Matthew 26:40 - Yak'usda Ooghuni

⁴⁰ ꞋEt yugha hodulꞌehne nahunistez whe bughu nanja. ꞋEt Peter ndúyulhni, “ꞋAw eh ꞌilhoh sadzi hukwꞌu hunistꞌo whe sulh huwonleꞌ ꞌaitꞌoh?

Matthew 26:40 Iomraidhean Croise

Matthew 25:5

ꞋEt ꞌat titꞌelh-un saꞌ whusalhusyaih, ꞌinkꞌez tsꞌiyawh bulh bukꞌé diltsꞌut, whe nahunistez.

Matthew 26:35

ꞋEt Peter ꞌutni, “Nyúlh datisah hoontsꞌi ꞌaw tꞌenyunuzúszun doosniꞌ ꞌaitꞌoh.” ꞋOnghohne yugha hodulꞌehne cha whuz unꞌa za ꞌuhutni.

Matthew 26:38

ꞋInkꞌez ꞌubulhni, “Szul tube tsꞌodi suliꞌ kꞌet ꞌawet datisah le ꞌustꞌoh. Njan dúlhtsꞌi ꞌinkꞌez sla huwahli.”

Matthew 26:41

Tankꞌus níntꞌi-un whuchꞌa howinli ꞌinkꞌez tenadinli! ꞌalha dune yughi whuz unꞌa hukwaꞌ ninzun, ꞌet hoontsꞌi ooyustꞌe tetsun.”

Matthew 26:43

ꞋEt doo cha za nahuniztez whe bughu nanja. Bulh buba yilhtus kꞌet ꞌaw hitóꞌen ꞌaitꞌoh.

Mark 14:37

ꞋEt nyoonne yugha hodulꞌehne nahunistez whe bughu nanja ꞌinkꞌez Peter ꞌulhni, “Simon nanínti whe ꞌintꞌoh. ꞋAw eh ꞌatsulyaz honih ꞌaitꞌoh?”

Luke 22:45

Tenadudli-un ꞌetsul ꞌudija ꞌinkꞌez dunadija whe yugha hodulꞌehne tsꞌodi kꞌet nahunistez whe bughu nanja,

Luke 9:32

ꞋEt Peter ꞌinkꞌez yulh ꞌutꞌenne bulh bukꞌuz nintiꞌ. ꞋEt tsꞌihꞌun unꞌa tꞌenawhehunide whe ꞌet Jesus ootsꞌu ha yánduz-i, nane dune yuzih usyin whe hitilhꞌen.