Matthew 26:10 - Yak'usda Ooghuni

¹⁰ ꞋEt Jesus tꞌeoonanzin whe ꞌet ndúbulhni, “Ndun tsꞌeke ootsꞌá ha lhozahꞌai. ꞋUtꞌen unzoo-i sba ꞌinla whe ꞌuntꞌoh.

Matthew 26:10 Iomraidhean Croise

Matthew 26:11

ꞋAhoolhyiz telꞌenne bubulh ꞌáhtꞌoh, ꞌet hoontsꞌi si ꞌahoolhyiz ꞌaw nohbulh lheꞌtuzistꞌel.

Matthew 26:9

Ndi yoo diztiꞌ-i béꞌ tsꞌonket de, tsꞌiyawh telꞌenne gha tsꞌoodzaih ooleꞌ daꞌ!”

Mark 14:6

ꞋEt Jesus ubúlhni, “Ootsꞌá ha lhozahꞌai! Di ha teduhle? ꞋUtꞌen unzóo-i sba ꞌinla whe ꞌuntꞌoh.

Luke 8:49

ꞋEt ꞌawhuz tsꞌeke yulh yalhduk whe Lizwif bulugliz whumoodih ooyoh usda-un yughu ninya ꞌinkꞌez ꞌuyulhni, “Ntseꞌ dazsai. Whute ndun dune hodulhꞌeh-un, ꞌaw ꞌon ꞌun dzoh nilhdzut iloh.”

2 Corinthians 9:8

Yakꞌusda soo ꞌúltus whe ye unzoo-i, ꞌi ꞌon nus ꞌultsuk-i negha nántikulh. ꞋEt whe be ndunahdzit-i, ꞌi ꞌon ꞌun lhai tihtꞌelh. ꞋEt ꞌutꞌen unzoo-i ꞌulhꞌen-i, tsꞌiyaitsuk nohanus ꞌuniltsuk-i, ꞌi nohtlꞌa nátikulh.

Galatians 1:7

ꞋEt hoontsꞌi ꞌaw ꞌuyoo khuni unzoo-i hooloh. Whulohne dune nohba lhtanahuhólelh hukwaꞌ hutꞌen. Christ ooghuni unzoo-i ꞌutsꞌun unꞌa nohba naꞌhuyooleh hukwaꞌ hutꞌen.

Galatians 5:12

Mbene la tankꞌus nohnilhtꞌine, ꞌenne didutchꞌoh úncha naꞌhoodudutꞌas.

Galatians 6:17

ꞋAndit whutsꞌun ꞌaw dune dzoh nusoolhdzut junih! Jesus Christ ooba ꞌustꞌen whe dzoh nusúsdzut, ꞌet huwa syustꞌe ndulcho whe be hóodatꞌen whe ꞌuntꞌoh.

Ephesians 2:10

Wheni Yakꞌusda ꞌuyinlane ꞌutsꞌintꞌoh ꞌet huwa. Christ Jesus ꞌen ooyúzdultsꞌi whe ꞌen be ꞌandidi natsꞌusdliꞌ, ꞌutꞌen unzoo-i ꞌuztilhꞌelh ha. ꞋEt whe whutso Yakꞌusda neba lhaóodinla. ꞋEt ookꞌoh nutsꞌóodilh ha.

Colossians 1:10

ꞋEt neMoodihti ꞌen ba tsꞌihꞌun unꞌa ndi yun kꞌut dúlhtsꞌi. Ndai ꞌulhꞌen-i tsꞌiyawh yé hotꞌeꞌ. ꞋUtꞌen unzoo-i ꞌi ootsꞌu ha yóokat, ꞌinkꞌez Yakꞌusda ꞌon nus tꞌentihzeh.

2 Thessalonians 2:17

Nohdzi óozooꞌ, ꞌinkꞌez khuni unzoo-i, ꞌinkꞌez ꞌutꞌen unzoo-i toh nenóholelh.

1 Timothy 3:1

Ndi khuni ootꞌa niuznintan-i ꞌet ndutni: Mbe la Yakꞌusda ba huwunli-un tileh hukwaꞌ ninzun de, ꞌet de ꞌen ꞌutꞌen unzoo-i ꞌutilhꞌelh hukwaꞌ ninzun whe ꞌuntꞌoh.

