Matthew 27:11 - Yak'usda Ooghuni

¹¹ ꞋEt ꞌawet Jesus yun moodih ꞌen yubut usyin. ꞋEt yun moodih yoodulhkut, “Nyun eh ꞌintꞌoh Lizwif bulerwe inli?” Jesus ꞌuyulhni, “A, ꞌalha dini.”

Matthew 27:11 Iomraidhean Croise

Matthew 10:18

Yun kꞌut whumoodihne ꞌinkꞌez lerwene cha si sgha bubut nenóhotalelh. ꞋInkꞌez si sghun whubuntilhtun. ꞋUdun yun kꞌut whutꞌenne cha si sghun whubuntilhtun.

Matthew 10:25

Dune yugha hodulꞌeh-un, whuyodulhꞌeh-un kꞌunꞌa ootꞌeꞌ hubaꞌ hoontꞌoh, ꞌinkꞌez be ꞌulhna-un, dumoodih kꞌunꞌa ootꞌeꞌ hubaꞌ hoontꞌoh. ꞋEt si Beelzebul suhútni de nohni sgha hodulꞌehne, nohni cha whuz unꞌa za ndunohodutánelh!

Matthew 2:2

ꞋInkꞌez dune hoodulhkut, “Lizwif bulerwe ꞌandit whuzdli-un, ntsꞌe whuzdli? Sum cho tsꞌanꞌen, ꞌi gha lhutsꞌúzdil. Tsꞌoodun ootsꞌun teniꞌ tsꞌuntilhdzilh ha whusatsꞌándil.”

Matthew 26:25

ꞋEt Judas, whutlꞌa itilhtelh-un, Jesus yoodulhkut, “Rabbi si eh sudíni?” ꞋEt ꞌuyulhni, “Nyunchꞌoh dinja.”

Matthew 26:64

ꞋEt Jesus ndúyulhni, “Nyunchꞌoh ꞌet ꞌúdini. Njan huwun nohbulh yasduk, kꞌat le de Yinka Dune Yeꞌ, ꞌen ulhtus-un, ꞌen nailhni tsꞌunkꞌus yughu usda, ꞌet whutihꞌelh. ꞋInkꞌez kwꞌus kꞌut ndus de ha tiyalh, ꞌet cha whutihꞌelh.”

Mark 14:62

Jesus uyúlhni, “A, ꞌen ꞌustꞌoh, ꞌinkꞌez nohni tsꞌiyawh si, Yinka Dune Yeꞌ, huyuntilhꞌelh Yakꞌusda ooghu nailhni tsꞌunkꞌus usda whe ndus de kwꞌus toh ha nátidalh.”

Luke 22:70

ꞋInkꞌez tsꞌiyawh ꞌuhutni, “Nyun Yakꞌusda ooYeꞌ eh ꞌintꞌoh?” ꞋEt ꞌubulhni, “Tsꞌihꞌun ꞌudahni si, ꞌen ꞌustꞌoh.”

1 Timothy 6:13

ꞋEt Yakꞌusda oobut nyudusni tsꞌiyaitsuk khuna ꞌinkꞌez Christ Jesus ꞌen Pontius Pilate oonalh soo hoonzoo-un dunne budaniꞌ. ꞋEt huwa Yakꞌusda ꞌinkꞌez Christ Jesus ꞌen nalh soo cho nyudutasnelh,