Matthew 25:8 - Yak'usda Ooghuni

⁸ ꞋInkꞌez whusnine hubuhutni, ‘Too dizkꞌun negha núlhdzeh, netoo dizkꞌun ꞌawet bé haꞌ dukꞌaih!’

Matthew 25:8 Iomraidhean Croise

Matthew 25:1

“Yakꞌuz ntsꞌe la lerwe usda-un ndi yun kꞌut whusahóoltsꞌut de, ꞌet whuz unꞌa ndó tanelh: whunizyane tꞌedukoo dune tꞌenuszunne, ndi kwun be hootꞌen-i huyilhchoot ꞌinkꞌez dune ꞌat titꞌelh-un ꞌaz hiba sulhꞌi.

Matthew 25:7

ꞋEt tꞌedukoo tsꞌiyawh dahudindil ꞌinkꞌez too dizkꞌun-i tsꞌiyawh nahidulhkꞌan.

Matthew 25:9

ꞋEt whunihne, ‘ꞋAwúndooh!’ hutni ‘Nohgha uznilhdzo de, nohni cha ꞌinkꞌez wheni cha ꞌaw neba soo lhéꞌiltsuk. ꞋEt hoontsꞌi ꞌeꞌóoket tsꞌe whuz ꞌahdulh, ꞌinkꞌez nohnichꞌoh oohket.’

Matthew 3:9

ꞌinkꞌez khun njan dudohniꞌ junih, wheni Abraham ootsꞌu haindene tsinli. Nohdusni Yakꞌusda soo ꞌultus whe ꞌuntꞌoh, ndi tse hoontsꞌi ꞌi be Abraham ootsꞌu haindene ubutilhtselh whe ꞌuntꞌoh.

Luke 12:35

“Nohnaih be ꞌáhtꞌen-i be náhdilh ꞌinkꞌez nohtoo dizkꞌun-i cha dókꞌun.

Luke 16:24

ꞋEt ꞌultus-un yutsꞌu huyih ꞌinkꞌez ꞌuyulhni, ‘ꞋUbá, Abraham, sgha teꞌninzeh! Lazarus ꞌen stsꞌilhꞌalh! Dzoh tsulyaz dulasga be toot nudoolga ꞌinkꞌez ꞌi be stsoola kꞌut nawhunoolhtsul! Ndi kwun be dzoh nuszut!’ yulhni.

Luke 8:18

ꞋInka howahli ntsꞌenꞌa la khuni dutáhtsꞌo. Hoontsool-unyaz tꞌehonínzunne, ꞌon nus lhat-un tꞌe honínzun-un, ꞌet bugha whútaltsꞌulh. ꞋInkꞌez mbene la hoonli tꞌewhunúszunne, hoontsool-unyaz hoditsꞌo, ndai la ꞌaw ꞌi huyutꞌi-i huninzun, ꞌi hoontsꞌi bughu nayitálchulh.”

Acts 8:24

ꞋEt Simon, John ꞌinkꞌez Peter bulh ubúlhni, “NeMoodihti tsꞌun sba tenadahdli. ꞋEt la datisnelh sudahni-un ꞌawet ndulhohosneh.”

Hebrews 4:1

Wheni Yakꞌusda nalyis-un netsꞌu hoozi-un, nohni nohtoh ꞌaw tilah lhuwhulhchulh. ꞋAw wheni tsꞌiyawh whéznooljut hubaꞌ hoontꞌoh.

Revelation 3:9

Soo zulhtsꞌai, nyoonne Satan oolugliz whutꞌenne, ꞌenne lizwif hinli hutni ꞌet hoontsꞌi huwhutsꞌit wheꞌ hutni, ꞌaw lizwif lhuhiloh. ꞋAw nawh lheꞌhootꞌoh, nohghu bunúsdla ꞌinkꞌez nohbut teniꞌ hunilhdzun ubutiselh. ꞋEt huwa tꞌehonózin nohkꞌesiꞌ inleꞌ.