Matthew 3:2 - Yak'usda Ooghuni

² ꞋEt ꞌubulhni, “Noheni náhandunoohleh. Yakꞌuz kꞌuneꞌ whulꞌen-un nohtoh ꞌutitꞌelh-un, ꞌawet nilhdukw.”

Matthew 3:2 Iomraidhean Croise

Matthew 10:7

ꞋAhdulh whe ꞌet budóhni, ‘Ntsꞌenꞌa la yakꞌuz kꞌúneꞌ whulꞌen-un ꞌawet nilhdukw.’

Matthew 11:20

ꞋEt hukwꞌelhꞌaz keyoh whuti totsuk ꞌutꞌen ncha-i oobaꞌ yílya-i, ndutꞌenne hukwa budániꞌ. ꞋAw dudeni nahándunoolelh hukwa lheꞌhunízun.

Matthew 12:41

ꞋInkꞌez ꞌoh whuya hoozulh-un dzin dune ba nahutideh de, Nineveh whutꞌenne ꞌenne dahutádulh ꞌinkꞌez ꞌanditne ꞌinkꞌez buba nahotiyeh. ꞋOh daꞌ Jonah bubulh yailhduk daꞌ, dudeni nahondunizdla. ꞋInkꞌez ꞌilhoghun Jonah anus diztiꞌ-un nohtoh usyin.

Matthew 13:11

ꞋEt ndúbulhni, “Yakꞌuz be kꞌúneꞌ whulꞌen-un be whe hoontꞌoh hooyoh-i, daja ni-un, nohni nohghá whuntꞌai. ꞋOnghohne ꞌaw bugha lhúhooltsꞌulh.

Matthew 13:24

ꞋUyoo khuni be nawhutnuk-i be whutsꞌodulꞌeh-i, be bubulh yalhduk ꞌet whe njan dúbulhni, “Yakꞌuz lerwe ꞌuhuhoolhdzun-un, ꞌet ndiz unꞌa njan dúhoontꞌoh: Dune duyun kꞌut ookwꞌut ꞌaꞌ nukat. ꞋUzooꞌ-i ꞌananla.

Matthew 13:31

Doo cha ꞌuyoo khuni be nawhutnuk-i be whutsꞌodulꞌeh-i be bubulh yalhduk. Njan dúbulhni, “Yakꞌuz lerwe ꞌuhuhoolhdzun-un, ꞌet ndiz unꞌa njan duhoontꞌoh. Mai, mustard huyulhni, kꞌunꞌa ꞌuntꞌoh. Dune yílhchoot ꞌinkꞌez duhanuyeh kꞌet ꞌainanꞌai.

Matthew 13:33

Doo cha ꞌuyoo khuni be nawhutnuk-i be whutsꞌodulꞌeh-i, ꞌi be bubulh yalhduk whe njan dúbulhni: “Yakꞌuz lerwe ꞌuhuhoolhdzun-un, lhes ntuldoh-i ndultꞌoh. Tsꞌeke yílhchoot ꞌinkꞌez lhes nudzaih-i, ta tsetsꞌai be úndeꞌooldzih-i dizbun. ꞋI ntuldoh-i bulh ꞌilho be yándzai, ꞌinkꞌez yunilhtlus. ꞋEt hukwꞌelhꞌaz ꞌudun neíninkai whe untílhdo.”

Matthew 13:47

“Doo cha za, yakꞌuz kꞌúneꞌ whulꞌen-un, ꞌet ndiz unꞌa njan dúhoontꞌoh: Lhembilh tahúyalhdil ꞌinkꞌez toot huyigus lhawh didowh-i huzdlooh.

Matthew 13:52

ꞋEt ꞌubulhni, “ꞋEt huwa Yakꞌusda ooghuni ꞌukꞌeguz-i ꞌinkꞌez yakꞌuz kꞌuneꞌ whulꞌen-un ꞌet huwun wheyodalhꞌeꞌ, dune yoh whumoodih-un ndultꞌoh. Yutꞌi-i toh tsꞌiyawh tsꞌet ha yúle, ꞌandidi-i ꞌinkꞌez ꞌujut-i cha. ꞋEt whuz unꞌa dune hodulhꞌeh.”

