Matthew 3:12 - Yak'usda Ooghuni

¹² Lufoos tlꞌo maiꞌ be tahawhúltsꞌih-i, ꞌi nuyútun. ꞋInkꞌez tlꞌo maiꞌ yutahawhúlhtsꞌih-i, ꞌinkꞌez yukꞌut ꞌutꞌen-i cha yukꞌut lhadútꞌih de, ꞌinkꞌez yunaꞌulhdoh. ꞋInkꞌez mai lhaduja-i, ꞌi tsꞌiyawh deínudzih ꞌinkꞌez mai bayoh tsꞌe wheyúli. ꞋEt hoontsꞌi ndi kwun ꞌaw nalhnusne, ootꞌooz, ꞌi be dutákꞌun,” ꞌubulhni.

Matthew 3:12 Iomraidhean Croise

Matthew 13:30

Whute ꞌet ndulhdzun haꞌ úntikulh whutsꞌun. ꞋEt ꞌawet haꞌ nukat-un neooninzut de, haꞌ untilelhne, si budósniꞌ, ꞌudechoo ꞌutꞌantsiꞌ ha nálhle ꞌinkꞌez bulhghel dutákꞌun huba. Unzoo-i tsꞌiyawh ha náhle ꞌinkꞌez ha níyeh-i bayoh whuz daníhdzai.’”

Matthew 13:41

Yinka Dune Yeꞌ, dulizas whuz de ꞌubutilhꞌalh whulerwe unli-un, mbene hukwaya hoonli tuneꞌ ꞌústꞌenne, ꞌinkꞌez yukꞌunulheꞌustꞌenne, tsꞌiyawh ꞌilhubohotálelh.

Matthew 13:42

ꞋInkꞌez ntsꞌe la kwun dizkꞌun hubaꞌ hoontꞌoh-un, whuz hubotilhdulh. ꞋInkꞌez tso yahutilhduk ꞌinkꞌez dughoo lhuhidutikꞌus.

Matthew 13:43

ꞋEt de la mbene la tsꞌihꞌun ꞌuntꞌohne, buBá lerwe unli-un, sa kꞌunꞌa butsꞌu haítiduz wheꞌ hoontꞌoh. Mbene la oodzo hoonline huyoozólhtsꞌai.”

Luke 3:16

John tsꞌiyawh ꞌet ubúlhni, “Too za-i be too béꞌ nohusꞌen. ꞋEt hoontsꞌi skꞌelhꞌaz whusatiyalh-un, ꞌen sanus diztiꞌ whe ꞌuntꞌoh. ꞋAw ookechun natlꞌoolh ooba kꞌunatisꞌuk ꞌet hoontsꞌi huba soo lheꞌuzdzooꞌ. Ndun ꞌen Ndoni ꞌinkꞌez kwun bulh be too beꞌ nohtilhꞌelh.

Luke 3:17

Lufoos tlꞌo maiꞌ be tahawhúltsꞌih-i, ꞌi lhaídilhdzun. ꞋInkꞌez tlꞌo maiꞌ yutahawhúlhtsꞌih de, ꞌinkꞌez yun cha gak whulhtsilh de, mai la lhaduja-i, ꞌi tsꞌiyawh dénudzih ꞌinkꞌez mai bayoh tsꞌe dainudzih. Kwun ꞌaw nalhnusne ootꞌooz dutákꞌun,” ubúlhni.

John 15:2

Mbene la si sgha ꞌuzuschum unline, bumaiꞌ hooloh de, ꞌi ꞌuzooschum butsꞌu haídule. ꞋInkꞌez mbene la bumaiꞌ lhai de, ndai la ꞌutsiꞌ-i bughu wheyoonli-i, ꞌi ꞌet de la ꞌon nus bumaiꞌ lhai ooleꞌ.