Matthew 27:19 - Yak'usda Ooghuni

¹⁹ ꞋEt Pilate dune ba nahidilh-i, kwꞌutsꞌuzda kꞌusda whe ooꞌat khuni yutsꞌó tlꞌa inꞌai, ꞌet ndúyulhni, “Ndun dune ꞌen tsꞌihꞌun ꞌuntꞌoh-un. Hoonliyaz ꞌonleh junih! ꞌalha ꞌandit dzin ꞌen oogha huwu nusústi ꞌet whe dzoh nusúszut.”

Matthew 27:19 Iomraidhean Croise

Genesis 31:11

ꞋEt Yakꞌusda (Elohim) oolizas sulh yatilhduk nuste whe ꞌinkꞌez ꞌutni, ‘Jacob,’ ꞌet ꞌudusni, ‘Njan ꞌustꞌoh.’

Genesis 31:24

ꞋEt hoontsꞌi ꞌuldzis ꞌet Laban, Syria whutꞌen-un, nusuti whe Yakꞌusda (Elohim) be hóodiltsai ꞌinkꞌez ꞌuyulhni, “Huwaꞌoonli Jacob bulh yatalhdih te, hoontsiꞌ te kꞌus hoonzoo kꞌunꞌa te bulh yaoolhduk junih.”

Genesis 31:29

Soo ꞌustus whe ꞌustꞌoh nyunduntasdoh wheni. ꞋEt hoontsꞌi mbá ooYakꞌusda (Elohim) ꞌulhdzis daꞌ sulh yailhduk ꞌinkꞌez ꞌusulhni, ‘Huwinli ꞌaw tsꞌihꞌun unꞌa ꞌuhoontꞌoh kꞌus hoontsiꞌ hukwꞌunꞌa te Jacob bulh yaoolhduk junih.’

Matthew 1:20

ꞋEt howu nuninuzut whe huwa nusúti whe neMoodihti oolizas ꞌen yulhni, “Joseph David ootsꞌuhainzut-un inli. Wheniljut iloh whe Mary nꞌat tileh. Ndun tsꞌoodun Ndoni be yuchainya whe ꞌuntꞌoh.

Matthew 2:19

Herod dazsai whe Egypt tsꞌe neMoodihti oolizas Joseph huwunute whe be nghun néwhultsꞌut.

Matthew 2:22

Joseph whulh ꞌudantsꞌo Herod ooyeꞌ Archelaus huyulhni, ꞌen dubá kꞌedanya ꞌandit Judea whulerwe unli. ꞋEt whuz tiyalh whe nuljut howu nusúti ꞌet Yakꞌusda yugha dániꞌ. ꞋEt huwa Galilee yun kꞌut tsꞌe whe hándil.

Matthew 27:18

Tꞌeooninzun ꞌoonih gha butlꞌa ha yalhti.

Matthew 27:24

ꞋEt Pilate tꞌewhunínzun ꞌaw hoonli ꞌuhooleh ꞌaitꞌoh. ꞋIlhunaoosdilne ꞌawet lhtahotátꞌalh leꞌ hoontꞌoh. ꞋIlhozdilne bubut too be lanaꞌilde ꞌinkꞌez ubúlhni, “Ndun tsꞌihꞌun dune buzkaiꞌ ootꞌa óosnalh hukwa lheꞌnúszun. Nohnichꞌoh nohba ꞌuhoontꞌoh.”

Matthew 27:4

ꞋEnne ꞌúbulhni, “Ndun dune ninta lheꞌustꞌí-un, ꞌen whutlꞌásti ꞌet whe nintaꞌnustꞌen.” ꞋEt ꞌuhuyúlhni, “Wheni neba lheꞌhóotꞌoh. Nyunchꞌoh za mbaꞌ hoontꞌoh!”

