Matthew 26:74 - Yak'usda Ooghuni

⁷⁴ Peter ꞌet ndutni, “Yakꞌusda stsꞌeꞌ tilhtsus ꞌaw tsꞌihꞌun lheꞌduzusnih de, ndun dune ꞌudáhni-un, ꞌaw tꞌenuzuszun.” ꞋEt ꞌaho lugok dune ꞌudíja.

Matthew 26:74 Iomraidhean Croise

Matthew 10:28

Neyustꞌe ughanne bube noolhjut junih. ꞋAw nezul ꞌi hizoolhghelh ꞌaitꞌoh, ꞌet nduntꞌohne, bube noolhjut junih. ꞋEt hoontsꞌi Yakꞌusda nohzul nohyustꞌe bulh kwuncho yo tsꞌe nohtinoh, ꞌen bé noolhjut.

Matthew 26:34

ꞋEt Jesus njan ndúyulhni, “Ꞌalha ꞌi be nyudusni, ꞌandit ꞌulhdzis lugok dune ꞌudutinelh whutso, tat tꞌesunuzínzun dutanelh.”

Matthew 26:73

Hukwꞌelhꞌaz yuzih nudalyaꞌne, highu nindil whe huyúlhni, “ꞋAlhaꞌ mbene la yulh ꞌantꞌeꞌne, nyun cha ꞌilhoghun ꞌintꞌoh. Ntsꞌenꞌa yailhduk-un, ꞌet huwa tꞌetsꞌunyunínzun.”

Matthew 26:75

ꞋEt Jesus daja ni la Peter whunalni whe yudaniꞌ, “Lugok dune ꞌudutinelh whutso, tat ꞌaw tꞌesunuzinzun dutanelh.” ꞋEt ꞌaz whe naja ꞌinkꞌez tube cho howintse.

Matthew 27:25

Tsꞌiyanne dune ꞌet ꞌuhutni, “Wheni tsꞌiyawh neuzkeh tubulh buzkaiꞌ whutaleh-un, ꞌet nekꞌéholtsꞌit!”

Mark 14:30

ꞋEt Jesus uyúlhni, “Peter, ꞌandit ꞌulhdzis lugok dune nat ꞌudutinelh whutso, tat ꞌet tꞌesunuzínzun dutanelh.”

Mark 14:68

ꞋEt Peter ꞌutni, “Tilah, ndet ꞌuwhudíni ꞌaw tꞌéoonuzúszun,” ꞌinkꞌez ꞌaz whenya. ꞋEt ꞌahoh lugok dune ꞌudíja.

Luke 22:60

ꞋEt Peter ndun dune ꞌuyulhni, “ꞋAw daja dini-un tꞌewhunuzúszun!” ꞋAwhuz yalhduk whe lugok dune ꞌudija.

John 18:27

ꞋEt doo cha za Peter whutsꞌoodidlai whe soo ꞌaho lugok dune ꞌudíja.

Romans 9:3

Lizwifne sulh húdidowh ꞌet huwa bulaꞌ tisnelh hukwaꞌ nuszun. ꞋEt whe bula ꞌeꞌ whudutánelh de, whute Yakꞌusda skꞌehooyih ꞌinkꞌez Christ chꞌa naoosjaꞌ doosniꞌ ooleꞌ daꞌ.

1 Corinthians 16:22

NeMoodihti Jesus Christ mbene la ꞌen yukꞌelhísiꞌ-un, ꞌen Yakꞌusda ye huske-i be ookꞌehóotaltsꞌulh. O sMoodihti ꞌa cho netsꞌínyalh!

Revelation 3:19

Mbene la kꞌeke kꞌunꞌa bukꞌesiꞌne, ꞌenne tsꞌiyawh khuni ulhtus-i be bubulh yasduk ꞌinkꞌez tsꞌihꞌun unꞌa nenábusdlih. ꞋEt huwa nohdzi ulhtus cho ulhꞌi ꞌinkꞌez noheni náhandunoohlelh.