Matthew 26:28 - Yak'usda Ooghuni

²⁸ ꞋEt ndi suzkaiꞌ ꞌi be ꞌandidi be nohtsꞌu nahizusya, ꞌet huba ꞌulya. Lhane ba nadútiltꞌih. ꞋI be bulubeshi buba gak tileh.

Matthew 26:28 Iomraidhean Croise

Matthew 20:28

Whuz unꞌa za Yinka Dune Yeꞌ, ꞌaw ooba neꞌwhutitꞌen hukwa whusálhiyal. ꞋEt kꞌus dune buba neꞌutꞌen-un tileh ꞌinkꞌez buba datitsah, ꞌet whuz unꞌa lhane naootakulh. ꞋEt hukwa whusainya.”

Matthew 26:27

ꞋEt lubot cha yilhchoot ꞌinkꞌez musi ni whe tenadidli, ꞌinkꞌez ꞌutni, “Nohni tsꞌiyawh ꞌi be ꞌahnai.

Matthew 26:29

Njan ꞌet nohdusni, ndi mai tooꞌ ꞌaw doo cha za oosnaiꞌ ꞌaitꞌoh. Mai tooꞌ ꞌandidi-i, ꞌuBá lerwe unli-un, ꞌet whuz oozahdil-un, ꞌet dzin nohbulh tisnelh.”

Matthew 6:12

ꞋInkꞌez ꞌuyoonne bulh dulhyoh tsꞌuwhulhꞌai de, buba whunatsꞌodoolnoh.

Mark 1:4

John dune too be ꞌulhꞌen-un, ꞌaw dune lhuhóotꞌih tsꞌe oozya ꞌinkꞌez tubeꞌ budániꞌ, “Lubeshi ꞌulhꞌen-un noheni náhandunoohleh, ꞌinkꞌez too beꞌ ꞌúlhneh, ꞌaw ꞌet de za Yakꞌusda nohlubeshi nohba ꞌún yutilhdulh.”

Mark 14:24

ꞋInkꞌez ubúlhni, “Ndi ꞌi suzkaiꞌ ꞌuntꞌoh. Lhane buba nadútiltꞌih ꞌinkꞌez ꞌi gha ꞌandit nohtsꞌu nahizúsya.

Luke 22:19

ꞋInkꞌez lhes yilhchoot. ꞋInkꞌez duBá musi yulhni, taídanyuz ꞌinkꞌez butainínla, ꞌinkꞌez ꞌubulhni, “Ndi yustꞌe ꞌuntꞌoh. Nohba huwalti. Ndahtꞌen de, ꞌet whe snaoolhnih.”

Luke 22:20

ꞋUhanꞌal hukwꞌelhꞌaz whuz unꞌa za lubot yílhchoot ꞌinkꞌez ꞌutni, “Ndi lubot ꞌi suzkaiꞌ be ꞌandidi khuni nohba lhadúsdla-i, ꞌi ꞌuntꞌoh, nohni nohba nadútiltꞌih.

Romans 5:15

ꞋEt hoontsꞌi Yakꞌusda ndun whusayalhꞌaꞌ-un, ꞌen gha nelubeshi neba yunawhudilhnoh. ꞋI ꞌantsꞌi negha íninꞌai. Ndi ꞌantsꞌi negha íninꞌai-i ꞌaw Adam la gha tsꞌe ꞌutsꞌúja-un whundúlhiltꞌoh. Adam lubeshi ílhchoot ꞌet huwa tsꞌiyanne yahadlah suliꞌ. ꞋEt hoontsꞌi Yakꞌusda ye únzoo-i gha nelubeshi yunawhudilhnoh. ꞋEt huwa Yakꞌusda ye únzoo-i Jesus Christ gha ꞌi lhane ghaltsꞌut.

Romans 5:19

Adam ꞌaw khuni kꞌúnulheꞌitꞌel, ꞌet huwa ꞌen ooghaꞌ hooja tsꞌiyanne dune lubeshi ꞌulhꞌenne huzdliꞌ. ꞋEt hoontsꞌi Jesus Christ ꞌúkꞌuneꞌ ꞌustꞌen-un huwa lhane dune tsꞌihꞌun ꞌuhintꞌoh tileh.

1 Corinthians 11:25

ꞋInkꞌez ndi lubot ꞌet whuz unꞌa za ꞌuja. ꞋUhanꞌal hukwꞌelhꞌaz ubudaniꞌ, “Ndi lubot ꞌi ꞌandidi khuni nohba lhadúsdla-i ꞌuntꞌoh. Suzkaiꞌ gha nohba ꞌusdla. ꞋEt ꞌahnai totsuk, ꞌet ndahtꞌen whe snalhnih.”

