Matthew 27:40 - Yak'usda Ooghuni

⁴⁰ ꞋEt ꞌuhuyúlhni, “Nyun ꞌintꞌoh lugliz whucho nanaóodutanlelh ꞌinkꞌez tat dzin naꞌwhutanlelh dini! Nyunchꞌoh ꞌududílyih! Yakꞌusda ooYeꞌ inli de, tulalhgus ookꞌut nanaíndaih!”

Matthew 27:40 Iomraidhean Croise

Matthew 16:4

ꞋAndit yinka dilhtsꞌi lubeshi tsꞌu nintꞌine ꞌuhintꞌoh. ꞋAhoolhyiz dune tsꞌeke bulh nintaꞌhutitꞌelh-un, whutsꞌó nintꞌi. Hooncha huwa ꞌítꞌen-un whuntilhꞌelh hukwaꞌ hitisꞌen. ꞋEt hoontsꞌi ꞌaw hoohꞌen-un nohghá holtsꞌit ꞌaitꞌoh. Jonah bulh dáhooja inleꞌ la, ꞌet za whutihꞌelh wheꞌ hoontꞌoh!” ubúlhni, ꞌinkꞌez bughu whenája.

Matthew 26:61

whe nduhútni, “Ndun dune ꞌutni Yakꞌusda oolugliz whucho hooloh whutilhtselh ꞌinkꞌez tat dzin whutoh ꞌudun naꞌwhutilelh ni,” hutni.

Matthew 27:41

ꞋEt lubret bumoodihne, ꞌenne cha whuz unꞌa za highudloh. Moses be ꞌudustlꞌus ꞌukꞌu nunáguzne, ꞌinkꞌez dune ꞌutso whudilhdzulhne cha, whuz unꞌa za ꞌuhutni njan duhutni,

Matthew 27:42

“ꞋUyoonne ulhyis ꞌet hoontsꞌi dichꞌoh ꞌaw ꞌududoolyih ꞌaitꞌoh. Israel ootsꞌu haindene, bulerwe unli de, tulalhgus yukꞌut nanaóojaꞌ ooleꞌ daꞌ. ꞋEt de la neba ꞌalha ootꞌeꞌ.

Matthew 27:54

ꞋEt ndun lhuganne bumoodih, ꞌinkꞌez yulh ꞌutꞌenne, Jesus yughunline, yun núkhisnai ꞌinkꞌez ntsꞌoh te neꞌwhustꞌen-un, ꞌet honalhꞌen whe tube whe húnilhjoot ꞌinkꞌez ꞌuhutni, “ꞋAlhaꞌ ꞌazih ndun dune, Yakꞌusda ooYeꞌ ꞌuntꞌoh.”

Matthew 4:3

ꞋEt yóolhdzih-un, yughu ninya ꞌinkꞌez uyúlhni, “ꞋAlhaꞌ Yakꞌusda ooYeꞌ inli de, ndi tse lhes ooleꞌ dini.”

Matthew 4:6

ꞋInkꞌez ꞌuyulhni, “ꞋAlhaꞌ Yakꞌusda ooYeꞌ inli de, njan whengheꞌ dudintneh! ꞋUkꞌehooguz whe njan ndutni, ‘Yakꞌusda oolizas butlꞌa honꞌai whe ꞌenne nghi hinli, ꞌinkꞌez dula be ndo nyuhóotatun, ꞌaw nke tse tꞌaoonalh ꞌaitꞌoh ꞌet whucha.’”

Luke 16:31

ꞋInkꞌez ꞌuyulhni, ‘Moses be ꞌudustlꞌus ꞌinkꞌez nus hooꞌenne bubeꞌ ꞌudustlꞌus cha, ꞌaw huyoozólhtsꞌai hukwa lheꞌhunizun de, ntsꞌenꞌa ꞌilhughun dazsai-un yaidlane tuz ha naja-un hoontsꞌi ꞌaw bubeni ꞌutsꞌun náꞌyooleh ꞌaitꞌoh.’”

Revelation 11:10

ꞋInkꞌez ndi yun kꞌut whutꞌenne hoohootátꞌeꞌ ꞌinkꞌez huwhuntálhni. ꞋInkꞌez lhtsꞌeꞌ hutildulh. Ndunne nane nus hooꞌen dazsaine, ꞌenne dzoh nunéhulhde hutni ꞌet huwa.