Matthew 27:56 - Yak'usda Ooghuni

⁵⁶ ꞋEnne butoh Mary Magdala whutꞌen-un cha ꞌutꞌen, ꞌinkꞌez Mary James ꞌinkꞌez Joses ꞌenne buloo, ꞌen cha ꞌutꞌen, ꞌinkꞌez Zebedee ooyeꞌke ꞌenne buloo cha, ꞌutꞌen.

Matthew 27:56 Iomraidhean Croise

Matthew 13:55

ꞋAlhaꞌ iloh lakw yoh ꞌuwhulhꞌen-un, ooyeꞌ ꞌuntꞌoh? ꞋInkꞌez ooloo Mary? Bulhutsinke iloh lakw James, Joses, Simon, ꞌinkꞌez Judas?

Matthew 27:61

Mary Magdala whutꞌen-un, ꞌen cha ꞌet usda. Tsa kꞌet whanchꞌaz, ꞌuyoon Mary cha ꞌet usda.

Matthew 28:1

Natsꞌulyis dzin hukwꞌelhꞌaz lisman ꞌudechoo dzin, soo yutilhkai whe, ꞌet Mary Magdala whutꞌen-un ꞌinkꞌez ꞌuyoon Mary bulh tsꞌun kꞌuz hoozꞌaz adilhti-un huwhuntihya.

Mark 15:47

Mary Magdalene ꞌinkꞌez Mary Joses ooloo bulh bunalh, Jesus ꞌet nehínilhti.

Mark 16:9

ꞋEt Jesus dunadija hukwꞌelhꞌaz, Lizwif nahulyis dzin ꞌom bun bundadaꞌ ꞌudaꞌ ꞌet Jesus Mary Magdalene, ꞌen cho yunalhtsꞌet hainya. ꞋEn la lhtakꞌántꞌi ntsiꞌ-i nudúdeh-i ye yáhanananyoot ínleꞌ.

Luke 24:10

Mary Magdala whutꞌen-un, Joanna cha, Mary James ooloo cha, ꞌinkꞌez ꞌuyoonne tsꞌekoo bubulh ꞌutꞌenne, ꞌenne ꞌuhuja ndunne whelꞌaꞌne bubodániꞌ.

Luke 8:2

ꞋInkꞌez tsꞌekoo cha huyulh ꞌutꞌen whe ntsiꞌ-i nududeh-i buyudultsi ꞌinkꞌez hunduda, tsꞌiyawh soo naꞌbinla. Mary Magdala whutꞌen-un cha ꞌutꞌen. ꞋEn ꞌuntꞌoh lhtakꞌantꞌi ntsiꞌ-i nududeh-i ꞌen ooyáha naidide.

John 19:25

ꞋEt Jesus ootulalhgus soo be nghoh ꞌet ooloo usyin. Ooloo bulhtus cha, ꞌinkꞌez Mary Clopas ooꞌat cha, ꞌinkꞌez Mary Magdala whutꞌen cha.

John 20:1

Lisman whutoh ꞌudechoo dzin ꞌawhuz tsahólhgus whe Mary Magdala whutꞌen-un, tsꞌun kꞌuz tizya. Whuz oozya whe tse cho tsꞌun kꞌut whudadinꞌai-i, ꞌudun dunizꞌai whe yutilhꞌen.

John 20:18

ꞋEt Mary Magdala whutꞌen-un Jesus yugha hodulꞌehne bughu nanja ꞌinkꞌez ndi khuni ubudaniꞌ, ꞌinkꞌez neMoodihti cha yanꞌen ubúlhni. ꞋEt Jesus daja yudániꞌ-un hukwꞌu bubulh náhoolnuk.