Matthew 26:5 - Yak'usda Ooghuni

⁵ “ꞋEt hoontsꞌi njan butus lhuseya-un ꞌet whutoh ꞌutsꞌinla de dookwa la dunene lhtahahótꞌalh,” hutni.

Matthew 26:5 Iomraidhean Croise

Matthew 14:5

Herod yutuzilhghelh hukwaꞌ ninzun. ꞋEt hoontsꞌi dunene John ꞌen nus hooꞌen-un ꞌuntꞌoh huninzun, ꞌet huwa Herod bube nilhjoot.

Matthew 21:26

ꞋEt hoontsꞌi, ‘Dune tsꞌu ha hóoltsꞌut’ tsꞌutni de, ꞌaw ꞌuzdooniꞌ ꞌaitꞌoh, dune bubeznuljut, tsꞌiyanne John nus hooꞌen-un ꞌuntꞌoh huninzun ꞌet huwa.”

Matthew 27:24

ꞋEt Pilate tꞌewhunínzun ꞌaw hoonli ꞌuhooleh ꞌaitꞌoh. ꞋIlhunaoosdilne ꞌawet lhtahotátꞌalh leꞌ hoontꞌoh. ꞋIlhozdilne bubut too be lanaꞌilde ꞌinkꞌez ubúlhni, “Ndun tsꞌihꞌun dune buzkaiꞌ ootꞌa óosnalh hukwa lheꞌnúszun. Nohnichꞌoh nohba ꞌuhoontꞌoh.”

Mark 14:12

ꞋEt ꞌudechoo dzin lhes lhuntíldoh-i nahutꞌúlh-un, ꞌet dzin ꞌusbaiyaz naꞌhititꞌulh-i naihizulghih, Lizwifne butus lhuséya-un huba ꞌuntꞌoh. ꞋEt Jesus yugha hodulꞌehne ꞌuhuyúlhni, “Ntsꞌe netalhꞌalh natantꞌulh-i, ꞌi mba lházdutileh?”

Mark 14:2

ꞋEt ꞌuhutni, “Butus lhuséya-un, ꞌet whutoh iloh ꞌutsꞌooleh doo ka la dunene lhtahohótꞌalh.”

Mark 14:27

ꞋInkꞌez Jesus ubúlhni, “ꞋAndit ꞌulhdzis nohni tsꞌiyawh ska yátilhleh, ꞌinkꞌez ninta tilhwus, ndi Yakꞌusda ooghuni ndutni, ‘ꞋEt huwa Yakꞌusda ꞌen ꞌusbai ghunlí-un ootꞌaitasnalh ꞌinkꞌez ndi ꞌusbai tsꞌiyawh yaitálhꞌus.’

Luke 20:6

ꞋEt hoontsꞌi dune tsꞌu ha hóoltsꞌut, tsꞌutni de, ꞌet dune tsꞌiyawh la tse be nehooghan. John ꞌen nus hooꞌen-un ꞌuntꞌoh ꞌet buba ꞌalha ꞌuhoontꞌoh ꞌet huwa.”

Luke 22:7

ꞋAwet lhes lhuntildoh-i, ꞌi naꞌhititꞌulh dzin whusahóoltsꞌut. ꞋEt butus lhuseya-un ꞌet whunahilni whe ꞌusbai kꞌus unzoo-i hituzilhghelh.

John 18:28

ꞋEt Jesus Caiaphas ooyoh tenáhinilhti, yun kꞌut humoodih, Pilate huyulhni ꞌen ooyoh tsꞌe whe húyalhti. Bundada tube ꞌudaꞌ ꞌuhoontꞌoh ꞌinkꞌez Lizwifne ꞌaw hiyoh dálhidulh. ꞋEt yoh dahúnindil de, ꞌenne buba me hoonli. ꞋEt ndahúja de, ꞌaw njan Butus Lhuseya naꞌhutꞌulh-un, ꞌaw ꞌuhooꞌalh ꞌaítꞌoh ꞌet huwa.

Acts 19:29

ꞋEt keyoh ndulcho whe huwa lhtahawhuntꞌai. ꞋEnne ꞌilhoh nudilhne, ꞌenne la Macedonia whutꞌenne, nane Gaius ꞌinkꞌez Aristarchus hubuhútni, Paul bulh naꞌásne, ubuhúzgooh ꞌinkꞌez dune nuwhúlyeh huba whuzꞌai-un tsꞌe ubuhinoh whe whuz ubuhoolhti.

Acts 21:38

“ꞋEt de Egypt tsꞌe haínya-un dune ꞌen iloh lakw ꞌintꞌoh? Nyun tilah ꞌinja, ndunne 4,000ne lhuganne dudulh dune dzoh nuhulhdeh ubuzílhtsi? ꞋInkꞌez dune lhuhóotꞌih tsꞌe whuz buba whénya, nyun tilah ꞌintꞌoh?” yúlhni.

Acts 4:28

ꞋEt ꞌudaꞌ be ilhtus-i ꞌinkꞌez nyeni be ndunínzun inleꞌ whe lhawhudinla. ꞋEt ꞌandit ꞌilhuhozdil ꞌinkꞌez daóotanelh dini ínleꞌ ꞌet ꞌoh whuya lheꞌhitꞌelh.