Matthew 18:23

ꞋEt yakꞌuz kꞌúneꞌ whulꞌen-un, ꞌet nduhoontꞌoh: ꞌilhoghun lerwe unli daꞌ, ꞌet be ꞌulhnane, ꞌenne daltsuk be butsꞌú whulhꞌai, ꞌi tsꞌiyawh ye bubúlh lhanaoodutile hukwaꞌ ninzun.

Matthew 20:1

“Ndiz unꞌa yakꞌuz whulerwe tsꞌiyawh kꞌuneꞌ whulꞌen: ꞋIlhoghun dune ꞌen yun kꞌut yun ꞌutꞌi-un. ꞋEt tsꞌekoo tooꞌ mai chun ha niyeh kꞌet, ꞌet huba ꞌutitꞌelhne haꞌ ninzun. Bundada ꞌudaꞌ ꞌet dune tilhꞌalh ha whuz whinya.

Matthew 22:2

“ꞋEt yakꞌuz kꞌúneꞌ whulꞌen-un, ndiz unꞌa njan dóohoontꞌoh, ꞌilhoghun lerwe ooyeꞌ ooꞌat whutaleh, ꞌet huba lhadútitneh.

Matthew 23:13

ꞋEt hoontsꞌi nohni Moses be ꞌudustlꞌus ꞌukꞌu nunáguzne nohni Phariseene cha, duba naꞌudzooꞌne ꞌahtꞌoh! Dawhultsiꞌ-un ꞌet nohtsꞌu hóoltsꞌulh. Lerwe yakꞌuz usda-un, ꞌet whudáti dune chꞌa dánaꞌ dihtan. Nohnichꞌoh daóohyaꞌ ꞌaitꞌoh. ꞋInkꞌez mbene la whuz ꞌudulhne, ꞌenne cha ꞌaw dábohlelh ꞌaitꞌoh.

Matthew 25:1

“Yakꞌuz ntsꞌe la lerwe usda-un ndi yun kꞌut whusahóoltsꞌut de, ꞌet whuz unꞌa ndó tanelh: whunizyane tꞌedukoo dune tꞌenuszunne, ndi kwun be hootꞌen-i huyilhchoot ꞌinkꞌez dune ꞌat titꞌelh-un ꞌaz hiba sulhꞌi.

Matthew 25:14

“Yakꞌuz lerwe usda-un, ꞌet ndó tanelh: dune dukeyoh huwu tiyalh. ꞋEt tiyalh whutso dude ꞌulhnane ꞌanih ubudaniꞌ. Ndai la yutꞌi-i butlꞌa yánla.

Matthew 4:17

ꞋEt whutsꞌun Jesus dune bubulh yawhénilhduk whe ndubúlhni, “Noheni náhandunoohleh! Yakꞌuz kꞌuneꞌ whulꞌen-un ꞌawet nilhdukw suliꞌ.”

Matthew 4:23

Galilee yun kꞌut Jesus ndulcho nuya whe Lizwifne bulugliz ꞌet bubulh yálhduk. Yakꞌuz kꞌuneꞌ whulꞌen-un, ꞌen ghun khuni unzoo-i be bubulh yálhduk. Dune toh mbe la ndudane ꞌinkꞌez ooyustꞌe tétsunne, tsꞌiyanne soo naꞌbulhꞌen.

Matthew 5:10

Tsꞌihꞌun ꞌuhintꞌoh huwa dzoh nubuhulhdehne, ꞌenne yakꞌuz kꞌuneꞌ whulꞌen-un, ꞌet buchꞌeꞌ hinli. ꞋEnne ꞌukꞌenus hoonzoo-un bughá whultsꞌut.

