Matthew 26:3 - Yak'usda Ooghuni

³ ꞋEt ꞌoh whuya hoozulh whe za, lubret ꞌudedone, Moses be ꞌudustlꞌus ꞌukꞌu nunáguzne, ꞌinkꞌez dune ꞌutso whudilhdzulhne cha, tsꞌiyawh lubret ꞌukꞌenus díztiꞌ-un, Caiaphas huyulhni, ooyoh sooꞌ whulcho ꞌinka ꞌet ꞌilhunahosdil.

Matthew 26:3 Iomraidhean Croise

Matthew 26:69

ꞋEt Peter nꞌaz whunaꞌniztlꞌoo-un whez tsꞌe usda whe tsꞌekeyaz yughu ninya. ꞋInkꞌez ꞌúyulhni, “Jesus Galilee whutꞌen-un, nyun cha bulh ꞌintꞌen inleꞌ!”

Matthew 27:27

ꞋEt ꞌawet yun moodih lhuganne ubutꞌine, ꞌenne Jesus huyilhchoot ꞌinkꞌez duyoh tsꞌe whe húyalhti, ꞌi Praetorium huwhútni. ꞋEt tsꞌiyawh lhuganne Jesus higha óosguz.

Mark 14:54

Peter niz de Jesus bubuniyalh. Lizwif lubret ꞌukꞌenus díztiꞌ-un ooyoh ꞌet whunaꞌnistlꞌóo-un whuz bughu danínya. ꞋEt howunline buzih natlꞌa didaꞌ ꞌinkꞌez naldzilh.

Mark 14:66

ꞋEt ꞌawhuz Peter ꞌon yo nanistlꞌoo bet ꞌutꞌen whe Lizwif bulubret ꞌukꞌenus díztiꞌ-un tsꞌekeyaz yuba ꞌutꞌen-un, ꞌoh whuya uyalh.

Mark 15:16

ꞋEt lhugánne moodih ooyoh whunanistlꞌoo-i bez tsꞌe Jesus dáhinilhti ꞌinkꞌez ꞌonghunne lhugánne tsꞌiyawh bukaꞌ hudániꞌ.

Luke 22:55

ꞋEt naniztlꞌoo bez tsꞌe whuniz kwun húdulhkꞌan ꞌinkꞌez ꞌalhgoh nátlꞌaꞌhudiltsꞌiꞌ. Peter ꞌen cha butoh usda.

Luke 3:2

Annas ꞌinkꞌez Caiaphas, ꞌenne ꞌudedo lubretne hinli. ꞋOh whuya whudizulh whutoh ꞌet John Zacharias ooyeꞌ ꞌen dune lhuhootꞌih tsꞌe usda whe Yakꞌusda ooghuni ookꞌé diltsꞌut.

John 11:57

ꞋEt lubret bumoodihne ꞌinkꞌez Phariseene te, ꞌudaꞌ dunene toh khuni butlꞌa ídanꞌai Jesus ntsꞌe ꞌutꞌen tꞌéhonínzun de, ꞌaho hudooniꞌ, ꞌet de ꞌawet huyitálhchulh.

John 18:24

ꞋEt Annas ꞌawhuz Jesus ꞌulhghel whe lubret ꞌukꞌenus díztiꞌ-un Caiaphas, ꞌen tsꞌun whe yalhꞌaꞌ.

John 18:28

ꞋEt Jesus Caiaphas ooyoh tenáhinilhti, yun kꞌut humoodih, Pilate huyulhni ꞌen ooyoh tsꞌe whe húyalhti. Bundada tube ꞌudaꞌ ꞌuhoontꞌoh ꞌinkꞌez Lizwifne ꞌaw hiyoh dálhidulh. ꞋEt yoh dahúnindil de, ꞌenne buba me hoonli. ꞋEt ndahúja de, ꞌaw njan Butus Lhuseya naꞌhutꞌulh-un, ꞌaw ꞌuhooꞌalh ꞌaítꞌoh ꞌet huwa.