Matthew 26:13 - Yak'usda Ooghuni

¹³ ꞋAlhaꞌ nohdusni ndi yun kꞌut ndulcho whe ndi khuni unzoo-i nudútikat, ndun tsꞌeke ndet ꞌuhoonla-un, ꞌet hukwꞌu naootitnuk ꞌet whe dune yunatilnih.”

Matthew 26:13 Iomraidhean Croise

Matthew 24:14

ꞋEt yakꞌuz kꞌuneꞌ whulꞌen-un ghun khuni unzoo-i yun kꞌut ndulcho whe be yatiduk. ꞋI be ndi yun kꞌut whutꞌenne, buba whubuntilhtun tileh. ꞋEt de ꞌawet whula toh whusaóotiltsꞌulh.”

Matthew 28:19

ꞋEt huwa lhelhtsꞌun keyoh whutꞌenne, tsꞌiyawh butsꞌóhdulh ꞌinkꞌez si sgha hodulꞌehne ubutilhꞌelh. ꞋUBá ꞌinkꞌez ꞌuYeꞌ ꞌinkꞌez Ndoni, booziꞌ be ꞌi be too beꞌ butilhꞌen.

Mark 13:10

ꞋInkꞌez ꞌudechoo ndi yun kꞌut ndulcho whe dune tsꞌiyawh khuni unzoo-i ghun bubulh yatiduk.

Mark 14:9

ꞋAlhaꞌ nohdusni ndi yun kꞌut ndulcho whe ndi khuni unzoo-i nudútikat, ndun tsꞌeke ꞌuhoonla-un, ꞌet hukwꞌu naootitnuk ꞌet whe dune yunatilnih.”

Mark 16:15

ꞌinkꞌez ꞌubulhni, “Yinka ndulcho whe náhdilh, ꞌinkꞌez khuni unzoo-i yinka duneꞌne whubunulhtun.

Luke 24:47

ꞌinkꞌez booziꞌ gha tsꞌiyanne dulubeshi chꞌa dudeni naháhundunooleh, ꞌinkꞌez bulubeshi buba úntukuk cha, ꞌohwhi ghun booziꞌ gha tsꞌiyanne dóhniꞌ hubaꞌ hoontꞌoh. ꞋEt njan Jerusalem ꞌet cho wheꞌ dohtꞌen. ꞋEt hukwꞌelhꞌaz de ꞋUdun Yun Kꞌut Whutꞌenne whubodoolhꞌeh.

Acts 10:4

Tube oogha ꞌúnjaz whe lizas yunilhꞌen ꞌinkꞌez, “Dáhooja?” yúlhni. ꞋEt lizas ꞌutni, “Yakꞌusda ntenadudli yudántsꞌo, ꞌinkꞌez nye ꞌugha téꞌnizeh cha unzoo, ꞌet huwa Yakꞌusda nyunalni.

Romans 10:18

ꞋEt hoontsꞌi ꞌet hukwa nohooduskut, Israel ooduneꞌne ꞌaw eh ndi khuni hiyulh lheꞌditsꞌil? A, huyulh ꞌúdantsꞌo. Njan Yakꞌusda be ꞌudustlꞌus kꞌut ꞌet ꞌutni, “Ndunne nughúni nuꞌáne bughuni tsꞌiyanne ndi yun kꞌut hudántsꞌo ꞌet ooghuni dune hiyubodulhꞌeh-i ntsꞌe la dune huwhutꞌí-un tsꞌiyawh hidántsꞌo.”

Romans 15:19

Ndoni ye ulhtus-i, ꞌi be hoolhtus ꞌinkꞌez huwa ꞌítꞌen te cha neꞌzustꞌen, ꞌet Jerusalem Ilyricum keyoh dúwhulyiz tsꞌe tsꞌiyanne ꞌet Christ ooghuni unzoo-i tsꞌiyawh budásniꞌ.

2 Corinthians 10:18

Mbe dichꞌoh duba naꞌhoodudzi, ꞌet nduntꞌohne, ꞌenne ꞌaw soo huyulh nelhuhooꞌal inleꞌne. Mbe neMoodihti yoozi-un, ꞌen za ꞌódzilh hubaꞌ hoontꞌoh ꞌet huwa.

Colossians 1:23

Be nohba ꞌalha ꞌuhoontꞌoh-i, soo dutsꞌo-i whe oohtun. ꞋInkꞌez whudutsꞌo-un yoh ookꞌu whuzꞌai-i leꞌ ꞌahtꞌoh. ꞋInkꞌez khuni unzoo-i bulh ꞌudahtsꞌo-un, ndi khuni ooka tse hóohli khun oola doohtnih junih. Ndi yun kꞌut ndulcho whe ndi khuni unzoo-i bugha ídiltsꞌut. ꞋEt huba si, Paul, Christ ba neꞌutꞌen-un susdliꞌ.

Colossians 1:6

Ndi khuni unzoo-i ndi yun kꞌut ndulcho whe núdilhtsꞌut ꞌinkꞌez ꞌi be ꞌuniztꞌai leꞌ hintꞌoh. Nohni cha whuz unꞌa za nohghu diltsꞌut. Ndet dzin ꞌudechoo whudáhtsꞌo whe khuni ꞌalhaꞌ ꞌuntꞌoh-i, ꞌi gha Yakꞌusda ye unzoo-i tꞌewhunihzin, ꞌinkꞌez ꞌon nus soo náhyeh.

1 Timothy 2:6

Wheni tsꞌiyawh naneootakulh ha butlꞌaꞌ dudilti. Ndet la whusahooltsꞌut-un soo ꞌet ꞌuja, tsꞌiyanne whunilhtan ꞌet whuz unꞌa.

Hebrews 6:10

Yakꞌusda oochꞌeꞌne, ꞌenne nohni ooba neꞌútꞌenne ꞌahli ínleꞌ, ꞌinkꞌez ꞌawhuz ꞌet za nduhtꞌen. Nohꞌeꞌutꞌen ꞌinkꞌez Yakꞌusda ookꞌehsiꞌ whe ꞌahtꞌen, ꞌet tsꞌiyawh Yakꞌusda whunilhꞌen. Yakꞌusda tsꞌihꞌun unꞌa ꞌuntꞌoh, ꞌet huwa ꞌaw whunaoodoolnoh ꞌaitꞌoh.

Revelation 14:6

ꞋEt doo cha ꞌuyoon lizas ndo yat nutꞌo whe nusꞌen. Ndi yun kꞌut whutꞌenne, lhelhdun keyoh whutꞌenne, lhelhdoh didowhne, lhelhtsꞌun unꞌa yalhdukne, ꞌinkꞌez tsꞌiyanne, ꞌenne ndi khuni unzoo-i ꞌilhiz ꞌuntꞌoh-i, ꞌi ghun budutánelh, ꞌet huba ndun lizas ndi khuni ꞌet yudilhꞌai.