Matthew 27:2 - Yak'usda Ooghuni

² ꞋEt Jesus hiyulhghel ꞌinkꞌez yun kꞌut whumoodih, Pontius Pilate huyulhni, hitsꞌu ha yoolhti.

Matthew 27:2 Iomraidhean Croise

Genesis 22:9

ꞋEt ndet Yakꞌusda (Elohim) whenilhtan-un ꞌet nehuninꞌaz ꞌinkꞌez Abraham loodel ꞌinla ꞌinkꞌez tsuz cha yukꞌedinla ꞌinkꞌez duyeꞌ Isaac yulhghel ꞌinkꞌez tsuz yukꞌeyilhti.

Matthew 20:19

ꞋInkꞌez ꞌudun yun kꞌut whutꞌenne butlꞌa hitilhtelh. Butlꞌa húyalhti de, highu tidloh, huyootalhtsus, ꞌinkꞌez tulalhgus kꞌehuyitalhtelh. ꞋInkꞌez hukwꞌelhꞌaz whulh tat dzin dunadutádalh.”

Matthew 28:14

ꞋEt yun moodih whulh ꞌúdantsꞌo de, soo kháznintꞌa whe si bulh yatsꞌoolhduk si. ꞋEt de la ꞌaw hoonli nohtsꞌu lheꞌhosne.”

Luke 13:1

ꞋEt ꞌoh daꞌ whulohne dune, Jesus huyulhni ntsꞌenꞌa la Galilee whutꞌenne ubanghanne Galilee whutꞌenne Yakꞌusda ba ꞌuhudílhkꞌun whe Pilate ꞌubanghan ꞌinkꞌez bubuzkaiꞌ hidílhkꞌun-i ootayunjut.

Luke 20:20

ꞋInkꞌez highunli, ꞌinkꞌez tsꞌihꞌun ꞌuntꞌoh naꞌdudilꞌi nunúlꞌiꞌne, ꞌenne hitsꞌun whílhꞌaꞌ. Khun tilah Jesus ye yalhduk-i, ꞌi gha la huyoolhgooh. ꞋEt de la yun kꞌut whutꞌenne bumoodih yutlꞌa húyoolhtelh. ꞋEn ꞌuntꞌoh hoolhtus te neꞌutꞌen, ꞌinkꞌez tsꞌiyanne kꞌuneꞌ ꞌulꞌen.

Luke 23:1

ꞋEt dune ꞌilhozdilne tsꞌiyawh dunáhudidil ꞌinkꞌez Pilate but néhinilhti.

Luke 23:12

ꞋEt dzin Pilate ꞌinkꞌez Herod bulh kꞌeke lhuhulhtsi. Whutsodaꞌ lhchꞌaz huditni inleꞌ.

Luke 3:1

ꞋEt Caesar Tiberius, ꞌen yun kꞌut ndulcho whe lerwe inleꞌ. Whunizyat ꞌon ꞌat kwulat yus kꞌut (15) ꞌantꞌeꞌ. ꞋEt Pontius Pilate, Judea yun kꞌut whumoodih unli. Herod, Galilee yun kꞌut whumoodih unli. Bulhutsin Philip, ꞌen Iturea ꞌinkꞌez Trachonitis yun kꞌut whumoodih unli. ꞋInkꞌez Lysanius, Abilene yun kꞌut whumoodih unli.

John 18:12

ꞋEt lhuganne bumoodih ꞌinkꞌez Lizwifne neilhchukne Jesus huyílhchoot ꞌinkꞌez huyulhghel.

John 18:24

ꞋEt Annas ꞌawhuz Jesus ꞌulhghel whe lubret ꞌukꞌenus díztiꞌ-un Caiaphas, ꞌen tsꞌun whe yalhꞌaꞌ.

John 18:28

ꞋEt Jesus Caiaphas ooyoh tenáhinilhti, yun kꞌut humoodih, Pilate huyulhni ꞌen ooyoh tsꞌe whe húyalhti. Bundada tube ꞌudaꞌ ꞌuhoontꞌoh ꞌinkꞌez Lizwifne ꞌaw hiyoh dálhidulh. ꞋEt yoh dahúnindil de, ꞌenne buba me hoonli. ꞋEt ndahúja de, ꞌaw njan Butus Lhuseya naꞌhutꞌulh-un, ꞌaw ꞌuhooꞌalh ꞌaítꞌoh ꞌet huwa.

Acts 12:6

ꞋEt Peter dune tsꞌiyanne but nehítalhtelh whutso ꞌulhdzis, ꞌet la Peter lhuztih tlꞌool be ulhughel nane huwunlíne bube guz nanisti, sih nanistlꞌoo-un whenkuti ꞌet cha nane lhuganne huwunli.

