Matthew 26:11 - Yak'usda Ooghuni

¹¹ ꞋAhoolhyiz telꞌenne bubulh ꞌáhtꞌoh, ꞌet hoontsꞌi si ꞌahoolhyiz ꞌaw nohbulh lheꞌtuzistꞌel.

Matthew 26:11 Iomraidhean Croise

Matthew 18:20

ꞋEt huwa sooziꞌ gha nane kꞌus tane ꞌilhunaoodilh de, butoh ꞌustꞌoh wheꞌ hoontꞌoh.”

Matthew 26:10

ꞋEt Jesus tꞌeoonanzin whe ꞌet ndúbulhni, “Ndun tsꞌeke ootsꞌá ha lhozahꞌai. ꞋUtꞌen unzoo-i sba ꞌinla whe ꞌuntꞌoh.

Matthew 28:20

Khuni nohtlꞌa dísꞌai-i, tsꞌiyawh hikꞌuneꞌ ootꞌen-un hubodoolhꞌeh. ꞋInkꞌez soo zulhtsꞌai, dzin whula toh lhaooduja de, ꞌet whutsꞌun ꞌahoolhyiz nohbulh ꞌútistꞌelh wheꞌ hoontꞌoh.” ꞋEt ndo honeh.

Mark 14:7

ꞋAhoolhyiz telꞌenne nohnat whutáleh. Hukwáꞌ nahzun totsuk bula tihtelh. ꞋEt si ꞌahoolhyiz nohbulh lhéꞌtuzistꞌel.

John 12:8

Telꞌenne ꞌahoolhyiz nohbulh ꞌúhintꞌoh, ꞌet si ꞌahoolhyiz wheni iloh nohbulh ꞌútistꞌelh.”

John 13:33

Suzkehke ꞌaw saꞌ iloh nohbulh ꞌutistꞌelh. Skuntihtalh ꞌet hoontsꞌi Lizwifne ꞌubudásniꞌ, whuz unꞌa nohni cha nohdúsni, ntsꞌe la tisyalh tsꞌe ꞌaw nohni cha sulh tóohdilh ꞌaítꞌoh.

John 14:19

Dzoh saꞌyaz inleꞌ de, ꞌinkꞌez yinka whuduneꞌne, sulhotisꞌel, ꞌet hoontsꞌi nohni suntilhꞌelh. Si khusna ꞌet huwa nohni cha khutihnalh.

John 16:28

SBá ꞌen ootsꞌu hásya whe ndi yun kꞌut nenúsya. Doo cha ndi yun kꞌut whuchꞌa natisdalh ꞌinkꞌez sBá ꞌen ootsꞌu nátisdalh,” ubúlhni.

John 16:5

ꞋAndit mbe la whuz de sútilhꞌaꞌ-un, ꞌen ootsꞌun nátisdalh, ꞌet hoontsꞌi ꞌaw ꞌilhoghun nohtoh ntsꞌe tisyalh-un hukwa sulhooduzulhkut.

John 17:11

ꞋAw ꞌon ꞌun ndi yun kꞌut susda íloh ꞌinkꞌez ntsꞌun usyalh, ꞌet hoontsꞌi ndunne, ꞌenne ndi yun kꞌut ꞌuhintꞌoh. ꞋUbá, lubeshi ooghu hooloh ꞌintꞌoh, ꞌinkꞌez ndunne sghá buninlane, nyooziꞌ ꞌi be huboontun, ꞌi be la nyun si bulh ꞌilho ídli, whuz unꞌa la didut cha ꞌilho hooleꞌ.

Acts 3:21

ꞋEn ndo yakꞌuz ꞌet usda ndet la tsꞌiyantsuk doo cha soo náꞌwhutilelh nasdliꞌ ꞌet whutsꞌun. ꞋUdaꞌ Yakꞌusda be nus hóoꞌenne huwu yuhalhduk ínleꞌ.

Galatians 2:10

Mbe la telꞌenne, ꞌenne ꞌaw bunalh tsꞌodulhnoh ꞌet za hukwaꞌ huninzun, ꞌinkꞌez si cha whuz unꞌa hukwaꞌ nuszun.

1 John 3:17

ꞋEt hoontsꞌi mbe ndi yun kꞌut hoonli ꞌutꞌi-un whe bulhutsin ꞌeꞌdunidzit de, ꞌinkꞌez dudzi be ꞌaw yugha telheꞌnizil de, ntsꞌenꞌa Yakꞌusda ye nékꞌensiꞌ-i yulh ꞌútitꞌelh? ꞋEt dutꞌen de, ntsꞌenꞌa Yakꞌusda kꞌetitsiꞌ?