Matthew 5:3

“Lubeshi ꞌulhꞌenne, budzi telꞌen unline, ꞌenne yakꞌuz kꞌuneꞌ whulꞌen-un oochꞌeꞌ huzdliꞌ, ꞌet huwa ꞌukꞌenus hoonzoo-un bugha whultsꞌut.

Matthew 6:10

Whe lerwe inli-un, whusahooltsꞌit. Hukwaꞌ ninzun te, ndo honeh. Ndi yun kꞌut ꞌinkꞌez yakꞌuz cha, ndúhoneh.

Matthew 6:33

ꞋEt hoontsꞌi ntsꞌenꞌa Yakꞌusda nohba lerwe tileh ꞌinkꞌez be tsꞌihꞌun unꞌa ꞌuhoontꞌoh-i nohchꞌeꞌ tileh, ꞌet za hukwaꞌ nahzun, ꞌinkꞌez ꞌon ꞌun cha tsꞌiyawh nohgha tíkulh wheꞌ hoontꞌoh.

Mark 1:15

ꞋInkꞌez ꞌet ꞌutni, “ꞋAndit ꞌawet whusahónzut. ꞋAwet nilhdukw Yakꞌusda ookꞌúneꞌ whutitꞌen wheꞌ hoontꞌoh. Lubeshi ꞌulhꞌen-un noheni náhandunoohleh, ꞌinkꞌez khuni unzoo-i nohba ꞌalha ootꞌeꞌ ꞌinkꞌez ulhchoot!”

Mark 1:4

John dune too be ꞌulhꞌen-un, ꞌaw dune lhuhóotꞌih tsꞌe oozya ꞌinkꞌez tubeꞌ budániꞌ, “Lubeshi ꞌulhꞌen-un noheni náhandunoohleh, ꞌinkꞌez too beꞌ ꞌúlhneh, ꞌaw ꞌet de za Yakꞌusda nohlubeshi nohba ꞌún yutilhdulh.”

Mark 6:12

ꞋEt whe la hándil ꞌinkꞌez dune Yakꞌusda ooghuni be bubulh yáhulhduk, “Nohlubeshi chꞌa lhtꞌananoohdilh,” hubuhútni.

Luke 1:16

ꞋInkꞌez Israel ootsꞌu hainzutne, lhane neMoodihti buYakꞌusda tsꞌu butilelh.

Luke 11:20

ꞋEt hoontsꞌi Yakꞌusda oolasga be ntsiꞌ-i nududeh-i dune tsꞌu ha nánusyukw de, ꞌet ꞌalha ꞌuhoontꞌoh Yakꞌusda whe lerwe unli-un, ꞌet nohgha whultsꞌut wheꞌ hoontꞌoh.

Luke 13:3

ꞋAwundooh nohdusni! ꞋEt hoontsꞌi noheni náhandunoohleh ꞌet ndúlhahnel de, ꞌet de nohni cha whuz unꞌa za tsꞌiyawh yaitáhdlah!

Luke 13:5

ꞋAwundooh nohdusni! ꞋEt hoontsꞌi nohni cha noheni náhandunoohleh ꞌet ndúlhahnel de, nohni cha tsꞌiyawh, whuz unꞌa za tsꞌiyawh yaitáhdlah!”

Luke 15:10

Whuz unꞌa za nohdusni, ꞌilhoghun dudeni nahundunizꞌai de, Yakꞌusda oolizasne tsꞌiyawh howun tálhni.”

Luke 15:7

ꞋEt nohdusni, whuz unꞌa za ꞌilhoghun dune dudeni nahundunizꞌai, ꞌen 99 tsꞌihꞌun ꞌuntꞌohne ꞌudaꞌ dulubeshi chꞌa dudeni nahundunizdla. ꞋEt hoontsꞌi ndun ꞌilhoghun dune ꞌen gha ndo yakꞌuz dilhtsꞌine buba nus ꞌon nus howun tálhni.”

