Matthew 26:55 - Yak'usda Ooghuni

⁵⁵ ꞋEt ꞌawet ꞌoh whuya ꞌuhunitꞌoh whe Jesus ꞌilhunaoosdilne ndúbulhni, “ꞋEt di ha saluzti ꞌinkꞌez tutꞌoh cha nuhle ꞌinkꞌez ꞌundunustꞌih kꞌunꞌa ska tíhdil? Dzin totsuk lugliz whucho nohtoh susda ꞌinkꞌez whunohodusꞌeh. ꞋInkꞌez ꞌaw sulhúlhchulh.

Matthew 26:55 Iomraidhean Croise

Matthew 21:23

ꞋEt ꞌawet lugliz whucho daninya whe ꞌet dilhtsꞌine whe whúbondunilhꞌeꞌ. ꞋEt ꞌudedo lubretne ꞌinkꞌez dune ꞌutso whudilhdzulhne cha, highu nindil ꞌinkꞌez ꞌuhuyúlhni, “Nedini ndai gha dune ando ꞌintꞌoh whe njan ndintꞌen-un. ꞋInkꞌez mbe ntlꞌa honꞌai whe dune bukꞌunuhilhyeꞌ?”

Matthew 26:47

ꞋAwhuz yalhduk whe khuntsul Judas, whusainya. ꞋEn ndunne whunizyane ꞌon ꞌat nane whelꞌaꞌne, ꞌilhoghun ꞌuntꞌoh. ꞋEn bulh lhane dune yulh whusaindil. Whulohne saluzti nuhúle, ꞌinkꞌez whulohne tutꞌoh nódule. Lubret bumoodihne ꞌinkꞌez dune ꞌutso whudilhdzulhne, whusahábahalhꞌaꞌ.

Mark 10:1

ꞋEt Jesus whuchꞌa nasja ꞌinkꞌez Judea ꞌoho nenínya ꞌukoh Jordan whanchꞌaz tsꞌe. ꞋEt lhane dune yugha óozdil. ꞋInkꞌez whutsodaꞌ datni la whuz unꞌa doo cha za hubodulhꞌeh.

Mark 12:35

ꞋEt Jesus Lizwif bulugliz whucho dune hodulhꞌeh whe ꞌubulhni, “Ntsꞌenꞌa Moses be ꞌudustlꞌus ꞌukꞌu nunáguzne, ‘Christ ꞌen David ootsꞌuhainzut-un ꞌuntꞌoh,’ hutni?

Luke 19:47

ꞋInkꞌez ꞌet lugliz whucho dzin totsuk dune hodulhꞌeh. ꞋEt hoontsꞌi soo ꞌudedo lubretne, ꞌinkꞌez Moses be ꞌudustlꞌus ꞌukꞌu nunáguzne, ꞌinkꞌez dune tso whudilhdzulhne cha, tsꞌiyawh hituzilhghelh-un hukwa hitísꞌen.

Luke 20:1

ꞋEt ꞌoh daꞌ ꞌet ꞌilhudzin ꞌet ndúhooja. Lugliz whucho Jesus dune hodulhꞌeh whe khuni unzoo-i be bubulh yalhduk whe ꞌudedo lubretne, Moses be ꞌudustlꞌus ꞌukꞌu nunáguzne cha, ꞌalhgoh ꞌutso whudilhdzulhne hikꞌu dugháhinya.

Luke 4:20

ꞋEt ꞌudustlꞌus nainílhghal ꞌinkꞌez ꞌutꞌen-un yutlꞌa nayánꞌai ꞌinkꞌez natlꞌa didaꞌ. ꞋInkꞌez Lizwif lugliz dilhtsꞌine, tsꞌiyawh hinilhꞌen.

John 7:14

ꞋAwet dzenis whuti lhoohoolcho atꞌen ꞌuhootꞌelh, ꞌet Jesus ndo lugliz whucho tsꞌe oozya, ꞌinkꞌez dune hubodulhꞌeh,

John 7:28

ꞋEt nyo lugliz whucho dune hodulhꞌeh whe Jesus soo khuniti be ubúlhni, “Nohni tꞌesunáhzun ꞌinkꞌez ntsꞌez de hásya-un cha tꞌewhunáhzun, ꞌaw sichꞌoh sghá iloh whusásya, ꞌet hoontsꞌi mbe la whuz de ha sálhꞌaꞌ-un, ꞌen soo tsꞌihꞌun ꞌen unli whe ꞌuntꞌoh, ꞌen ꞌaw nohni tꞌenuzuhzun.

John 8:2

ꞋEt ꞌom bun dzin soo ꞌudaꞌ ꞌet Jesus lugliz whucho tsꞌe oozya. Tsꞌiyanne dunene highu nindil. ꞋEt nátlꞌa didaꞌ ꞌinkꞌez whewhubuhóndunilhꞌeꞌ.

John 8:20

Jesus ndi khuni ꞌi be yailhduk lugliz whucho ꞌet dune hodulꞌeh daꞌ. Ntsꞌe la sooniya nahulhdzóoh-un, ꞌet dune hodulꞌeh. ꞋEt ꞌawhuz ooba whudizulh-un whutsꞌun hoozulh ꞌet huwa ꞌaw lhuhuyílhchulh.