Matthew 26:39 - Yak'usda Ooghuni

³⁹ ꞋOn ꞌunyaz le whinya whe ꞌet nachániti ꞌinkꞌez tenawhendunidli ꞌinkꞌez njan ndutni, “ꞋUBá ndi lubot be dzoh nutiszut-i, whuz unꞌa ꞌuntꞌoh de, whute senghóltsꞌit. ꞋEt hoontsꞌi ꞌaw si hukwaꞌ nuszun kꞌunꞌa iloh. Nyun hukwaꞌ ninzun hukwꞌunꞌa ꞌuhóneh.”

Matthew 26:39 Iomraidhean Croise

Genesis 17:3

ꞋEt Abram yubut nachanitno ꞌinkꞌez Yakꞌusda (Elohim) ꞌen yulh yalhduk, njan ꞌuyulhni,

Matthew 20:22

ꞋEt Jesus njan ndutni, “Ndet hukwa oodilhkut-un ꞌaw tꞌeoonuzinzun. Ndi lubot ꞌawet beꞌ tisnelh-i, nohni cha beꞌ tihnelh nahzun eh? ꞋInkꞌez dune be too be ꞌulꞌen-i, ꞌi be ꞌusotilelh. Nohni cha whuz unꞌa za eh too beꞌ tilhnelh?” ꞋEt ꞌuhúyulhni, “A, ꞌet la ndutsꞌóoneh!”

Matthew 24:24

ꞋAlhaꞌ whutsꞌit be christne ꞌinkꞌez whutsꞌit be nus hooꞌenne, lhane nohtoh whutaleh. ꞋInkꞌez nohtoh tube hooncha te neꞌhutitꞌen. ꞋInkꞌez huwa ꞌitꞌen-un cha nohtoh neꞌhutitꞌen. Njan ndó titꞌelh-un, khun tilah ꞌutꞌahályane nabonooꞌah huninzun, ꞌet hukwaꞌ hutitꞌelh.

Matthew 26:42

ꞋEt doo cha za whulh nat bugho whe naja tenadutidli ha. ꞋEt njan ndutni, “ꞋUBá ndi lubot ꞌaw sghu naóolhchoot ꞌaitꞌoh, ꞌi tsꞌiyawh usnaiꞌ ꞌet de za. Whuz unꞌa za hukwaꞌ ninzun de, ꞌet ndó honeh.”

Mark 13:22

ꞋEt Christ naꞌdudilꞌíne, ꞌinkꞌez nus hóoꞌenne naꞌdudilꞌíne cha, lhat te huwa ꞌítꞌen ꞌinkꞌez hooncha túneꞌ hutitꞌen Yakꞌusda ꞌutáhabanlane, ꞌenne hoontsꞌi nahunooꞌa hukwaꞌ hutitꞌelh.

Luke 17:16

ꞋEt Jesus yubut yun ꞌet nachániti, ꞌinkꞌez lhkꞌuz te musi yulhni. ꞋEn dune Samaria whutꞌen-un ꞌuntꞌoh.

John 11:41

ꞋEt nyo tsꞌun kꞌut dune ꞌadilhtí-un, tse ꞌudun hidutizꞌai. ꞋEt Jesus ndo yútanꞌen ꞌinkꞌez ꞌutni, “SBá sudántsꞌo ꞌinka musi nyudúsni.

John 14:31

Dugweꞌ dudahdilh, ꞌawet njan huwuztoodilh, ꞌet huwa la yinka whuduneꞌne tꞌéhonózin sBá ookꞌesiꞌ ꞌinkꞌez ntsꞌoh te la khuni stlꞌa ídanꞌai, ꞌoh te neꞌústꞌen.”

John 18:11

ꞋEt Jesus Peter uyúlhni, “Nyoo saluzti oozus be naíntih. ꞋAlhaꞌ iloh lakw ndi lubot be dzoh nudeh-i, sBá stlꞌa yánkai-i, ꞌulhtuzisnel?”

John 5:19

ꞋEt Jesus ubúlhni, “Soo tsꞌihꞌun unꞌa nohdúsni, ooYeꞌ ꞌaw dichꞌoh hukwaꞌ ninzun te neꞌutꞌen ꞌaítꞌoh. OoBá ntsꞌoh la neꞌútꞌen yunilhꞌen, ꞌet whuz unꞌa za ooYeꞌ neꞌútꞌen.

John 5:30

ꞋAw sichꞌoh ndúhoontꞌoh-un ꞌuhoosꞌen ꞌaítꞌoh. ꞋAw sichꞌoh hukwaꞌ nuszun te neꞌóostꞌen ꞌaítꞌoh. Ntsꞌoh tula sBá stsꞌu húkwaꞌ ninzun ꞌoh te za neꞌústꞌen. ꞋEt huwa dune ba nahutisyeh de, sBá súlhni, ꞌet whuz unꞌa za dune ba nahusyeh-un, ꞌet tsꞌihꞌun unꞌa ꞌuhoontꞌoh.

John 6:38

ꞋEt hukwa ndus de yakꞌuz tsꞌe hásya. ꞋAw sichꞌoh hukwaꞌ nuszun te néꞌtistꞌen huba iloh, mbe la whuz de sútilhꞌaꞌ-un, ꞌen ntsꞌoh tula daóotanelh hukwaꞌ ninzun-un, ꞌi ꞌutꞌen oosdleh wheni whusásya.

Acts 10:25

Peter yoh tsꞌu tizya whe Cornelius yududizya ꞌinkꞌez yubut nachániti.

Philippians 2:8

ꞋInkꞌez dune dótꞌen whe hinilhꞌen ꞌinkꞌez dichꞌoh tsꞌiyanne anyo ꞌuntꞌoh naꞌdudulhtsi. Datítsah whutsꞌun duBá yukꞌuneꞌ ꞌutꞌen tulalhgus kꞌut datítsah ꞌet hoontsꞌi.

Hebrews 5:7

ꞋInkꞌez ꞌoh daꞌ Jesus Christ ndi yun kꞌut nuseya daꞌ, ꞌet whe ooBá ꞌen ye ulhtus-i ꞌutꞌi, ꞌet hukwaꞌ ninzun de datítsah whuchꞌa yutilhyih yutsꞌu tenadidli. Tube oodzi telꞌen ꞌinkꞌez oonatsultooꞌ hoonli whe Yakꞌusda yutsꞌu tédudlih yulaꞌ ooneh ha. OoBá yudílhtiꞌ, ꞌet huwa yudántsꞌo daja ni.

Revelation 19:10

ꞋInkꞌez oobut nachánisno ootsꞌun teniꞌ untisdzilh ha. ꞋEt ꞌusúlhni, “ꞋEt ndintꞌen iloh! Nyulh ꞌulhna-un usdli. ꞋInkꞌez nyulhutsinke, ꞌinkꞌez Jesus ooghuni ghu yalhdukne, ꞌenne bubulh ꞌulhna-un usdli whe ꞌustꞌoh. Yakꞌusda ꞌen za ootsꞌun téniꞌ nilhdzun!” súlhni. “Ndi khuni Jesus be ghú yaduk-i, ꞌi mba nus hónꞌen wheꞌ hoontꞌoh.”