Matthew 26:52 - Yak'usda Ooghuni

⁵² ꞋEt Jesus ndúyulhni, “Nyoo saluzti tꞌunádintꞌaih! ꞋAlhaꞌ mbene la ꞌet dutꞌenne, ꞌenne ꞌet hukwꞌe dahutitsah.

Matthew 26:52 Iomraidhean Croise

Genesis 9:6

Mbe dune ꞌuyoon buzkaiꞌ whulhtsi-un, ꞌuyoon dune ndun dune ꞌuja-un yuzkaiꞌ whutilhtselh wheꞌ hoontꞌoh, Yakꞌusda (Elohim) dune yulh ndultꞌoh yulhtsi ꞌet huwa.

Matthew 5:39

ꞋEt hoontsꞌi ꞌunohdusni, dune ntsiꞌ-un kꞌólꞌen junih. ꞋEt kꞌus mbe la nailhnih tsꞌe nohnizkuk de, ꞌintlꞌus tsꞌe ootsꞌun nándunontꞌah.

Romans 12:19

Skꞌekene khun kꞌunabolꞌen junih. Yakꞌusda ꞌen ootlꞌa wháhꞌaih. Yakꞌusda ooghuni ꞌet ꞌutni, “Be kꞌuz nudzun-i, si schꞌeꞌ ꞌuntꞌoh. Si kꞌunaboozen si,” ni.

1 Thessalonians 5:15

Mbe la hoontsiꞌ nohtsꞌun ꞌuja-un, khun te hoontsiꞌ-i be buba ꞌukꞌelha hoolhtselh junih! ꞋEt kꞌus nohnichꞌoh cha ꞌinkꞌez ꞌuyoonne ba cha, ndai unzoo-i tsꞌunóohtꞌi, ꞌi za lhunihdulh.

1 Peter 3:9

ꞋUyoonne nohtsꞌun tankꞌus ꞌuhuninzun de, khun te kꞌunóohdzin junih. ꞋUyoonne nohchꞌaz yáhalhduk de, nohni khun buchꞌaz yaóolhduk junih. Kꞌus ꞌantsꞌi khuni unzoo-i be za bubulh yaóolhduk. Tꞌeoonáhzun whuz unꞌa Yakꞌusda nohtsꞌo húkwaꞌ ninzun. ꞋEt de la Yakꞌusda yutꞌi-i, ꞌi nohghá holtsꞌit.

Revelation 13:10

Mbe ꞌuyoonne ꞌulhna ꞌubulhtsi-un, didutchꞌoh cha whuz unꞌa za ꞌulhna tileh. Mbe saluzti be dune ughan de, didutchꞌoh cha saluzti be datitsah wheꞌ hoontꞌoh. ꞋEt huwa Yakꞌusda oochꞌeꞌne, ndi ꞌet mbene hiye ꞌalhaꞌ ninzun-i ꞌinkꞌez hoonli talhohodini, ꞌet ꞌuwhúlhni.

Revelation 16:6

Ndunne Yakꞌusda oochꞌeꞌne ꞌinkꞌez mbe nus hooꞌenne buba ha nghan. ꞋEt huwa khuna-iti ntsiꞌ-i unidulhne, ꞌenne ꞌuskai hootnaiꞌ ha bubaꞌ yínla. Njan ꞌet whuchꞌa honílhde ꞌet huwa.”