Matthew 25:5 - Yak'usda Ooghuni

⁵ ꞋEt ꞌat titꞌelh-un saꞌ whusalhusyaih, ꞌinkꞌez tsꞌiyawh bulh bukꞌé diltsꞌut, whe nahunistez.

Matthew 25:5 Iomraidhean Croise

Matthew 24:48

ꞋEt hoontsꞌi be ꞌulhna-un ntsiꞌ-un dichꞌoh dudzi yo whe ꞌet nduninzun, ‘SMoodih saꞌ ꞌustla whusanádaih.’

Matthew 25:19

ꞋEt hukwꞌelhꞌaz saꞌ inleꞌ whe ꞌulhnane bumoodih whusanaja. ꞋInkꞌez nahootáꞌalh hukwaꞌ ninzun dude ꞌulhnane dahúyinla.

Matthew 25:4

ꞋEt hoontsꞌi whunihne too dizkꞌun denáhitilhdzoh-i cha hutizdla.

Matthew 25:6

Tuzniz ꞌilhoghun huyih, ‘ꞋAwet ꞌat titꞌelh-un ꞌaz de yalh. Tenahdilh ꞌinkꞌez oodudíhdilh!’

Matthew 26:40

ꞋEt yugha hodulꞌehne nahunistez whe bughu nanja. ꞋEt Peter ndúyulhni, “ꞋAw eh ꞌilhoh sadzi hukwꞌu hunistꞌo whe sulh huwonleꞌ ꞌaitꞌoh?

Matthew 26:43

ꞋEt doo cha za nahuniztez whe bughu nanja. Bulh buba yilhtus kꞌet ꞌaw hitóꞌen ꞌaitꞌoh.

Luke 1:21

ꞋInkꞌez dune, tsꞌiyawh Zacharias hika tse hooli, ꞌinkꞌez daja whe suba ꞌuntꞌoh saꞌ whe lugliz whucho tsꞌe ꞌutꞌen.

Luke 12:45

ꞋEt hoontsꞌi ndun be ꞌulhna-un dichꞌoh dudzi yo whe ꞌet nduninzun de, ‘Smoodih saꞌ stla whusanádaih.’ ꞋInkꞌez ꞌet dune oomoodih yuba ꞌutꞌenne ꞌinkꞌez tsꞌekoo yuba ꞌutꞌenne cha whéboonilhtsus. ꞋInkꞌez whéꞌ niꞌulh ꞌinkꞌez tatnai, ꞌinkꞌez tanutnih,

Luke 18:8

ꞋInkꞌez ꞌunohdusni, ꞌahoh buba kꞌutítnelh! ꞋEt hoontsꞌi Yinka Dune Yeꞌ ndi yun kꞌut whusanája de, soo eh dune ooba ꞌalha ꞌuhoontꞌohne naitálelh?”

Luke 20:9

ꞋEt ꞌawet ꞌuyoo khuni be whútsꞌodulꞌeh-i be bubulh yawhénilhduk whe njan ndutni, “ꞋIlhoghun dune ha niyeh kꞌet tsꞌekoo tooꞌ mai ꞌananla. Ha niyeh kꞌet háꞌ nulhyehne bughu whulhꞌai, ꞌinkꞌez saꞌ wheni nilhdzaꞌ keyoh tsꞌe whinya.

Romans 13:11

ꞋEt ndi tꞌewhunáhzun ndet la whudizulh-un ꞌawet neba whula toh tileh. ꞋUdaꞌ Jesus Christ neba ꞌalhaꞌ ꞌuntꞌoh ínleꞌ. ꞋOh daꞌ whézdutijih-un nilhdzaꞌ whuzꞌai ínleꞌ. ꞋEt ꞌandit ꞌon nus nilhdukw hooltsꞌulh, ꞌet huwa tsꞌe tsꞌoodeh hubaꞌ hoontꞌoh.

Ephesians 5:14

ꞋEt huwa njan ndutni, “Mbe ꞌusti-un tsꞌenindzit! Yaidlane toh dunadindaih. ꞋEt de la Christ ootsꞌu ha yánduz-i, ꞌi nkꞌédodi.”

1 Peter 5:8

Duba whahtnih ꞌinkꞌez soo cho huwahli! Netsudule, nohchꞌaz ditni-un, ndi khuna-iti, lion tsꞌutni, ꞌi kꞌunꞌa nohtunudúlgho. Nintaꞌ butalhꞌelhne, ꞌenne bukunúta.

Revelation 2:25

ꞋEt hoontsꞌi whusatísyalh whutsꞌun, ndai ꞌutꞌen unzoo-i ꞌulhꞌen-i soo cho oohtun.