Matthew 3:17 - Yak'usda Ooghuni

¹⁷ Khuntsul ndus de ꞌuwhutni, “Ndun ꞌ sYeꞌ ookꞌesiꞌ whé ꞌuntꞌoh, ꞌinkꞌez tube ꞌen bulh hoonústꞌiꞌ,” ni.

Matthew 3:17 Iomraidhean Croise

Matthew 12:18

“Nulhꞌen Seꞌustle-un, ꞌutahásti-un ꞌuntꞌoh. Ookwꞌesiꞌ-un. ꞋEn ghun szul tube yóontꞌiꞌ. Syughi ookꞌé dutasdoh. ꞋEt ntsꞌenꞌa dahoontꞌoh dune ba nahisyilh, sYeꞌ whuz unꞌa za ꞌudun yun kꞌut whutꞌenne ubódutánelh.

Matthew 17:5

Peter yalhduk whe khuntsul kwꞌus be tidatꞌen-i bukꞌeinde. Kwꞌus toh tsꞌe khuntsul ꞌuwhutni, “Ndun sYeꞌ soo ookꞌesiꞌ-un ꞌuntꞌoh. ꞋEn bulh hóonustꞌiꞌ. ꞋEn oozúlhtsꞌai!”

Mark 1:11

ꞋEt ꞌuwhútni, “Nyun sYeꞌ inli. Tube nkꞌesiꞌ, ꞌinkꞌez tube nyulh hoonústꞌiꞌ.”

Mark 9:7

ꞋInkꞌez khuntsul kwꞌus bukꞌínde ꞌinkꞌez ndo kwꞌus toh tsꞌe yaztílhduk, “Ndun sichꞌoh sYeꞌ ꞌuntꞌoh, tube ookꞌesiꞌ, oozúlhtsꞌai,” whutni.

Luke 3:22

ꞌinkꞌez Ndoni dutꞌai, dove huyulhni, ꞌi kꞌunꞌa ndus de hátꞌoh ꞌinkꞌez yukꞌítoh. ꞋEt yakꞌuz khuni huduztsꞌai, ꞌi njan ndutni, “Nyun sYeꞌ ookꞌesiꞌ-un ꞌintꞌoh. Tube nyulh hoonústꞌiꞌ.”

Luke 9:35

Kwꞌus toh tsꞌe khuni huduztsꞌai, “Ndun sYeꞌ ookwꞌesiꞌ-un ꞌuntꞌoh. ꞋEn oozóolhtsꞌai,” ni.

John 5:20

OoBá duYeꞌ yukꞌensiꞌ ꞌinka tsꞌiyantsuk be ꞌutꞌen kꞌoh whínulhtun. Ndet la whunalhꞌen-un, ꞌet ꞌon nus ꞌutꞌen kꞌoh hooncha-un, ꞌet whuyúntilhtun. ꞋI be la tube nohba hocha.

John 5:37

ꞋInkꞌez sBá, mbe la whuz de sútilhꞌaꞌ-un, ꞌen didutchꞌoh si sghun tsꞌihꞌun unꞌa whulhtsi. ꞋAw yalhduk whe lhduzúhtsꞌo, ꞌinkꞌez dantꞌóh-un unli ꞌaw lhuzihꞌen.

Ephesians 1:6

ꞋI gha ye unzoo diztiꞌ-i, ꞌi uzdólhtiꞌ. ꞋEt whuz unꞌa duYeꞌ yukꞌensiꞌ-un, ꞌen ooba sooꞌ tsꞌuldzooꞌ nesulhtsi.

Colossians 1:13

NeBá ndi tsalhgus yo ulhtus-i tsꞌu ha náneanla, ꞌinkꞌez duYeꞌ yukꞌensiꞌ-un, ntsꞌe whulerwe unli-un, ꞌet nenáneninla.

2 Peter 1:17

ꞋEt ꞌoh daꞌ ꞌuhooja-un, neBá Yakꞌusda duYeꞌ yudálhtiꞌ ꞌinkꞌez dádiztiꞌ whe ꞌuntꞌoh, ꞌet whunénilhtan. Kꞌus hooncha-un, ꞌen oochꞌeꞌ ꞌuhoontꞌoh, ꞌet dichꞌoh duYeꞌ yugha ooninꞌai. Yakꞌuz tsꞌe whe ꞌukꞌenus hooncha-un, ꞌet Yakꞌusda ooghuni ndus de ha díltsꞌut whe ndutni, “Ndun ꞌen sYeꞌ ookwꞌesiꞌ-un, ꞌen ꞌuntꞌoh. ꞋEn be tube hoonústꞌiꞌ.”

1 John 5:9

Dune oonalh ꞌóohoojane bughuni tsꞌilhchoot de, Yakꞌusda oonalh ꞌóohooja-un ꞌon nus hooncha wheꞌ hoontꞌoh, ꞌinkꞌez ndi Yakꞌusda duYeꞌ yughu yailhduk-i, ꞌi ꞌuntꞌoh.

Revelation 14:2

ꞋInkꞌez ndus de ꞌuwhútni. Too najilh-i leꞌ whutni. ꞋInkꞌez ditni, tube dutni kꞌunꞌa leꞌ ꞌutni. ꞋInkꞌez nela be, be tsꞌújun-i be ꞌujunne, ꞌi cha dástsꞌo.