1 Timothy 5:10

Unzoo-i ꞌutꞌen ꞌulhꞌen ooghu tꞌeoohunoodzun. Tsꞌoodunne nilhyai de, dune tꞌebunuszunne, ꞌenne hoontsꞌi yoh dabulih, Yakꞌusda oochꞌeꞌne buke tunagus, dzoh nuzutne la ꞌutꞌen de, ꞌet ndi ꞌutꞌen unzoo-i soo cho tsꞌiyawh ꞌuyalhꞌen de.

2 Timothy 2:21

ꞋEt huwa mbe dichꞌoh lubeshi ꞌuchꞌaz nálhꞌa de, ꞌet de duMoodihti ba ꞌuduneꞌududulti ꞌinkꞌez ooMoodihti yeꞌ titꞌelh, ꞌutꞌen unzoo-i tsꞌiyawh yeni lhadíntꞌoh whe ꞌuntꞌoh.

Titus 1:16

Nduntꞌohne, “Yakꞌusda tꞌeznínzun,” hutni, ꞌet hoontsꞌi dude ꞌutꞌen be hichꞌaz ditni. ꞋEnne butsꞌu hoontsiꞌne hinli, ꞌinkꞌez dichꞌoh kꞌuneꞌ hutitꞌen-un ꞌet za hukwaꞌ huninzun. ꞋEt ꞌutꞌen unzoo-i ꞌuhutilhꞌelh-un, ꞌaw huba soo lheꞌhildzooꞌ wheꞌ hintꞌoh.

Titus 2:14

Jesus Christ neba huwaꞌ dudulti nelubeshi chꞌa nenaootakulh ha. ꞋInkꞌez wheni dichꞌoh ooduneꞌne dune ꞌutꞌen unzoo-i za ꞌutsꞌoolhꞌen.

Titus 3:1

ꞋEt nyoonne Crete whutꞌenne bula ꞌineh njan huwu ni hotan ha. Ndunne keyoh huwunline ꞌinkꞌez bumoodih unline, ꞌenne bukꞌuneꞌ hootꞌen. ꞋAhoolhyiz ꞌutꞌen unzoo-i, ꞌuhutilhꞌelh wheni lhahúdootꞌeꞌ.

Titus 3:14

ꞋInkꞌez netsꞌu ditnine, tꞌehonoozeh ꞌutꞌen unzoo-i za ꞌuhoolhꞌen. ꞋUyoonne hiye ndunidzit-i huye búlaꞌ hootꞌen. ꞋEt sih ndi yun kꞌut ꞌantsꞌi ꞌet lhodólhtsꞌi.

Titus 3:8

Ndi khuni ꞌalhaꞌ ꞌuntꞌoh-i ꞌuntꞌoh. ꞋInkꞌez ꞌahoolhyiz ꞌet za ndudóniꞌ ntsꞌu hukwaꞌ nuszun. Mbene Yakꞌusda ooba ꞌalhaꞌ yintꞌohne, huwu hinli whe ꞌutꞌen unzoo-i za ꞌahoolhyiz higha oonaꞌ. Ndi khuni tsꞌiyanne ba unzoo ꞌinkꞌez dune whe sooꞌ hutitꞌelh.

Hebrews 13:21

Yakꞌusda ookꞌuneꞌ ootꞌen nohoolhtselh whe nohba tenadutisdli. ꞋEt whe Yakꞌusda ntsꞌenꞌa nohtsꞌu hukwaꞌ ninzun-un, ꞌet tsꞌiyawh ooba ꞌoohooleh. ꞋInkꞌez ndai Yakꞌusda Jesus Christ be ꞌet nohba ꞌuwhulhꞌen-un, ꞌet ꞌuhóonla de, ꞌet whunílhcho whe hootátꞌeꞌ. ꞋEn za ꞌilhiz wheni ooba tsꞌodólhtiꞌ. ꞋEt ndo honeh.

1 Peter 2:12

ꞋUdun yun kꞌut whutꞌenne toh tsꞌihꞌun unꞌa yinka dólhtsꞌiꞌ. ꞋEt sih nohchꞌaz ditnine, ꞌenne hoontsiꞌ tuneꞌ ꞌahtꞌen nohohútni, ꞌinkꞌez ꞌutꞌen unzoo-i ꞌahla ꞌet honilhꞌen de, ꞌet de nkede Yakꞌusda whusanaja de, ꞌet huwa ꞌon nus hoonzoo kꞌunꞌa hidutálhtiꞌ.