Matthew 26:24 - Yak'usda Ooghuni

²⁴ ꞋAlhaꞌ Yinka Dune Yeꞌ ntsꞌenꞌa la ooba ꞌukꞌehooguz, whuz unꞌa ꞌutinelh datitsah. ꞋEt hoontsꞌi dune mbe la whutlꞌa yálhti-un, ꞌen ꞌukꞌenus hoontsiꞌ-un oogha óotaltsꞌulh. Ndun dune ꞌaw lhuhóolel de, ꞌet de daꞌ ꞌon nus ooba hózooꞌ ooleꞌ.”

Matthew 26:24 Iomraidhean Croise

Genesis 3:15

ꞋInkꞌez nyun ꞌinkꞌez tsꞌeke bulh lhazdatni nohtiselh, ꞌinkꞌez nyuzkeh ꞌinkꞌez buzkeh. Ntsi yayinduntaꞌus ꞌinkꞌez ookentsul duntalhdah.”

Matthew 18:7

Ndi yun kꞌut dilhtsꞌine, hukwaya hoonli tuneꞌ ꞌutꞌenne, ꞌ dawhultsiꞌ-un, butsꞌu hóoltsꞌulh wheꞌ hintꞌoh. Hukwaya hoonli tuneꞌ whutitꞌen wheꞌ hoontꞌoh. ꞋInkꞌez mbe la oogha ꞌet ndúhooja-un, dawhultsiꞌ-un, hotiꞌelh wheꞌ hoontꞌoh!

Matthew 26:31

ꞋEt Jesus ndúbulhni, “ꞋAndit ꞌulhdzis nohni tsꞌiyawh ska yátihleh. Whuz unꞌa ꞌukꞌehooguz whe ndutni, ‘ꞋUsbai ghunli-un, tuzilghelh huba whutlꞌa tístelh. ꞋOh de ꞌusbai tsꞌiyawh yahitalhꞌus.’

Matthew 26:54

Ntsꞌenꞌa Yakꞌusda ooghuni lhadútineh? Ntsꞌenꞌa la stsꞌun dawhutꞌih-un, ꞌet whuz unꞌa ꞌuhóneh hubaꞌ hoontꞌoh.”

Matthew 26:56

ꞋEt huwa, nus hooꞌenne bubeꞌ ꞌudustlꞌus ookꞌehooguz-un, ꞌet tsꞌiyawh lhawhúdutanelh.” ꞋEt ꞌawet higha hodulꞌehne, tsꞌiyawh highu whetsélhdil.

Mark 14:21

Yakꞌusda ooghuni ꞌukꞌu nusgúz-i ꞌet ndutni, ‘Yinka Dune Yeꞌ, ꞌen datítsah. ꞋEt ye ónket-un, dalcho-i be ooba wheóonujut tileh.’ Ndun dune ꞌaw lhuhóolel de, ꞌet daꞌ ꞌon nus sooꞌ hotꞌeꞌ ooleꞌ.”

Mark 9:12

Jesus ꞌet ubúlhni, “Elijah ꞌalhaꞌ ꞌudechoo whusatíyalh tsꞌiyantsuk lhaóodutileh ha. ꞋEt hoontsꞌi di ha Yakꞌusda ooghuni ꞌukꞌu nusgúz-i ꞌet ndutni ‘Yinka Dune Yeꞌ dzoh nutízut ꞌinkꞌez hitsꞌo dilhꞌoh neꞌhutilhꞌen?’

Luke 22:22

ꞋAlhaꞌ hoontꞌoh Yinka Dune Yeꞌ, ntsꞌenꞌa ooba ꞌet néwhultsꞌut, ꞌet whuz unꞌa ꞌet ꞌuwhutánelh. ꞋEt hoontsꞌi ndun dune mbe la whuꞌizyaz dune tlꞌa itilhtelh-un ndun dune dáwhultsiꞌ-un ootsꞌu hóoltsꞌulh!”

Luke 24:46

ꞋInkꞌez ꞌubulhni, “Ndi ꞌi ꞌukꞌu nusguz whe ꞌet ndutni, Christ, ꞌen dzoh nozut, ꞌinkꞌez whulh tat dzin dunadíjaꞌ hubaꞌ hoontꞌoh,

John 17:12

Mbene la sghá buninlane, ndi yun kꞌut ꞌawhuz bubulh ꞌústꞌoh daꞌ, nyooziꞌ ꞌi be hubostun ꞌinkꞌez bughosdleꞌ. ꞋEt ꞌaw kwuncho yo whuyeꞌ, ꞌen iloh, ꞌet huwa la ntsꞌoh te la ooghun ꞌukꞌuneꞌ ꞌúsguz inleꞌ-un, ꞌoh te néꞌhootꞌen.

John 19:24

ꞋI ghun didutchꞌoh ꞌulhodutni, “Ndi ꞌi ꞌaw yanúlhtsꞌudoolhchꞌul. ꞋAntsꞌi ooghu ꞌá tsꞌoolꞌih, mbe suba ootsꞌítooneh.” ꞋEt nduhútni whe Yakꞌusda ooghuni soo ookꞌoh te néꞌhootꞌen ꞌinka ꞌuhutni. Ndi khuni ꞌi ndutni inleꞌ, “Snaih-i, ꞌi tsꞌiyawh lhtahúyulya. ꞋUde kꞌut be susda-i, ꞌi higha ꞌaínlih.” ꞋEt soo ꞌoh te lhuganne néꞌhustꞌen.

John 19:28

Njan ꞌoh te neꞌwhustꞌen hukwꞌelhꞌaz Jesus tꞌéwhunínzun tsꞌiyantsuk lhaóoduja. ꞋEt didut ooghun Yakꞌusda ooghuni ꞌukꞌu nusgúz-i daja ni la, ꞌet ndúhoneh ꞌet huwa, “Taꞌóosda,” ni.

Acts 2:23

Yakꞌusda nanínízut ꞌinkꞌez ꞌudaꞌ tꞌeooninzun-un, ꞌi be ꞌudaꞌ Jesus nohtlꞌa tíltelh néwhuninꞌai. Nohni nohgha lubeshi ꞌulhꞌenne Jesus tulalhgus ꞌuhídunilhtꞌo ꞌet whe súlhghi.

Acts 28:23

ꞋEt Paul tsꞌun lhahódinla ndet dzin hitsꞌu tídulh-un. ꞋEt ꞌon nus ꞌultsukne, ꞌenne ꞌet dzin hitsꞌu whúsaindil. ꞋEt bundadaꞌ hulhgha whutsꞌun Yakꞌusda dune kꞌúneꞌ bulꞌen-un huwun hubodulhꞌeh. Yakꞌusda be nus hóoꞌenne ꞌukꞌu nuhúyuzguz ꞌinkꞌez Moses ꞌukꞌu núyuzguz-i cha ꞌi gha Jesus buba ꞌalha ꞌootꞌeꞌ hooleꞌ ubúlhni.

Acts 4:28

ꞋEt ꞌudaꞌ be ilhtus-i ꞌinkꞌez nyeni be ndunínzun inleꞌ whe lhawhudinla. ꞋEt ꞌandit ꞌilhuhozdil ꞌinkꞌez daóotanelh dini ínleꞌ ꞌet ꞌoh whuya lheꞌhitꞌelh.

1 Corinthians 15:3

ꞋEt ꞌudechoo daꞌ nohni nohtlꞌa hoosꞌai ndet la stlꞌa hóoltsꞌut-un, ntsꞌenꞌa la Christ nelubeshi kꞌelha dazsai. ꞋEt whuz unꞌa Yakꞌusda ooghuni ꞌet ndutni.