Luke 16:30

ꞋInkꞌez ꞌuyulhni, ‘ꞋAwundooh ꞌubá Abraham. ꞋEt ꞌilhoghun yaidlane toh tsꞌe ha nája de ꞌinkꞌez butsꞌu tizya de, ꞌet huwa la dudeni nahondunooleh.’

Luke 21:31

Nohni cha whuz unꞌa nohnalh ꞌet nduwhútꞌen de, ꞌet huwa la tꞌeoonoohzeh Yakꞌusda whe lerwe unli-un ꞌawet nilhdukw wheꞌ hoontꞌoh.

Luke 24:47

ꞌinkꞌez booziꞌ gha tsꞌiyanne dulubeshi chꞌa dudeni naháhundunooleh, ꞌinkꞌez bulubeshi buba úntukuk cha, ꞌohwhi ghun booziꞌ gha tsꞌiyanne dóhniꞌ hubaꞌ hoontꞌoh. ꞋEt njan Jerusalem ꞌet cho wheꞌ dohtꞌen. ꞋEt hukwꞌelhꞌaz de ꞋUdun Yun Kꞌut Whutꞌenne whubodoolhꞌeh.

Luke 6:20

Jesus ꞌet yugha hodulꞌehne, butunuyúꞌen whe njan dúbulhni, “Nohni telꞌenne Yakꞌusda whe lerwe unli, ꞌet nohni nohchꞌeꞌ ꞌuhoontꞌoh. ꞋEt huwa ꞌukꞌenus hoonzoo-un nohgha whultsꞌut.

Luke 9:2

Yakꞌusda lerwe unli-un ꞌet huwun ubulh yahoolhduk ꞌinkꞌez ndudane soo naꞌboohooleh wheni whe balhꞌaꞌ.

Acts 11:18

ꞋEt Jerusalem ooba ꞌalha ꞌuhoontꞌohne hodántsꞌo whe Peter hichꞌaz yálhduk ꞌetsul ꞌuhudíja ꞌinkꞌez ꞌenne cha Yakꞌusda hudílhtiꞌ. ꞋInkꞌez njan duhútni, “ꞋUdun yun kꞌut whutꞌenne, ꞌenne cha lhtꞌanahunoodilh ꞌinkꞌez ꞌilhiz hukhoonaꞌ. ꞋEt whuz unꞌa Yakꞌusda bughá whuninꞌai,” hutni.

Acts 17:30

ꞋEt ꞌoh daꞌ dune tꞌehonúszun huwa Yakꞌusda dzoh nulhúbilhdzulh, ꞌet hoontsꞌi ꞌawet ꞌandit Yakꞌusda tsꞌiyanne dune ndulcho dudeni nahondunooleh ꞌubulhni.

Acts 2:38

ꞋEt Peter ꞌubulhni, “ꞋIlhone ꞌahli whe lhtꞌananahdilh ꞌinkꞌez Jesus Christ booziꞌ gha too be ꞌúlhneh. ꞋEt nohlubeshi nohunaoodeh ꞌinkꞌez la Ndoni nohyudóoltsꞌit.

Acts 20:21

Lizwifne ꞌinkꞌez ꞌudun yun kꞌut whutꞌenne ꞌalhgoh tube cho bugha dísniꞌ Yakꞌusda tsꞌun dudeni nahondunooleh, ꞌinkꞌez Jesus Christ neMoodihti ꞌen buba ꞌalhaꞌ yotꞌeꞌ.

Acts 26:20

ꞋUdechoo Damascus ꞌet ꞌinkꞌez Jerusalem cha ꞌet hukwꞌelhꞌaz Lizwifne buyun kꞌut ndulcho whe, ꞌudun yun kꞌut whutꞌenne butoh cha, dudeni nahondunooleh hubaꞌ hoontꞌoh ꞌinkꞌez Yakꞌusda tsꞌu náhoolyeh ꞌinkꞌez dudzi náhondunizdla tsꞌe whuz unꞌa za neꞌhóotꞌen, ꞌubudúsni.

