Matthew 25:41 - Yak'usda Ooghuni

⁴¹ ꞋEt ꞌawet ꞌintlꞌus tsꞌunkꞌus ꞌuntꞌohne njan ndubudutánelh, ‘Ndai la Yakꞌusda ye hunilchꞌe-i nohbulh ꞌuntꞌohne suhliꞌ! Schꞌa nasahdilh! Ndi kwun ꞌaw nalhnusne-i netsudule dulizasne te buba ꞌuhóolya-un, whuz ꞌahdulh!

Matthew 25:41 Iomraidhean Croise

Matthew 13:40

ꞋEt huwa ꞌutꞌantsiꞌ nahidulhdzooh ꞌinkꞌez hidilhkꞌun, ꞌandit whudizulh-un whula toh de, ꞌet nduwhutanelh.

Matthew 13:42

ꞋInkꞌez ntsꞌe la kwun dizkꞌun hubaꞌ hoontꞌoh-un, whuz hubotilhdulh. ꞋInkꞌez tso yahutilhduk ꞌinkꞌez dughoo lhuhidutikꞌus.

Matthew 13:50

Ntsiꞌne, kwun dizkꞌun tsꞌe tsꞌubotutilhlelh. Tso yahutilhduk ꞌinkꞌez dughoo lhuhidutikꞌus.”

Matthew 18:8

Nla kꞌus nke be hukwaya hoonli tuneꞌ ꞌantꞌen de, kꞌunintꞌas ꞌinkꞌez ꞌun tilhꞌis! Dzoh ninya kꞌus nyustꞌe bodinꞌai de, ꞌet whuz unꞌa ꞌilhiz be tsꞌukhuna-i nghaltsꞌut de, ꞌet ꞌon nus ꞌukꞌenus mba hootázooꞌ. ꞋEt hoontsꞌi nke nankultꞌoh cha ꞌinkꞌez nla nankultꞌoh cha bulh ꞌíntꞌoh whe kwun nalhnusne-i tanyoníno de, ꞌukꞌenus mba hootátsiꞌ.

Matthew 25:42

Syeꞌíltsꞌul inleꞌ ꞌet hoontsꞌi ꞌaw tisꞌulh-i sgha lhahꞌal. Taꞌóosda ꞌet hoontsꞌi ꞌaw tisnelh-i sgha lhahkal.

Matthew 25:46

ꞋEt nduntꞌohne, ꞌilhiz wheni dzoh nuhutideh tsꞌe hutidulh. ꞋEt hoontsꞌi tsꞌihꞌun ꞌuntꞌohne, ꞌilhiz whe tsꞌukhuna-un bugha óotakulh.”

Matthew 3:12

Lufoos tlꞌo maiꞌ be tahawhúltsꞌih-i, ꞌi nuyútun. ꞋInkꞌez tlꞌo maiꞌ yutahawhúlhtsꞌih-i, ꞌinkꞌez yukꞌut ꞌutꞌen-i cha yukꞌut lhadútꞌih de, ꞌinkꞌez yunaꞌulhdoh. ꞋInkꞌez mai lhaduja-i, ꞌi tsꞌiyawh deínudzih ꞌinkꞌez mai bayoh tsꞌe wheyúli. ꞋEt hoontsꞌi ndi kwun ꞌaw nalhnusne, ootꞌooz, ꞌi be dutákꞌun,” ꞌubulhni.

Matthew 4:10

ꞋInkꞌez Jesus yulhni, “Satan naindalh! ꞋUkꞌehooguz whe njan ndutni, ‘Moodihti nYakꞌusda, ꞌen za Oobut negwutsi be netsꞌiyaih, ꞌinkꞌez Ootsꞌu téniꞌ uznilhdzun, ꞌinkꞌez ꞌen za Ooba néꞌtsꞌutꞌen.’”

Matthew 5:22

ꞋEt hoontsꞌi sichꞌoh ꞌunohdusni, mbe la ꞌantsꞌet dulh dune bulh hunilchꞌe de, ꞌenne buba nahutideh wheꞌ hoontꞌoh. ꞋEt mbe la dudulh dunene ‘Raca!’ ꞌulhníne de, ꞌet ndi khuni dakelh kꞌunꞌa ‘Ntsiꞌ’, ni whe ꞌutni, ꞌi gha nahiyilh-un but hutiyin. ꞋInkꞌez cha za mbe la dune, ‘Whuzini dune inli!’ yulhni de, mbe la ndutnine, ꞌenne tube whe whúnujut-un kwuncho yo tsꞌe buhutinoh.

