Biblia Todo Logo
Bìoball air-loidhne

- Sanasan -




Matthew 27:4 - Yak'usda Ooghuni

4 ꞋEnne ꞌúbulhni, “Ndun dune ninta lheꞌustꞌí-un, ꞌen whutlꞌásti ꞌet whe nintaꞌnustꞌen.” ꞋEt ꞌuhuyúlhni, “Wheni neba lheꞌhóotꞌoh. Nyunchꞌoh za mbaꞌ hoontꞌoh!”

Faic an caibideil Dèan lethbhreac




Matthew 27:4
33 Iomraidhean Croise  

ꞋEt Pilate dune ba nahidilh-i, kwꞌutsꞌuzda kꞌusda whe ooꞌat khuni yutsꞌó tlꞌa inꞌai, ꞌet ndúyulhni, “Ndun dune ꞌen tsꞌihꞌun ꞌuntꞌoh-un. Hoonliyaz ꞌonleh junih! ꞌalha ꞌandit dzin ꞌen oogha huwu nusústi ꞌet whe dzoh nusúszut.”


ꞋEt ndun lhuganne bumoodih, ꞌinkꞌez yulh ꞌutꞌenne, Jesus yughunline, yun núkhisnai ꞌinkꞌez ntsꞌoh te neꞌwhustꞌen-un, ꞌet honalhꞌen whe tube whe húnilhjoot ꞌinkꞌez ꞌuhutni, “ꞋAlhaꞌ ꞌazih ndun dune, Yakꞌusda ooYeꞌ ꞌuntꞌoh.”


ꞋEt whulh tat ꞌubulhni, “ꞋEt di ha? Ndet dáhoontꞌoh whe hoontsiꞌ-un whe nintaꞌuntꞌen? ꞋAw hukwꞌelha daootsah-un ooghu nalhuwhúsꞌal! ꞋEt huwa huyootalhtsus ꞌinkꞌez oola nadutisnih.”


ꞋInkꞌez wheni tsꞌihꞌun unꞌa neba nahisda. Daítꞌen la, ꞌet huwa ꞌandit tulalhgus kꞌut sílti. ꞋEt huwa neba ꞌukꞌelha whuzdliꞌ. ꞋEt hoontsꞌi ndun dune ꞌaw hoonliyaz whe ninta lheꞌítꞌel.”


ꞋEt dahooja la lhuganne bumoodih whunalhꞌen whe Yakꞌusda yudilhtiꞌ whe ꞌutni, “Ndun ꞌalhaꞌ tsꞌihꞌun dune ꞌazi ꞌuntꞌoh.”


ꞋEt Lizwifne ꞌuhuyúlhni, “Wheni khuni neba ootulhúhisdeꞌ-i tsꞌutꞌi, ꞌi kꞌut ꞌutni, daóotsa huba ꞌuhoontꞌoh. Lheꞌutni Yakꞌusda ooYeꞌ ꞌududulhtsi ꞌet huwa.”


ꞋEt ꞌaw huwa hizoolhghelh-un hooloh ꞌet hoontsꞌi Pilate ꞌen highu tédudli hizoolhghelh ha.


ꞋAlhaꞌ tꞌetsꞌonínzun Moses be ꞌudustlꞌus hikꞌúneꞌ ꞌutꞌenne ꞌudustlꞌus daja ni la, tsꞌiyawh hikꞌúneꞌ ootꞌen hubaꞌ hoontꞌoh. ꞋEt whula gha tsꞌe tsꞌiyanne Yakꞌusda hibut neníndil de, lubeshi ꞌuhulhꞌen tꞌéhonínzun, ꞌet huwa ꞌaw hoonli ꞌuhudooniꞌ ꞌaítꞌoh.


duba naꞌudzooꞌ whe whutsꞌit-i be za yahalhduk. ꞋEt buyo tsꞌe oogha tꞌetsꞌoninzun-i ꞌantsꞌi kwun be kꞌeyiguz leꞌ hutꞌih,


Nduntꞌohne, “Yakꞌusda tꞌeznínzun,” hutni, ꞌet hoontsꞌi dude ꞌutꞌen be hichꞌaz ditni. ꞋEnne butsꞌu hoontsiꞌne hinli, ꞌinkꞌez dichꞌoh kꞌuneꞌ hutitꞌen-un ꞌet za hukwaꞌ huninzun. ꞋEt ꞌutꞌen unzoo-i ꞌuhutilhꞌelh-un, ꞌaw huba soo lheꞌhildzooꞌ wheꞌ hintꞌoh.


Jesus Christ lubret ꞌukꞌenus diztiꞌ-un neba unli. Lubeshi ooghu hooloh, ꞌaw whe ookꞌeholtsꞌit-un cha hooloh. ꞋInkꞌez tankꞌus ꞌuhoontꞌoh-un ꞌaw hoontsool-unyaz hoontsꞌi ookwꞌuz lhístꞌen. Lubeshi ꞌulhꞌenne bubulh ꞌutꞌen inleꞌ, ꞌet hoontsꞌi ꞌaw ꞌenne bukꞌunꞌa ndi yun kꞌut lhidal. Buchꞌa nasja, ꞌinkꞌez yakꞌuz whanus díztiꞌ suliꞌ.


ꞋEt hoontsꞌi Christ buzkaiꞌ diztiꞌ-i, ꞌi be naneonket. ꞋEn ꞌusbaiyaz ꞌaw hoonli-unyaz bulhodíꞌoh kꞌunꞌa ꞌuntꞌoh.


Ndun Cain ꞌen kꞌunꞌa iloh. ꞋEn ndun ntsiꞌ-un uniyalh-un inleꞌ ꞌinkꞌez dudulhutsin yuzilhghi. Ndet hukwa yinla yuzilhghi? Be ꞌutꞌen untsiꞌ ꞌinkꞌez bulhutsin ꞌen tsꞌihꞌun neꞌutꞌen, ꞌet hukwaꞌ yinla.


ꞋInkꞌez ndi yun kꞌut whutꞌenne hoohootátꞌeꞌ ꞌinkꞌez huwhuntálhni. ꞋInkꞌez lhtsꞌeꞌ hutildulh. Ndunne nane nus hooꞌen dazsaine, ꞌenne dzoh nunéhulhde hutni ꞌet huwa.


Lean sinn:

Sanasan


Sanasan