Luke 23:41

ꞋInkꞌez wheni tsꞌihꞌun unꞌa neba nahisda. Daítꞌen la, ꞌet huwa ꞌandit tulalhgus kꞌut sílti. ꞋEt huwa neba ꞌukꞌelha whuzdliꞌ. ꞋEt hoontsꞌi ndun dune ꞌaw hoonliyaz whe ninta lheꞌítꞌel.”

Luke 23:47

ꞋEt dahooja la lhuganne bumoodih whunalhꞌen whe Yakꞌusda yudilhtiꞌ whe ꞌutni, “Ndun ꞌalhaꞌ tsꞌihꞌun dune ꞌazi ꞌuntꞌoh.”

John 19:13

Pilate whuduztsꞌai whe kwꞌutsꞌuzda yukꞌusda whe dune ba nahiyilh-i, ꞌi kꞌenátlꞌa didaꞌ. ꞋEt Jesus dubut nehéyolhtelh ndet la Hebrew kꞌunꞌa Gabbatha huwhútni, ꞌi khuni ꞌutni tse ookꞌut hoodzo-i ni whe ꞌutni. ꞋI kꞌut kwꞌutsꞌuzda yulhꞌai dune ba nahiyilh wheni.

Acts 12:21

ꞋEt dzin buba hoozi-un Herod ꞌet dulerwe naih yé naja ꞌinkꞌez kwꞌutsꞌuzda oobaꞌ yintꞌoh-i yukꞌetlꞌa didaꞌ. ꞋEt whutsꞌun dune bubulh yálhduk.

Acts 18:12

ꞋEt yun kꞌut Greece huwhútni, ꞌet Galio Roman moodih huyulhtsi. ꞋInkꞌez Lizwifne ꞌalhgoh lhtahundil ꞌinkꞌez Paul huyílhchoot ꞌinkꞌez nahiyilh-un but néhinilhti.

Acts 18:16

ꞋEt ꞌinkꞌez nahídilh-un bayoh ꞌet tenábuninyoot.

Acts 18:17

ꞋEt Lizwif bulugliz bumoodih, Sosthenes huyúlhni-un Greekne ꞌen huyúzgooh ꞌinkꞌez nahiyilh-un but ꞌet yahuyalhtꞌo, ꞌet hoontsꞌi ꞌaw Galio ooba dalhúhootꞌoh.

Acts 25:10

Paul ꞌutni, “Njan lerwe ꞌukꞌenus díztiꞌ-un dichꞌoh nahíyilh-un, ꞌet mbut susyin ꞌet sba nahoodeh hubaꞌ ꞌustꞌoh. Lizwifne butsꞌun nintalheꞌústꞌel nyunchꞌoh soo cho tꞌeoonínzun.

Acts 25:17

ꞋEt whusahándil whe ꞌom bun ꞌahoh dune ba nahudeh-un, ꞌet nátlꞌa disdaꞌ ꞌinkꞌez, ‘Nyoon dune daháyolhtelh,’ ꞌubudúsni.

Acts 25:6

ꞋEt whunizyat dzin atꞌen ꞌet butoh nadaꞌ ꞌinkꞌez Caesarea tsꞌe whenya. ꞋEt ꞌom bun ꞌawet dune ba nahidilh-un hukwꞌé tlꞌa didaꞌ ꞌinkꞌez, “Paul daháyolhtelh,” ubúlhni.

1 Peter 2:22

ꞋEn ꞌaw lubeshi lheꞌilel, ꞌinkꞌez ꞌaw whutsꞌit-i be yalhulhduk.

1 John 2:1

Suzkehkeyaz, lubeshi ꞌutilhꞌelh whuchꞌa ꞌet ndi khuni ꞌi be nohtsꞌó kꞌeꞌusges. Mbene lubeshi ꞌulhꞌenne, ꞌenne buba neBá Yakꞌusda but neba yatilhduk-un, Jesus Christ, tsꞌihꞌun unꞌa ꞌuntꞌoh-un, ꞌen ꞌuntꞌoh.