Matthew 28:6 - Yak'usda Ooghuni

⁶ ꞋAw njan hooloh! Dunadija whe ꞌuntꞌoh. Ntsꞌenꞌa la datínelh ni, whuz unꞌa dunadija whé ꞌuntꞌoh. ꞋAnih, njan whunulhꞌen, ndet la neMoodihti ilhteꞌ-un!

Matthew 28:6 Iomraidhean Croise

Matthew 12:40

Tat dzin ꞌinkꞌez tat ꞌulhdzis Jonah lho cho chandandaꞌ. Whuz unꞌa za Yinka Dune Yeꞌ ꞌen tat dzin ꞌinkꞌez tat ꞌulhdzis yun yo tsꞌe ꞌutitelh.

Matthew 16:21

ꞋEt whutsꞌun Jesus yugha hodulꞌehne, whubunulhtun nus daootanelh la. Jerusalem tsꞌu tiyalh. Keyoh ꞌutso whudilhdzulhne, lubret bumoodihne, ꞌinkꞌez Moses be ꞌudustlꞌus ꞌukꞌu nunáguzne cha, ꞌenne bube lhat-un whe dzoh nuhítilhdzut, ꞌinkꞌez hituzilhghelh. ꞋInkꞌez whulh tát dzin dunadutádalh.

Matthew 17:23

Hituzilhghelh ꞌinkꞌez whulh tat dzin dunadutádalh.” ꞋEt huwu dantsꞌo whe tube tsꞌodi huzdliꞌ.

Matthew 17:9

Dzulh kꞌut whenáhudidil whe, Jesus khuni ulhtus-i be bubulh yalhduk ꞌubulhni, “Yinka Dune Yeꞌ yaidlane toh dunadija de za whutsꞌun ndet hoohꞌen-un, ꞌuyoonne dóhniꞌ!”

Matthew 20:19

ꞋInkꞌez ꞌudun yun kꞌut whutꞌenne butlꞌa hitilhtelh. Butlꞌa húyalhti de, highu tidloh, huyootalhtsus, ꞌinkꞌez tulalhgus kꞌehuyitalhtelh. ꞋInkꞌez hukwꞌelhꞌaz whulh tat dzin dunadutádalh.”

Matthew 27:63

ꞋEt ꞌuhúyulhni, “Nemoodih ndun nenanꞌa-un ꞌawhuz khuna whe daja neúlhni la, ꞌet whunatsꞌilnih ‘Tat dzin inleꞌ de dunádutásdalh,’ ni.

Mark 16:6

ꞋEt ubúlhni, “Nulhjut iloh! Tꞌeoonúszun Jesus Nazareth whutꞌen-un, tulalhgus kꞌehíyilhti-un ookunáhta whe ꞌahtꞌen. Hooloh! Dunadija whe ꞌuntꞌoh! Njan whunulhꞌen ilhtéꞌ-un.

Mark 8:31

ꞋEt ꞌawet Jesus yugha hodulꞌehne whubodulhꞌeh ꞌinkꞌez ubúlhni, “Yinka Dune Yeꞌ lhat-un whe dzoh nuhítilhdzut. ꞋUtso whudilhdzúlhne, lubret moodihne ꞌinkꞌez Moses be ꞌudustlꞌus ꞌukꞌu nunáguzne cha tsꞌiyawh hika lheꞌuntszilh. Hituzilhghelh ꞌinkꞌez whulh tát dzin dunádutádalh.”

Luke 24:12

ꞋEt hoontsꞌi Peter dudinya ꞌinkꞌez tsꞌun kꞌuz tsꞌe oolhgai. Yoleꞌ ꞌuja ꞌinkꞌez tsa kꞌet whunilhꞌen. ꞋEt naih diztiꞌ-i za ꞌet ꞌusdla whe yutilhꞌen. ꞋEt duyoh tsꞌe whe naja. ꞋEt howu nuní nuzut ꞌinkꞌez ooba hooncha dahooja whusuba ꞌuhoontꞌoh.

Luke 24:23

ꞋAw hizi nálhilhtel. ꞋInkꞌez lizasne hanꞌen whe ꞌenne ꞌuhutni, ‘Khuna whe ꞌuntꞌoh!’

Luke 24:44

ꞋInkꞌez ꞌubulhni, “ꞋAwhuz nohbulh ꞌústꞌoh daꞌ ndi khuni ꞌi daꞌ be nohbulh yasduk-i, tsꞌiyawh lhaoodoneh Moses be ꞌudustlꞌus kꞌunusguz-i, ꞌinkꞌez nus hooꞌenne, ꞌinkꞌez Yakꞌusda ooghuni Shun eꞌdustlꞌus kꞌut cha si sghun ꞌukꞌu nusguz.”

John 10:17

Seꞌ ꞌusbaine ba be khúsna-i oola dutisnih ꞌinka be khúsna-i doo cha za naóozchoot. ꞋEt huwa la sBá tube skꞌensiꞌ.

John 2:19

ꞋEt Jesus ubúlhni, “Njan yoh whudíztiꞌ-un nohni musai whulhtsi ꞌinkꞌez tat dzin inleꞌ de, ꞌet dunaóodutásꞌalh.”

Acts 2:24

ꞋEn Yakꞌusda nahuyílhnaꞌ. Be datsꞌútsaih-i yuchꞌa nilde, ꞌaw ꞌilhiz daootsah huba lheꞌhóotꞌoh ꞌet huwa.