Matthew 25:6 - Yak'usda Ooghuni

⁶ Tuzniz ꞌilhoghun huyih, ‘ꞋAwet ꞌat titꞌelh-un ꞌaz de yalh. Tenahdilh ꞌinkꞌez oodudíhdilh!’

Matthew 25:6 Iomraidhean Croise

Matthew 24:31

Be tsꞌujih-i tube cho beꞌ dutsꞌo whe oolizas whuz de ubutilhꞌalh. ꞋUtahalyane, tsꞌiyawh ꞌilhunaboohootálelh. Diwh hukwꞌunꞌa hutidulh ꞌinkꞌez yat dulcho nótidulh. ꞋEt ndulcho whe ꞌilhunaboohootálelh.”

Matthew 24:44

ꞋEt huwa nohni cha lhadóohtꞌeꞌ. Ntsꞌowhuya whudizulh-un, ꞌet ookwa tse lhúwhahlih-un, ꞌet Yinka Dune Yeꞌ ꞌet whusatiyalh.”

Matthew 25:1

“Yakꞌuz ntsꞌe la lerwe usda-un ndi yun kꞌut whusahóoltsꞌut de, ꞌet whuz unꞌa ndó tanelh: whunizyane tꞌedukoo dune tꞌenuszunne, ndi kwun be hootꞌen-i huyilhchoot ꞌinkꞌez dune ꞌat titꞌelh-un ꞌaz hiba sulhꞌi.

Matthew 25:31

“ꞋEt Yinka Dune Yeꞌ nkede ootsꞌu haꞌ ꞌánduz whe whusanátidalh, lizas lubeshi ooghu hoolohne, tsꞌiyawh huyulh whusanátidulh. ꞋOh de de, ookwꞌutsꞌuzda cho diztiꞌ-i, ꞌi kꞌut nanátlꞌa dutidalh.

Matthew 25:5

ꞋEt ꞌat titꞌelh-un saꞌ whusalhusyaih, ꞌinkꞌez tsꞌiyawh bulh bukꞌé diltsꞌut, whe nahunistez.

Matthew 25:7

ꞋEt tꞌedukoo tsꞌiyawh dahudindil ꞌinkꞌez too dizkꞌun-i tsꞌiyawh nahidulhkꞌan.

Luke 12:20

ꞋEt hoontsꞌi Yakꞌusda ꞌuyulhni, ‘Whusni-un inli! ꞋAndit ꞌúlhdzis nzul naitálchulh. ꞋInkꞌez di ꞌintꞌi-i, mbe tsꞌu tíkulh?’

Luke 12:46

ꞌoh de ndet dzin, be ꞌulhna-un ꞌaw yuka tsꞌe lhúhooli ꞌinkꞌez ntsꞌowhuya ꞌuhunitꞌoh-un ꞌutinelh ꞌaw tꞌeoonuszun, ꞌet ꞌoh whuya ꞌuhunitꞌoh whe oomoodih whusanátidalh. ꞋAntsꞌi lhulcho kꞌeitatꞌus leꞌ yutilelh ꞌinkꞌez Yakꞌusda kꞌunulheꞌustꞌenne butsꞌítikulh-i bugha óotatꞌalh.

1 Thessalonians 4:16

ꞋEt neMoodihti dichꞌoh soo ꞌultus-un hutiyih, ꞌinkꞌez lizas ꞌukꞌenus diztiꞌ-un, ꞌen cha dutinelh, ꞌinkꞌez Yakꞌusda ba be tsꞌujih-i, ꞌi cha ꞌudutinelh. ꞋEt whuz unꞌa Jesus Christ yakꞌuz tsꞌe whusanatidalh. ꞋInkꞌez ndunne Jesus Christ ooba ꞌalhaꞌ yintꞌohne, ꞌet whuz unꞌa yaidlane, ꞌenne cho dunahudutádulh.

2 Peter 3:10

ꞋEt ooka tse lhúhoodli whe dune ꞌundunutꞌih-un ꞌulhdzis whusayaih, ꞌen kꞌunꞌa ooka tse lhúhoodli whe neMoodihti oodzin whusaóotiltsꞌulh. Ndet ndúhooja de, ꞌet ndo yat ꞌusdla-i kwun dilhtulh hukwꞌunꞌa gak whutaleh. ꞋInkꞌez ndai ꞌulya-i, tsꞌiyawh kwun ulhtus-i be tsꞌiyaitsuk natilgheh. Ndi yun ꞌinkꞌez ndai ookꞌeyuzdla-i, ꞌi bulh tsꞌiyawh dutákꞌun.

Revelation 16:15

“Soo zúlhtsꞌai, ꞌundunutꞌih-un kꞌunꞌa whuz de nízꞌilh. Mbene ꞌahoolhyiz khudline ꞌinkꞌez dunaih lhadilhdzunne, ꞌenne ꞌet nduhútꞌen de, ꞌaw ꞌustꞌet nohooyaꞌ ꞌaitꞌoh ꞌinkꞌez bube ꞌustꞌet óotꞌen ꞌaitꞌoh, ꞌenne ꞌukꞌenus hoonzoo-un bugha whútaltsꞌulh.”