusda be ꞌutꞌen-i, ꞌi be yaidlane toh Christ dunabudinla, ꞌet nohba ꞌalha ꞌuhoontꞌoh. ꞋEt ꞌi be dunabudinla, ꞌet whuz unꞌa nohni cha hiyulh dúnanuhodinla wheꞌ hoontꞌoh.

Hebrews 6:2

ꞋInkꞌez ntsꞌenꞌa dune too be ꞌúlꞌen-un, ntsꞌenꞌa la ꞌuyoonne dune kꞌehúdilnih-un, ꞌinkꞌez ꞌet ntsꞌenꞌa ꞌuhutinelh dune yaidlane toh dunahudutádalh, ꞌinkꞌez ntsꞌenꞌa ꞌilhiz neba nahutideh-un whuz uztidulh. Njan ꞌudechoo hodilhꞌeꞌ-un, ꞌet ꞌuhoontꞌoh. ꞋEt cha za ꞌon ꞌun whunohtsꞌunoolhtun ꞌaitꞌoh.

Hebrews 9:10

ꞋAntsꞌi hitiꞌulh-i, hititnelh-i, lhelhtsꞌun unꞌa la tunáhududugus, ꞌinkꞌez ndai la buyustꞌe ba tsꞌihꞌun ꞌuntꞌoh-i, ndi ꞌi tsꞌiyawh nus de ꞌandit-un Yakꞌusda ba neꞌhutitꞌen, ꞌoh de buba whusawhútiltsꞌulh-un, ꞌet whutsꞌun, whuz unꞌa ꞌuhootꞌen hubaꞌ hoontꞌoh inleꞌ.

James 5:16

Lhtsꞌun tankꞌus ꞌahtꞌen de, lhudóhni ꞌinkꞌez lhba tenadoohdli. ꞋEt ndahtꞌen de, ꞌet de la soo naꞌoohtneh. Tsꞌihꞌun dune, ꞌen tsꞌihꞌun unꞌa whe tenadudli de, ꞌet whuz unꞌa ootenadudli gha lhat-un hooncha túneꞌ whutitꞌen ꞌet huwa.

1 Peter 3:21

ꞋEt ndiz whuz unꞌa huwaꞌ tꞌetsꞌonanzin. ꞋEt njan too beꞌ tsꞌulya-un whézdujih dultꞌoh. ꞋAw neyustꞌe tsun bunaꞌtsꞌulhde, whuz unꞌa iloh. ꞋEt kꞌus Yakꞌusda tsꞌoodulhkut hoonzoo-un neyo tsꞌe oogha tꞌetsꞌoninzun-i whudoꞌaꞌ, ꞌet whuz unꞌa uzdujih. Jesus Christ dunadija-un, ꞌet huwa.

1 John 1:9

Lubeshi ꞌutsꞌalhꞌen tsꞌutni de, ꞌaw nelalhdutisni ꞌinkꞌez tsꞌihꞌun ꞌuntꞌoh whe nelubeshi neba yunaoodutilnoh ꞌinkꞌez tankꞌus unꞌa ꞌuhoontꞌoh-un, tsꞌiyawh whuchꞌa neyunaꞌtilhdoh.