Matthew 7:23

Nduntꞌohne dune tsꞌiyawh budutásnelh, ‘ꞋAw tꞌenohnuzúszun. Schꞌa nasahdilh! Nohni ꞌaw ꞌukꞌu nulheꞌustꞌenne ꞌahtꞌoh!’”

Luke 13:27

ꞋEt hoontsꞌi laꞌ dooniꞌ, ‘Nohdusni ntsꞌez de háhdil ꞌaw tꞌenohnuzúszun. Schꞌa nasahdilh! Tsꞌiyawh tankꞌus neꞌzahtꞌen!’

Luke 16:24

ꞋEt ꞌultus-un yutsꞌu huyih ꞌinkꞌez ꞌuyulhni, ‘ꞋUbá, Abraham, sgha teꞌninzeh! Lazarus ꞌen stsꞌilhꞌalh! Dzoh tsulyaz dulasga be toot nudoolga ꞌinkꞌez ꞌi be stsoola kꞌut nawhunoolhtsul! Ndi kwun be dzoh nuszut!’ yulhni.

John 8:44

Netsudule ꞌen nohbá ꞌuntꞌoh. Ndet la ꞌen hukwaꞌ ninzun, ꞌoh te za neꞌóohtꞌen hukwaꞌ nahzun. Soo ꞌudechoo daꞌ whutsꞌun dune ughan-un unli. ꞋAw tsꞌihꞌun ꞌuhoontꞌoh-un hukwa lheꞌnizun, ꞌet huwa ꞌaw ndi khuni ꞌalhaꞌ ꞌuntꞌoh-i ooghu whéyooloh. Ntsꞌoh tula neꞌduniꞌ-un tankꞌus unꞌa za yalhduk, dichꞌoh dukꞌunꞌa ꞌutni ꞌet huwa. Whutsꞌit-un unli, ꞌinkꞌez whutsꞌit-i, ꞌen za ootsꞌu haídukat.

2 Thessalonians 1:7

ꞋInkꞌez nohni dzoh nudehne nebulh nátilhyis. Whuz unꞌa neba ꞌukꞌelha whutilhtselh. Ndet la neMoodihti Jesus Christ ꞌinkꞌez oolizas cho bulh, ꞌet yakꞌuz tsꞌe bube hóodutaltsilh.

2 Thessalonians 1:9

NeMoodihti ꞌinkꞌez ꞌukꞌenus ye diztiꞌ-i, ꞌi ꞌilhiz wheni yuchꞌa nabutálelh. ꞋEt ꞌilhiz wheni hiye dzoh nutideh ꞌinkꞌez ꞌaw buba oolatoh nalhuhóoꞌoh. ꞋEt whuz buba ꞌukꞌelha whutilhtselh.

Hebrews 6:8

ꞋEt hoontsꞌi, ꞌi yun whus ꞌinkꞌez ꞌutꞌantsiꞌ, ꞌi za ha níyeh de, ꞌet de ꞌaw hoonli lhiloh whe ꞌuntꞌoh. ꞋEt huwa ookalheꞌtsꞌunízun. Kꞌat le tsꞌiyawh uzdutálhkꞌun. ꞋEt soo cho howu ni óhtan!

2 Peter 2:4

ꞋOh daꞌ whuz unꞌa za njan dúhooja, nyoonne lizasne lubeshi inlane, ꞌenne Yakꞌusda ꞌaw buba whula lhdítnel. ꞋEt huwa tsa kꞌet whutlꞌah hooloh-un, Tartarus tsꞌutni, whuz tsꞌe whébalhdil. ꞋInkꞌez whuz tsꞌe tsalhgus yo buba nahutiyeh whutsꞌun lhuztih tlꞌool be whénubudizguz.

1 John 3:10

ꞋEt ndiz unꞌa Yakꞌusda buzkeh ꞌinkꞌez netsudule buzkeh cha tꞌehunudzun: Mbe la tsꞌihꞌun nulheꞌustꞌen, kꞌus dudulhutsin kꞌelhísiꞌ, ꞌen Yakꞌusda uniyalh-un iloh whe ꞌuntꞌoh.