Matthew 27:54 - Yak'usda Ooghuni

⁵⁴ ꞋEt ndun lhuganne bumoodih, ꞌinkꞌez yulh ꞌutꞌenne, Jesus yughunline, yun núkhisnai ꞌinkꞌez ntsꞌoh te neꞌwhustꞌen-un, ꞌet honalhꞌen whe tube whe húnilhjoot ꞌinkꞌez ꞌuhutni, “ꞋAlhaꞌ ꞌazih ndun dune, Yakꞌusda ooYeꞌ ꞌuntꞌoh.”

Matthew 27:54 Iomraidhean Croise

Matthew 26:63

Jesus ꞌaw tꞌedusnih. ꞋEt lubret ꞌukꞌenus diztiꞌ-un, yulhni, “Mbe la Yakꞌusda khuna-un, ꞌen be nyudusni yatolhdih hubaꞌ hoontꞌoh. ꞋI be mba nahutideh. Nedini Christ Yakꞌusda ooYeꞌ, ꞌen eh ꞌintꞌoh?”

Matthew 27:36

ꞋEt ꞌawet nátlꞌaꞌhudiltsꞌiꞌ ꞌinkꞌez highunli.

Matthew 27:40

ꞋEt ꞌuhuyúlhni, “Nyun ꞌintꞌoh lugliz whucho nanaóodutanlelh ꞌinkꞌez tat dzin naꞌwhutanlelh dini! Nyunchꞌoh ꞌududílyih! Yakꞌusda ooYeꞌ inli de, tulalhgus ookꞌut nanaíndaih!”

Matthew 27:43

Yakꞌusda tꞌanínintan. ꞋEt huwa Yakꞌusda yukaꞌ ninzun de, ꞌandit ꞌaho daꞌ yoolhyih. Njan ndutni inleꞌ Yakꞌusda ooYeꞌ ꞌustꞌoh.”

Matthew 27:51

Khuntsul lugliz whucho dutai-i hukwa dímbal-i lhulcho lhkꞌenchꞌul. Yun cha núhisnai, ꞌinkꞌez tse cho lhtsꞌe dunizkat.

Matthew 4:3

ꞋEt yóolhdzih-un, yughu ninya ꞌinkꞌez uyúlhni, “ꞋAlhaꞌ Yakꞌusda ooYeꞌ inli de, ndi tse lhes ooleꞌ dini.”

Matthew 8:5

ꞋEt Jesus keyoh Capernaum tsꞌoozya whe ꞌilhoghun Rome whutꞌenne saldanne bumoodih, ꞌen yudughuninꞌa ꞌinkꞌez yutsꞌu tedudli,

Mark 15:39

Lhuganne moodih tulalhgus yubut usyin. Jesus ntsꞌenꞌa haínzul, ꞌinkꞌez dazsai ꞌet yunalhꞌen. “Ndun dune ꞌalhaꞌ ꞌazi Yakꞌusda ooYeꞌ ꞌuntꞌoh,” ni.

Luke 22:70

ꞋInkꞌez tsꞌiyawh ꞌuhutni, “Nyun Yakꞌusda ooYeꞌ eh ꞌintꞌoh?” ꞋEt ꞌubulhni, “Tsꞌihꞌun ꞌudahni si, ꞌen ꞌustꞌoh.”

John 19:7

ꞋEt Lizwifne ꞌuhuyúlhni, “Wheni khuni neba ootulhúhisdeꞌ-i tsꞌutꞌi, ꞌi kꞌut ꞌutni, daóotsa huba ꞌuhoontꞌoh. Lheꞌutni Yakꞌusda ooYeꞌ ꞌududulhtsi ꞌet huwa.”

Acts 10:1

Caesarea ꞌet ꞌilhoghun dune Cornelius huyúlhni-un ꞌet usda. Roman lhuganne, ꞌenne, “Italy bohne” hubuhútni ꞌenne ndun bumoodih unli.

Acts 2:37

ꞋEt Peter hidántsꞌo whe soo tsꞌihꞌun budzi tꞌaíznai. ꞋInkꞌez Peter ꞌinkꞌez ꞌuyoonne whelꞌaꞌne bulh hubuhoodulhkut, “Neulhutsinke, Peter nedaniꞌ-un huwun dáztinelh?”

Acts 21:32

ꞋEt ꞌaho lhuganne moodih ꞌuyoonne moodih ꞌinkꞌez lhuganne cha hilhchoot ꞌinkꞌez ꞌilhozdílne butsꞌu whe hilghaz. ꞋEt ndunne dune lhuganne bulh ubotilhꞌen whe ꞌet Paul njan hiyedúlh-un ꞌetsul ꞌuhuyínla.

Acts 23:17

ꞋEt Paul ꞌilhoghun neilhchuk-un, “ꞋAnih,” yudániꞌ ꞌinkꞌez uyúlhni, “Ndun chilh lhuganne moodih tsꞌun ílhtelh hoonliyaz yudutánelh.”

Acts 23:23

ꞋEt ndun lhuganne moodih neilhchukne moodih nane, ꞌenne bukaꞌ daniꞌ ꞌinkꞌez ubúlhni, “200ne lhuganne lhábudahleh keyoh Caesarea tsꞌe tidulhne, lhtakꞌantꞌi whunizyane yeztli be nudilhne cha, ꞌinkꞌez 200ne sohtuz nudúlene cha, ꞌulhdzis de ꞌilho hooloh sadzi hukwꞌé hunintꞌo de atꞌen (9:00) ꞌet whe húdutadulh wheni lhahúdootꞌeꞌ.

Acts 27:1

ꞋEt ꞌawet lhgha ꞌúhudija whe Italy tsꞌe luwel be uztóokeꞌ hutni. ꞋInka Julius huyúlhni ꞌen Roman lhuganne moodih unli, nyoonne lhuganne, ꞌenne lerwe díztiꞌ-un ooduneꞌne lhuganne ꞌubuhútni, ꞌen Paul ꞌinkꞌez ꞌuyoonne ꞌadinlane cha, Julius ꞌen hitlꞌá banla.

Acts 27:43

ꞋEt hoontsꞌi lhuganne moodih Paul yutilhyih hukwaꞌ ninzun ꞌinka, “Dah,” bubúlhni. “Mbene la dune núlꞌilh tꞌéwhunínzunne, tsꞌiyawh ꞌenne cho tahóollhat ꞌinkꞌez no hútoolꞌilh,” bubúlhni.

Romans 1:4

Yakꞌusda cha unli. Yakꞌusda ye ulhtus-i gha dazsai ꞌinkꞌez dunadija. ꞋEt whe Ndoni whunénilhtan ꞌen Yakꞌusda ooYeꞌ ꞌúntꞌoh.

Revelation 11:13

ꞋEt ꞌoh whuya ꞌuhunitꞌoh whe za tube yun núkhisnai. ꞋInkꞌez keyoh whuti 1/10 ꞌet nawhúnitꞌai. ꞋEt yun núkhisnai whe 7,000ne dune higan. ꞋEt ꞌonghohne tube whéhunuljut ꞌinkꞌez yakꞌuz whuYakꞌusda, ꞌen hidálhtiꞌ.