Matthew 28:18 - Yak'usda Ooghuni

¹⁸ ꞋEt Jesus butsꞌo whusainya whe bubulh yalhduk ꞌinkꞌez njan dúbulhni, “Yakꞌuz ꞌinkꞌez ndi yun kꞌut tsꞌiyawh whando ꞌustꞌoh-un, ꞌet stlꞌa hóoltsꞌut.

Matthew 28:18 Iomraidhean Croise

Matthew 11:27

ꞋUBá tsꞌiyawh stlꞌa hónla, ꞌinkꞌez ꞌen ooYeꞌ mbe unli tsꞌiyanne tꞌehonúszun. OoBá ꞌaw ꞌen za tꞌeininzun. ꞋInkꞌez mbe ooBá unli, ooYeꞌ ꞌaw ꞌen za tꞌeininzun. ꞋInkꞌez mbe la ooYeꞌ ꞌonghohne tsꞌiyawh whubuntilhtun hukwaꞌ ninzunne, ꞌenne whubuntilhtun.

Matthew 16:28

Soo tsꞌihꞌun unꞌa nohdusni, whulohne njan núdilhyane, dahutitsah whutsꞌo Yinka Dune Yeꞌ whe lerwe unli-un, whuz unꞌa whuz de uyalh de, dahútitsa whutsꞌo huyuntilhꞌelh.”

Matthew 26:64

ꞋEt Jesus ndúyulhni, “Nyunchꞌoh ꞌet ꞌúdini. Njan huwun nohbulh yasduk, kꞌat le de Yinka Dune Yeꞌ, ꞌen ulhtus-un, ꞌen nailhni tsꞌunkꞌus yughu usda, ꞌet whutihꞌelh. ꞋInkꞌez kwꞌus kꞌut ndus de ha tiyalh, ꞌet cha whutihꞌelh.”

Luke 10:22

ꞋUBá tsꞌiyawh stlꞌa hónla, ꞌinkꞌez ꞌen ooYeꞌ mbe unli tsꞌiyanne tꞌehonúszun. OoBá ꞌaw ꞌen za tꞌeooninzun. ꞋInkꞌez mbe ooBá unli, ooYeꞌ ꞌaw ꞌen za tꞌeininzun. ꞋInkꞌez ooYeꞌ ꞌonghohne whubuntilhtun hukwaꞌ ninzun de, ꞌen za oobaꞌ hoontꞌoh.”

John 13:3

ꞋEt Jesus tꞌéwhunínzun ooBá tsꞌiyaitsuk kꞌúneꞌ yoolꞌen-un, ꞌet yugha óoninꞌai. ꞋInkꞌez Yakꞌusda tsꞌun haínya ꞌinkꞌez Yakꞌusda tsꞌun nátidalh.

John 17:2

ꞋEt ntsꞌenꞌa whe yinka whuduneꞌne tsꞌiyawh buba ndo ootꞌeꞌ-un, ꞌet oogha óoninꞌai, ꞌet whe la mbene la sghá buninlane ꞌilhiz wheni huye khútinalh-i bugha ítasꞌalh.

John 3:31

Ndun yoo dus de haínya-un, ꞌen tsꞌiyanne ando ꞌuntꞌoh ꞌinkꞌez ndun yinka tsꞌu haínya-un, ꞌen yinka dune unli, ꞌet huwa ndi yun kꞌut hoonli-i, ꞌi za ghu yalhduk. ꞋEt ndun yakꞌuz tsꞌe haínya-un, ꞌen tsꞌiyanne ando ꞌuntꞌoh.

John 3:35

Yakꞌusda ꞌen duYeꞌ yukꞌensiꞌ ꞌet huwa tsꞌiyaitsuk kꞌúneꞌ hoolꞌen-un, ꞌet yugha óoninꞌai.

Acts 10:36

Israel ootsꞌu hainzutne bubulh ꞌúdahtsꞌo la dahúja whe khuni unzoo-i butlꞌa díltsꞌut ꞌinkꞌez Jesus Christ, ꞌen gha, dahúja whe ndi khuni unzoo-i be budzi dinghel, ꞌen tsꞌiyanne dune buMoodihti unli whe ꞌuntꞌoh ꞌet huwa.

