Matthew 3:1 - Yak'usda Ooghuni

¹ ꞋOh whuya hoozulh whe John dune too be ꞌulhꞌen-un Judea yun kꞌut dune lhuhootꞌi tsꞌe, whuz whinya ꞌinkꞌez dune bulh yalhduk.

Matthew 3:1 Iomraidhean Croise

Matthew 11:11

Tsꞌihꞌun unꞌa ꞌunohdusni, whuzdline toh, ꞌaw John dune too be ꞌulhꞌen-un anus díztiꞌ-un hooloh. ꞋEt hoontsꞌi yakꞌuz kꞌúneꞌ whulꞌen-un, mbe la ꞌukꞌenus diztiꞌ lhiloh-un, ꞌen yanus uncha whe ꞌuntꞌoh.

Matthew 11:7

ꞋEt ndunne whe hánꞌaz whe Jesus ꞌilhunaoosdilne, John ghun bubulh yawhenilhduk whe ndúbulhni, “Di tihꞌelh ha dune lhuhóotꞌih tsꞌe whéhdil? Tlꞌoghazilh nonulhtsꞌi, ꞌi tihꞌelh nahzun eh?

Matthew 16:14

ꞋEt ꞌuhuyulhni, “Whulohne, nyun John dune too be ꞌulhꞌen-un ꞌintꞌoh hutni. Whulohne cha, Elijah ꞌintꞌoh hutni. ꞋOnghohne cha, Jeremiah ꞌintꞌoh hutni. ꞋInkꞌez whulohne nus hooꞌen-un ꞌilhoghun ꞌintꞌoh hutni.”

Matthew 21:32

ꞋEt be tsꞌihꞌun unꞌa ꞌuhoontꞌoh-i, ꞌi be John dune too be ꞌulhꞌen-un nohtsꞌó whusainya, ꞌinkꞌez ꞌaw nohba ꞌalha lheꞌhootꞌoh. ꞋEt hoontsꞌi sooniya nalhdzoohne ꞌinkꞌez tsꞌekoo ꞌulꞌenne, tsꞌiyawh buba ꞌalha ꞌuhoontꞌoh ꞌet huwa. ꞋEt nohni whunulhꞌen ꞌet hoontsꞌi ꞌaw noheni kꞌoh nálheꞌuhlel. Whuz unꞌa za nohba ꞌalha lheꞌhootꞌoh.”

Matthew 3:8

Whute lubeshi chꞌa noheni nahandunoohleh de, ndahtꞌen-un tsꞌiyanne tꞌehonózin ndahtꞌoh la,

Mark 1:15

ꞋInkꞌez ꞌet ꞌutni, “ꞋAndit ꞌawet whusahónzut. ꞋAwet nilhdukw Yakꞌusda ookꞌúneꞌ whutitꞌen wheꞌ hoontꞌoh. Lubeshi ꞌulhꞌen-un noheni náhandunoohleh, ꞌinkꞌez khuni unzoo-i nohba ꞌalha ootꞌeꞌ ꞌinkꞌez ulhchoot!”

Mark 1:2

ꞋUdaꞌ Yakꞌusda be nus hooꞌenne, ndi Yakꞌusda ooghuni ghun ukꞌunuhíyuzguz-i, ꞌet njan ndutni, “‘Soo zílhtsꞌai, ꞌuyoon khuni sba naꞌá-un ntsó tisꞌalh, mba lhawhúdutileh ꞌet wheni.’

Luke 1:76

ꞋInkꞌez nyun tsꞌoodunyaz, kꞌus ꞌudedo-un, ba nus hooꞌen-un nyo dutanelh. NeMoodihti ꞌen ti hoonzoo ooba whutalhtselh ha ootso tanyalh ꞌet huwa.

Luke 7:24

ꞋEt John khuni yuba naꞌáne whenáhitꞌaz whe Jesus John ghu yatilhduk whe ꞌilhunaoosdilne njan ndúbulhni, “Dune lhuhootꞌih tsꞌe ndet hukwa tse hoohli whutihꞌelh-un? Tlꞌoghazilh nónulhtsꞌi, ꞌi tilah tihꞌelh nahzun eh?