Ephesians 1:7

Yakꞌusda neBá Jesus Christ ꞌen be duduzkaiꞌ be naneonket. ꞋInkꞌez nintaꞌtsꞌuntꞌen-un neba whunaꞌalhde. Ye unzoo-i dádiztiꞌ, ꞌet whuz unꞌa ꞌuniltsuk whe neba ꞌuhóonla.

Colossians 1:14

ꞋEn duduzkaiꞌ be naneonket. ꞋEt whe nelubeshi tsꞌiyawh neba ꞌun yutilhdil.

Colossians 1:20

ꞋEn gha tsꞌiyaitsuk ꞌinkꞌez wheni cha Yakꞌusda dutsꞌun nenánedilya. Tsꞌiyaitsuk ndi yun kꞌut ꞌuntꞌoh-i, ꞌinkꞌez yakꞌuz cha ꞌet hoontsꞌi, tulalhgus kꞌut buzkaiꞌ oochꞌa yuntsus-i, ꞌi be whudizghel neba whulhtsi.

Hebrews 10:29

ꞋEt hoontsꞌi ꞌon nus hootátsiꞌ. Mbene Yakꞌusda ooYeꞌ ꞌantsꞌi yuba unli whe yukꞌunuya de, ꞌinkꞌez Jesus buzkaiꞌ be ꞌandit khuni buba lhaídinla-i huwhutꞌi, ꞌinkꞌez Yakꞌusda ꞌudun nebuninla, ꞌet hoontsꞌi buzkaiꞌ ꞌaw hoonliyaz buba lhíloh de, ꞌinkꞌez Ndoni ꞌen cha ꞌen unzoo-i ootsꞌu haídultsꞌuk-un, hichꞌaz yalhduk de, tsꞌiyawh mbene whuz unꞌa ndutꞌenne, ꞌon nus whéoonujut whe buba nahutideh.

Hebrews 13:20

ꞋAwet Yakꞌusda be nedzi dizghel-un ootꞌeꞌ negha óoninꞌai-un, ꞌen neMoodihti Jesus Christ buzkaiꞌ be neba nadíltꞌiꞌ-i, ꞌet huwa yaidlane toh dunaidilhti. ꞋEn ꞌusbai ghunli ncha-un ꞌuntꞌoh. ꞋInkꞌez ndi ꞌuskaiꞌ ꞌi be ꞌilhiz wheni khuni neba lhaídinla-i whe ꞌuntꞌoh.

Hebrews 9:28

Whuz unꞌa Christ za, ꞌen ꞌilhoh za huwáꞌ dudulti, lhane bulubeshi bughu yílhchoot ꞌi yukꞌelha dazsai. ꞋEt hoontsꞌi whulh nat-un, ꞌaw lubeshi gha iloh whusanatidalh. ꞋEt kꞌus tsꞌiyanne mbene yuka tse hooline, ꞌenne bunalhtsꞌet be hóodutaltsilh, ꞌet whe hudutijih.

1 John 2:2

ꞋInkꞌez ꞌen ꞌuntꞌoh nelubeshi kꞌelha dazsai. ꞋAw wheni za iloh. Yinka ndulcho whe whulubeshi kꞌelha cha. ꞋI be la neBá soo cho netsꞌu naítotꞌen ꞌet hukwa.

Revelation 7:14

ꞋEt ꞌudúsni, “SMoodih nyun tꞌeoonínzun.” ꞋEt ꞌusúlhni, “ꞋOh de soo ꞌukꞌenus dune dzoh nuhutidoh, whutoh tehudulya. ꞋInkꞌez ꞌusbaiyaz buzkaiꞌ be dunaih tunáhuyuzguz ꞌinkꞌez ꞌulhyul suliꞌ.

Revelation 7:9

ꞋEt hukwꞌelhꞌaz whunisꞌen ꞌinkꞌez lhane dune, huldlai kꞌet ꞌaw ꞌubutsꞌolhto ꞌaitꞌoh, ꞌenne ubunusꞌen. Lhelhdun keyoh whutꞌenne, lhelhdoh didowhne. Yinka duneꞌne cha. Tsꞌiyawh lhelhtsꞌun unꞌa yalhdukne ꞌuhintꞌoh. ꞋEnne tsꞌiyawh kwꞌutsꞌuzda cho diztiꞌ-i ꞌinkꞌez ꞌusbaiyaz hibut núdilhya. Tsꞌiyawh ꞌulhyul-i nahuyitsꞌuz-i be dune hinli ꞌinkꞌez ꞌul tlꞌotel, ꞌi nahídule.