Matthew 26:36 - Yak'usda Ooghuni

³⁶ ꞋEt whe la ꞌilhoghun ha niyeh kꞌet Gethsemane huwhútni-un tsꞌe hoozdil whe Jesus yugha hodulꞌehne ubúlhni, “Nohni njan dulhtsꞌi. Si nghuz tenadutisdli.”

Matthew 26:36 Iomraidhean Croise

Matthew 26:39

ꞋOn ꞌunyaz le whinya whe ꞌet nachániti ꞌinkꞌez tenawhendunidli ꞌinkꞌez njan ndutni, “ꞋUBá ndi lubot be dzoh nutiszut-i, whuz unꞌa ꞌuntꞌoh de, whute senghóltsꞌit. ꞋEt hoontsꞌi ꞌaw si hukwaꞌ nuszun kꞌunꞌa iloh. Nyun hukwaꞌ ninzun hukwꞌunꞌa ꞌuhóneh.”

Matthew 26:42

ꞋEt doo cha za whulh nat bugho whe naja tenadutidli ha. ꞋEt njan ndutni, “ꞋUBá ndi lubot ꞌaw sghu naóolhchoot ꞌaitꞌoh, ꞌi tsꞌiyawh usnaiꞌ ꞌet de za. Whuz unꞌa za hukwaꞌ ninzun de, ꞌet ndó honeh.”

Matthew 6:6

Tenadutihdli de, nohnichꞌoh whahtꞌi-un, dati dánadihtan whe tenadoohdli. NohBá lhistꞌen-un, tsꞌiyawh nohnilhꞌen, didutchꞌoh tsꞌiyanne nalh nohba ꞌukꞌelha whutilhtselh.

Hebrews 5:7

ꞋInkꞌez ꞌoh daꞌ Jesus Christ ndi yun kꞌut nuseya daꞌ, ꞌet whe ooBá ꞌen ye ulhtus-i ꞌutꞌi, ꞌet hukwaꞌ ninzun de datítsah whuchꞌa yutilhyih yutsꞌu tenadidli. Tube oodzi telꞌen ꞌinkꞌez oonatsultooꞌ hoonli whe Yakꞌusda yutsꞌu tédudlih yulaꞌ ooneh ha. OoBá yudílhtiꞌ, ꞌet huwa yudántsꞌo daja ni.