Acts 2:36

ꞋEt huwa Israel ootsꞌu hainzutne tsꞌiyawh tꞌehonozin, ꞌalhaꞌ ndun Jesus tulalhgus undunulhtꞌó-un, ꞌen Yakꞌusda Moodihti ꞌinkꞌez Christ yulhtsi.”

Romans 14:9

Christ dazsai, dunadija, ꞌinkꞌez doo cha za yinka nadaꞌ. ꞋEt yinka dilhtsꞌíne ꞌinkꞌez yaidláne cha buMoodihti tileh ha ꞌuja.

1 Corinthians 15:27

ꞋEt huwa njan ndutni, “Tsꞌiyaitsuk dudanyo ꞌuntꞌoh yulhtsi.” ꞋEt hoontsꞌi ꞌoh daꞌ ꞌukꞌeyánguz whe ndutni, “Tsꞌiyaitsuk dudanyo ꞌuntꞌoh yulhtsi,” ꞌet hoontsꞌi ꞌaw Yakꞌusda duYeꞌ Jesus Christ anyo neꞌdudoltelh ꞌaitꞌoh ni whe ꞌutni.

Colossians 2:10

ꞋInkꞌez nohni cha ooyudúlhtsꞌi, ꞌet whe lhadíntꞌohne suhliꞌ. Njan dune ꞌudetso whudilhdzulh-un ꞌinkꞌez dune ando ꞌuhintꞌoh-un, Christ ꞌaw ꞌen za tsꞌiyantsuk kꞌuneꞌ whulꞌen.

Hebrews 1:2

ꞋEt njan ꞌandit ꞌudekꞌez dzin whe Yakꞌusda duYeꞌ ꞌen be nebulh yaílhduk. ꞋEn ooBá yutꞌi-i, ꞌi tsꞌiyawh oochꞌeꞌ yutileh, ꞌet whuz unꞌa ooBá yutlꞌa hónꞌai. OoYeꞌ ꞌen be ꞌuja tsꞌiyaitsuk ꞌuhóonla.

Hebrews 2:8

Tsꞌiyaitsuk ooke tꞌah nenínla yumoodihti ooleꞌ ha.” ꞋInkꞌez ndi ooke tꞌah nenínla-i, ꞌaw hoonliyaz yit lheꞌínel. ꞋEt hoontsꞌi tꞌetsꞌoninzun ꞌawhuz tsꞌiyaitsuk ooke tꞌah nelhúskat.

1 Peter 3:22

Yakꞌuz whe naja ꞌinkꞌez ꞌandit Yakꞌusda yughu nailhni tsꞌe usda. ꞋInkꞌez ndunne lizasne, ꞌudedone, ꞌenne ꞌonghohne hiye óolhtus ha, ꞌenne cha, ꞌinkꞌez ndunne hiye ulhtus-i ꞌutꞌine, ꞌenne tsꞌiyawh Jesus Christ hikꞌuneꞌ ootꞌen hubaꞌ ꞌubínla.

Revelation 11:15

ꞋEt ꞌawet whúlh lhtakꞌantꞌit-un lizas be tsꞌújih-i be ꞌudíja. ꞋEt yakꞌuz tsꞌe lhane tube njan duhutni, “Ndi yun kꞌut lerwene bukeyoh neMoodihti ꞌinkꞌez ooChrist, buchꞌeꞌ whuzdliꞌ. ꞋInkꞌez ꞌilhiz ꞌinkꞌez ꞌilhiz wheni lerwe tileh.”

Revelation 17:14

Ndunne ꞌusbaiyaz bulh lhotigan. ꞋInkꞌez ꞌusbaiyaz buchꞌaꞌ tilhdoh! ꞋEn ꞌuntꞌoh moodihne buMoodihti unli ꞌinkꞌez lerwene bulerwe cha unli ꞌet huwa. Ndunne yulh ꞌúntꞌohne, ꞌenne ꞌutahálya ꞌinkꞌez ooghu nusjáne, ꞌenne ꞌaw Jesus hilalhditnelne hinli.”

Revelation 19:16

Nayitsꞌuz-i ꞌinkꞌez oowuz kꞌut ꞌet ooziꞌ ꞌukꞌusguz whe ndutni, Lerwene buLerwe ꞌinkꞌez moodihne buMoodihti, ni.