Matthew 27:66 - Yak'usda Ooghuni

⁶⁶ ꞋEt whe hándil ꞌinkꞌez tse kꞌut whudunáꞌhudilhdze. ꞋI be dutsꞌo cho whuzdliꞌ ꞌinkꞌez huwunline ꞌet nehúninla.

Matthew 27:66 Iomraidhean Croise

Matthew 27:60

ꞋInkꞌez dichꞌoh ootse be tsa kꞌet ꞌandit ꞌuhoonla, ꞌet whambez tsꞌe ꞌet neínilhti. Tse cho whudanádanꞌai ꞌinkꞌez whenája.

Matthew 27:65

ꞋEt Pilate ndúbulhni, “Nohni cha huwunline ahtꞌi whe ꞌahtꞌoh. Nahdulh ꞌinkꞌez nohnichꞌoh soo dutsꞌo cho whe dánaꞌ dihꞌaih!”

Matthew 28:11

ꞋEt hutizdil whe ꞌet huwunline oolune Jerusalem tsꞌú hoozdil. ꞋEt whuz hoozdil whe lubret bumoodihne, tsꞌiyantsuk bubodániꞌ dahooja-un huwun.

Matthew 28:2

Khuntsul ꞌilhoghun neMoodihti oolizas yakꞌuz hainya. Yun cha núhisnai. Whusainya ꞌinkꞌez tse whudahaidunalhgai, ꞌinkꞌez yukꞌétlꞌa didaꞌ.

Mark 16:4

Tse ꞌudaꞌ whusandunilgai whe hotilhꞌen. Tse tube ndunincha.

John 20:1

Lisman whutoh ꞌudechoo dzin ꞌawhuz tsahólhgus whe Mary Magdala whutꞌen-un, tsꞌun kꞌuz tizya. Whuz oozya whe tse cho tsꞌun kꞌut whudadinꞌai-i, ꞌudun dunizꞌai whe yutilhꞌen.

2 Timothy 2:19

ꞋEt hoontsꞌi Yakꞌusda ooyoh ookꞌu whuzꞌai-i whudutsꞌo. ꞋAw gak hóleꞌ ꞌaitꞌoh. ꞋI kꞌut khuni ꞌukꞌeyánguz-i ndutni, “Mbene la neMoodihti oochꞌeꞌ unline, ꞌenne tsꞌiyawh tꞌebunínzun.” ꞋInkꞌez cha, “Mbene la ꞌuhutni, Christ ooduneꞌne tsinli de, ꞌenne ꞌutꞌen ꞌutsiꞌ-i tsꞌu níntꞌine, ꞌet ndoohoontꞌoh-un, ꞌet tsꞌiyawh whuchꞌaz náhoolyeh.”

Revelation 20:3

Tsa kꞌet whucho whutlꞌah hooloh-un, ꞌet ꞌayano ꞌinkꞌez yuchꞌaz dánaꞌ dinꞌai ꞌinkꞌez whudánaꞌdilhdze. ꞋEt whuz unꞌa 1,000 yus kꞌut lhaóodutaneh ꞌet whutsꞌun, ndi yun kꞌut ndulcho whe lhelhdoh didohne dune ꞌaw ꞌon ꞌun nabunooꞌah ꞌaitꞌoh ꞌinka. ꞋEt hoontsꞌi ꞌet hukwꞌelhꞌaz de ꞌatsulyaz hila nadootnih hubaꞌ hoontꞌoh.