Acts 21:33

ꞋEt lhuganne moodih Paul yutsꞌoozya, yílhchoot, ꞌinkꞌez nanki lhuztih tlꞌool be huyoolhghel hubulhni. ꞋInkꞌez uboodulhkut, “Ndun dune mbe whe ꞌuntꞌoh, ꞌinkꞌez daja whe nintaꞌuntꞌen?”

Acts 22:25

ꞋEt hoontsꞌi ꞌawet huyootalhtsus wheni huyulhghel whe ndun Paul huwunli-un, ꞌet usyin ꞌen ꞌulhni, “ꞋEt nghá whuntꞌai whe ꞌintꞌen, Roman yun kꞌut whutꞌen-un ꞌaw nintaꞌuntꞌen hukwa ooba nalhuhídel ꞌet hoontsꞌi ootalhtsus hukwaꞌ ninzun?”

Acts 22:29

ꞋEt ndunne dune mbene la Paul oodutalhkutne ꞌaho hichꞌa nasdil ꞌinkꞌez ndun lhuganne moodih tꞌéoonanzin Paul Rome yun kꞌut whutꞌen-un ꞌúntꞌoh ꞌinkꞌez lheꞌyínla yulhghel cha ꞌuyinla ꞌet huwa whénilhjoot.

Acts 24:27

ꞋEt hoontsꞌi nat yus kꞌut naoodizut inleꞌ la, Porcius Festus huyúlhni-un, ꞌen Felix yun moodih kꞌenádija. Felix ꞌen la Lizwifne dune unzoo donózin ninzun ꞌet huwa za Paul ꞌaidilhꞌai.

Acts 28:20

Ndi Israel ootsꞌu hainzutne hika tse hóoli-un, ꞌet sba ꞌálhaꞌ ꞌuntꞌoh huwa ndi lhuztih tlꞌool be suzghel. ꞋEt huwa nohtisꞌelh ꞌinkꞌez nohbulh yátisduk-un hukwáꞌ dísniꞌ.”

Acts 3:13

Netsodaꞌne Abraham, Isaac, ꞌinkꞌez Jacob lhanꞌun te lhuzkehke hinli whe ꞌuhoontꞌoh. ꞋInkꞌez buYakꞌusda Jesus Christ yukꞌúneꞌ ꞌustꞌen-un, ꞌen ncha yulhtsi ꞌinkꞌez yudálhtiꞌ. Lizwif huwunlíne tlꞌálhti Pilate yula nadutitnih ꞌet hoontsꞌi nohni oochꞌaz nedihdil inleꞌ.

Acts 4:27

ꞋEt ꞌon ꞌun tenahududli whe ꞌuhutni, “ꞋEt njan Jerusalem ꞌet Herod ꞌinkꞌez Pontius Pilate bulh ꞌudun yun kꞌut whutꞌenne cha ꞌet Israel ootsꞌu hainzutne cha tsꞌiyawh ꞌilhuhozdil whe ꞌalhaꞌ ꞌi be nYeꞌ Jesus lubeshi ooghu hooloh-un, ꞌen ooka tse hóodli neba yulhtsí-un, ꞌen hichꞌaz nedindil ꞌet wheni.

Acts 9:2

ꞌinkꞌez yoodulhkut keyoh Damascus huwhutni tsꞌe Lizwif bulugliz whulubretne duba butsꞌó kꞌehooꞌooges butsꞌu húkwaꞌ ꞌutni, ndunne Jesus kꞌunꞌa ꞌuninzunne tsꞌiyawh dune ꞌinkꞌez tsꞌekoo cha ꞌabule, ꞌinkꞌez Jerusalem tsꞌe nabutoolaꞌ ha ꞌet wheni.

1 Timothy 6:13

ꞋEt Yakꞌusda oobut nyudusni tsꞌiyaitsuk khuna ꞌinkꞌez Christ Jesus ꞌen Pontius Pilate oonalh soo hoonzoo-un dunne budaniꞌ. ꞋEt huwa Yakꞌusda ꞌinkꞌez Christ Jesus ꞌen nalh soo cho nyudutasnelh,

2 Timothy 2:9

ꞋEt huwa dune unsiꞌ-un kꞌunꞌa ꞌadusꞌai whe dzoh nuszut. ꞋEt hoontsꞌi Yakꞌusda ooghuni ꞌi ꞌaw lhilghel whe ꞌuntꞌoh.

Hebrews 13:3

Ndunne Jesus Christ unidulhne ꞌet huwa ꞌadinlane, bunalhnih ꞌinkꞌez bula oohtꞌen, ꞌenne bubulh ꞌadahla léꞌoohtꞌoh. Ndunne be zútlane, ꞌenne cha whuz unꞌa noheni toh ubulhdzun. Tsꞌiyawh ꞌilho yustꞌe zaꞌ tsꞌintꞌoh ꞌet huwa.