Acts 3:19

ꞋEt huwa noheni nahandunahle ꞌinkꞌez Yakꞌusda ootsꞌu nálhyeh, ꞌawet de za la nohlubeshi nohunáyóolhdeh.

2 Corinthians 7:10

Yakꞌusda hukwaꞌ ninzun kꞌunꞌa tsꞌodi tsinli de, ꞌet lhtꞌanaznoodilh uzdoojih ha, whuz unꞌa ꞌaw nedzi úndoodaꞌ ꞌaitꞌoh ꞌet huwa. ꞋEt hoontsꞌi ndi yun kꞌut tsꞌodi, ꞌi be yatsꞌadlah.

Colossians 1:13

NeBá ndi tsalhgus yo ulhtus-i tsꞌu ha náneanla, ꞌinkꞌez duYeꞌ yukꞌensiꞌ-un, ntsꞌe whulerwe unli-un, ꞌet nenáneninla.

2 Timothy 2:25

Yo ꞌúdudildzun ꞌinkꞌez buchꞌaz ditnine tsꞌihꞌun bubulh nenáhohoꞌalh. ꞋEt tilah Yakꞌusda dudeni nahundunizdla uboolhtselh. ꞋEt de sih khuni ꞌalhaꞌ ꞌuntꞌoh-i tꞌehinoozeh.

Hebrews 6:1

ꞋEt huwa ndi ꞌudechoo Christ ghun hodilhꞌeꞌ-un, ꞌet za hodoolhꞌeh junih, kꞌus ꞌon ꞌun cha hodoolhꞌeh. ꞋEt de soo tsꞌihꞌun unꞌa lhadulyane kꞌunꞌa oohtꞌeꞌ. Ndi ꞌudechoo whutsꞌodilꞌeꞌ-un, ꞌet yoh ookwꞌuwhuzꞌai-i ndúwhultꞌoh, ꞌinkꞌez ꞌi whenichꞌoh ꞌaw ꞌuyoo naꞌtsꞌooleh hukwa lheꞌuznízun. Ndi ꞌudechoo whutsꞌodilꞌeꞌ-un, ndai la ꞌutsꞌalhꞌen-i ꞌantsꞌet ꞌuhoontꞌoh, ꞌaw nela ooneh ꞌaitꞌoh, ꞌi tsꞌiyawh oochꞌaz nátsꞌoolꞌah. ꞋEt ntsꞌenꞌa ꞌuhoontꞌoh Yakꞌusda neba ꞌalhaꞌ ꞌuntꞌoh-un, ꞌet cha.

2 Peter 3:9

NeMoodihti ntsꞌenꞌa netsꞌu náhizya-un, ꞌaw saꞌ nulhéꞌustꞌen. ꞋEt whulohne saꞌ sla ꞌutꞌen huninzun. ꞋEt hoontsꞌi tube saꞌ neba sulhꞌi. ꞋAw ꞌilhoghun ninta ooltsꞌit hukwa lheꞌnizun. ꞋEt tsꞌiyanne dudzi nahondunooleh ꞌet za butsꞌu hukwaꞌ ninzun.

Revelation 2:21

Ndun tsꞌeke ꞌuyoonne dune bulh nintaꞌutꞌih-un, ꞌet ꞌetsul ooneh dúsnih, ꞌet ꞌaw dudzi kꞌoh nalheꞌyilel.

Revelation 2:5

ꞋEt whunaoolhnih ndet nálhtsꞌut-un. Lhtꞌananahdaih ꞌinkꞌez ꞌudechoo nohꞌeꞌ utꞌen-i nalhchoot. ꞋAw lhtꞌanalhníhdil de, khuntsul nohtsꞌun tísyalh ꞌinkꞌez nyoo nohbe hóotꞌen-i nohghu naitáschulh.