Matthew 26:18 - Yak'usda Ooghuni

¹⁸ ꞋEt ubúlhni, “Nghuz keyoh whuti whuz ꞌahdulh. ꞋIlhoghun dune sba dáhni, ‘Nehodulhꞌeh-un njan ndutni, ꞌawet sba nilhdukw hoozulh. Nyoh tsꞌe ndunne sgha hodulꞌehne njan butus lhuseya-un, ꞌalhgoh bubulh whunatiznih.’”

Matthew 26:18 Iomraidhean Croise

Matthew 21:3

Dune nohoodulhkut de, ‘Di ha ꞌubulhꞌen?’ nohuwhútni de, ‘NeMoodihti yukaꞌ ninzun,’ dóhniꞌ. ꞋEt ꞌaho stsꞌun bula dutitnih.”

Matthew 23:10

ꞋInkꞌez khun te ꞌuyoonne ‘nemoodih’ nohodóniꞌ junih. ꞋAw ꞌilhoghun za nohMoodihti hoonli ꞌet huwa, ꞌen Christ ꞌuntꞌoh.

Matthew 23:8

ꞋEt hoontsꞌi khun te ꞌuyoonne ‘Rabbi’ nohodóniꞌ junih! ꞋAw ꞌilhoghun za whunohodulhꞌeh-un hoonli ꞌet huwa, Christ ꞌen ꞌuntꞌoh. ꞋInkꞌez nohni tsꞌiyawh lhulhutsinke ꞌahli.

Matthew 26:19

ꞋInkꞌez yugha hodulꞌehne Jesus daja ubudaniꞌ, ꞌet whuz unꞌa nduhuja. ꞋInkꞌez butus lhuseya-un ꞌet wheni lhaháduja.

Matthew 26:2

“Tꞌeoonahzun nat dzin whuzꞌai whe butus lhuseya-un ꞌet whunahutilnih. ꞋEt de Yinka Dune Yeꞌ butlꞌa hitilhtelh ꞌinkꞌez tulalhgus kꞌehúyitalhtelh.”

Matthew 26:49

ꞋEt ꞌaho Jesus yughu ninya whe “Hadih Rabbi,” yulhni ꞌinkꞌez naiditsꞌooz.

Mark 5:35

ꞋAwhuz Jesus nusíyilh whe khuni naꞌáne Jairus ooyoh tsꞌe haíndilne ꞌuhuyúlhni, “Ntseꞌyaz dazsai, ndun dune hodulhꞌéh-un di ha ꞌon ꞌun ooghu tédínlih?”

Luke 22:53

Dzin totsuk lugliz whucho nohtoh susda whe, ꞌaw ꞌoh daꞌ sólhchoot hukwa lheꞌzahtꞌen inleꞌ. ꞋEt hoontsꞌi ꞌandit netsudule, tsalhgus yo usda-un nohmoodih tileh, ꞌawet nohba néꞌhunintꞌo.”

John 11:28

Njan ꞌet ndudániꞌ hukwꞌelhꞌaz ꞌet dulhtus Mary yughu nanja ꞌinkꞌez wheꞌ ízyaz yúlhni, “Whuneodulhꞌeh-un whusaínya ꞌinkꞌez nka oodulhkut.”

John 12:23

ꞋEt Jesus ubúlhni, “ꞋAwet Yinka Dune Yeꞌ ooba whudutáltiꞌ-un, ꞌet whusahónzut.

John 13:1

Dzenis whuti ndet daꞌ Butus Lhuséya huwhútni-un, ꞌet whutsodaꞌ Jesus ꞌawet ootsꞌo whúdiltsꞌulh-un ba ꞌet newhúninzut tꞌéwhunínzun ndi yun kꞌut howu tiyalh ꞌinkꞌez duBá tsꞌun natidalh. Ndi yun kꞌut mbene la oochꞌeꞌne tsꞌiyawh bukꞌensiꞌ. Soo ooba ꞌudekꞌez tileh whutsꞌun bukꞌensiꞌ.

John 17:1

Jesus njan ꞌet ndudániꞌ hukwꞌelhꞌaz, ndo yakꞌuz yutanꞌen ꞌinkꞌez ꞌutni, “ꞋUBá, ꞌawet stsꞌo dizulh-un ꞌawet whusahóoltsꞌut. NYeꞌ ooba whudílhtiꞌ ꞌet whe la NYeꞌ cha mba whudólhtiꞌ.

John 20:16

ꞋEt Jesus yukahizya, “Mary,” yúlhni. ꞋEt Mary nꞌawh nalhꞌa ꞌinkꞌez, “Rabboni!” yúlhni (ꞌi khuni nehodulhꞌeh-un ni whe ꞌutni).

John 7:30

ꞋEt hukwaꞌ huyólhchoot hukwaꞌ hitꞌen ꞌet hoontsꞌi ootsꞌun whudiltsꞌulh-un ꞌawhuz whusalhúwhulhtsꞌit, ꞌet huwa ꞌaw dalhúhuyilel.

John 7:6

ꞋEt Jesus ꞌubulhni, “Stso whudizulh-un ꞌawhuz whusalhúwhulhtsꞌit, ꞌet nohni nohtsꞌu hóoltsꞌulh-un, ꞌahoolhyiz lhawhúdintꞌoh.

John 7:8

Whute dzenis whuti tsꞌe whuz áhdulh. Sghá whuntꞌai-un ꞌawhuz ꞌaw lhalhódusne, ꞌet huwa ꞌawhuz ꞌaw si dzenis whuti tsꞌe toosyaꞌ ꞌaítꞌoh,” ubúlhni.