Matthew 27:24 - Yak'usda Ooghuni

²⁴ ꞋEt Pilate tꞌewhunínzun ꞌaw hoonli ꞌuhooleh ꞌaitꞌoh. ꞋIlhunaoosdilne ꞌawet lhtahotátꞌalh leꞌ hoontꞌoh. ꞋIlhozdilne bubut too be lanaꞌilde ꞌinkꞌez ubúlhni, “Ndun tsꞌihꞌun dune buzkaiꞌ ootꞌa óosnalh hukwa lheꞌnúszun. Nohnichꞌoh nohba ꞌuhoontꞌoh.”

Matthew 27:24 Iomraidhean Croise

Matthew 26:5

“ꞋEt hoontsꞌi njan butus lhuseya-un ꞌet whutoh ꞌutsꞌinla de dookwa la dunene lhtahahótꞌalh,” hutni.

Matthew 27:19

ꞋEt Pilate dune ba nahidilh-i, kwꞌutsꞌuzda kꞌusda whe ooꞌat khuni yutsꞌó tlꞌa inꞌai, ꞌet ndúyulhni, “Ndun dune ꞌen tsꞌihꞌun ꞌuntꞌoh-un. Hoonliyaz ꞌonleh junih! ꞌalha ꞌandit dzin ꞌen oogha huwu nusústi ꞌet whe dzoh nusúszut.”

Matthew 27:23

Yun moodih ꞌet ndutni, “Di ha? Ndet whe nintaꞌantꞌen?” ꞌubulhni. ꞋEt hoontsꞌi sulꞌehúdilya, “Tulalhgus kéꞌ hiyolhtelh!” hutni.

Matthew 27:4

ꞋEnne ꞌúbulhni, “Ndun dune ninta lheꞌustꞌí-un, ꞌen whutlꞌásti ꞌet whe nintaꞌnustꞌen.” ꞋEt ꞌuhuyúlhni, “Wheni neba lheꞌhóotꞌoh. Nyunchꞌoh za mbaꞌ hoontꞌoh!”

Matthew 27:54

ꞋEt ndun lhuganne bumoodih, ꞌinkꞌez yulh ꞌutꞌenne, Jesus yughunline, yun núkhisnai ꞌinkꞌez ntsꞌoh te neꞌwhustꞌen-un, ꞌet honalhꞌen whe tube whe húnilhjoot ꞌinkꞌez ꞌuhutni, “ꞋAlhaꞌ ꞌazih ndun dune, Yakꞌusda ooYeꞌ ꞌuntꞌoh.”

Matthew 27:9

ꞋEt whuz unꞌa ꞌoh daꞌ nus hooꞌen-un Jeremiah daja ni ꞌet whunilhchoh ꞌoh túneꞌ whustꞌen whe lhaóoduja whe njan ndutni, “Ndi sooniya silver tsꞌutni, tat whunizyai ꞌet ꞌultsuk huyilhchoot. ꞋEt ꞌultsuk whe hiyolhto, Israel ootsꞌu haindene, buba kꞌelha huyulhtsi.

John 13:9

ꞋEt Simon Peter ꞌuyulhni, “SMoodihti, ꞌaw ske za iloh, sla ꞌinkꞌez stsi cha tunaíngus!”

John 19:4

ꞋEt doo cha za Pilate ꞌaz butsꞌú tenanja ꞌinkꞌez ꞌubulhni, “Nulhꞌen, ndun ꞌaw whe nínta ꞌuntꞌen-un ooghu nahósꞌalh ꞌaítꞌoh, ꞌinka nohtsꞌú tenanusti.”

Acts 3:14

ꞋEn lubeshi ooghu hooloh ꞌinkꞌez tsꞌihꞌun dune cha unli, ꞌet hoontsꞌi oochꞌáz nedihdil ꞌinkꞌez dune silhghí-un, ꞌen Pilate nohtsꞌu yúlanadootni ootsꞌo húkwaꞌ dahni.

2 Corinthians 5:21

Christ, lubeshi ooghu hooloh-un, ꞌen Yakꞌusda wheni neba lubeshi suliꞌ ꞌet huwa. ꞋEt whe ꞌen gha Yakꞌusda ye tsꞌihꞌun unꞌa ꞌuntꞌoh-i kꞌunꞌa ꞌutsꞌintꞌoh ha.

1 Peter 3:18

Christ ꞌen cha dichꞌoh ꞌilhoh za nelubeshi kꞌelha dzoh nusuzut. ꞋEn tsꞌihꞌun ꞌuntꞌoh ꞌinkꞌez wheni ꞌaw tsꞌihꞌun lheꞌtsꞌitꞌoh. Whuz unꞌa neba ꞌet ndúja whe Yakꞌusda tsꞌun néootalelh ha. Ooyustꞌe hizilhghi ꞌet hoontsꞌi Ndoni be ooyustꞌe nakhítnaꞌ.