Matthew 26:2 - Yak'usda Ooghuni

² “Tꞌeoonahzun nat dzin whuzꞌai whe butus lhuseya-un ꞌet whunahutilnih. ꞋEt de Yinka Dune Yeꞌ butlꞌa hitilhtelh ꞌinkꞌez tulalhgus kꞌehúyitalhtelh.”

Matthew 26:2 Iomraidhean Croise

Matthew 10:4

Simon, ꞌen Canaanite yun kꞌut whutꞌen-un, ꞌinkꞌez Judas Iscariot ꞌen ꞌuja Jesus be ꞌonket-un.

Matthew 17:22

ꞋEt ꞌawet Jesus ꞌinkꞌez yugha hodulꞌehne, Galilee yun kꞌut hudilhtsꞌi whe ndúbulhni, “ꞋAwet nilhdukw Yinka Dune Yeꞌ, ꞌuyoonne dune tlꞌa hítilhtelh.

Matthew 27:4

ꞋEnne ꞌúbulhni, “Ndun dune ninta lheꞌustꞌí-un, ꞌen whutlꞌásti ꞌet whe nintaꞌnustꞌen.” ꞋEt ꞌuhuyúlhni, “Wheni neba lheꞌhóotꞌoh. Nyunchꞌoh za mbaꞌ hoontꞌoh!”

Luke 22:15

ꞋInkꞌez ꞌubulhni, “Dzoh nutiszut-un whutso sdzi ndulcho-i be njan butus lhuseya-un ꞌet nohbulh náꞌtistꞌulh tube hukwaꞌ nuszun.

John 11:55

ꞋEt Lizwifne budzenis whuti ndet daꞌ Butus Lhuseya huwhútni-un, ꞌawet whenghoh whudizulh. ꞋInka lhane yun kꞌut whutꞌenne Lizwifne bubunaꞌudoh hukwꞌunꞌa ꞌuhutinelh wheni keyoh whuti Jerusalem tsꞌe hoozdil.

John 12:1

Dzenis whuti Butus Lhuseya huwhútni-un ꞌawhuz lhkꞌu tat dzin whuzꞌai, ꞌet Jesus keyoh wheyaz Bethany ꞌet ꞌuja Lazarus dazsai whe yaidlane toh dunaidilhti inleꞌ, ꞌet Lazarus whutꞌi, whuz oozya.

John 18:2

ꞋInkꞌez Judas, mbe daꞌ ye ónket-un, ꞌen cha nyo tꞌéwhunínzun, Jesus yugha hodulꞌehne tubulh lhat ꞌet ꞌilhúnahodulh ꞌet huwa.

John 18:32

Njan ꞌet nduhútni whe Jesus ntsꞌenꞌa la datítsah howu yailhduk ínleꞌ, ꞌoh te néꞌhootꞌen haꞌ hutni.

John 2:13

ꞋAwet whenghoh whudizulh ndet daꞌ Lizwifne buyoh Yakꞌusda oolizas Butus Lhuséya whúnahulnih-un, ꞌet Jesus Jerusalem tsꞌu whínya.