Matthew 25:4 - Yak'usda Ooghuni

⁴ ꞋEt hoontsꞌi whunihne too dizkꞌun denáhitilhdzoh-i cha hutizdla.

Matthew 25:4 Iomraidhean Croise

Matthew 10:16

“Whunulhꞌen, ꞌantsꞌi ꞌusbai yus yugha óolhꞌaz leꞌ hoontꞌoh tsꞌe whuz nohtisꞌaꞌ. ꞋEt huwa tlꞌughus kꞌunꞌa whunih oohleꞌ ꞌinkꞌez dutꞌai, dove huyulhni, ꞌi kꞌunꞌa nohbulh dune ndólhdaꞌ junih.

Matthew 25:2

Kwulane, ꞌenne huwhunih ꞌinkꞌez kwulane, huwhusni.

Matthew 25:3

Ndunne whusnine too dizkꞌun hutꞌi ꞌet hoontsꞌi too dizkꞌun hiye náhitilhdzoh-i hiyit ꞌuja.

Matthew 25:5

ꞋEt ꞌat titꞌelh-un saꞌ whusalhusyaih, ꞌinkꞌez tsꞌiyawh bulh bukꞌé diltsꞌut, whe nahunistez.

Matthew 7:24

“ꞋEt huwa mbene la sghuni yoozilhtsꞌaine, ꞌinkꞌez daja dusni-un hukwꞌú neꞌhutꞌen, dune whunih-un duyoh tse kꞌut neooninꞌai, ꞌen kꞌunꞌa ꞌuhintꞌoh.

John 3:34

Ndun ꞌen Yakꞌusda whusayálhꞌaꞌ-un, ꞌen ꞌinkꞌez didut Ndoni be yudilhbun, ꞌet huwa Yakꞌusda ooghuni za be yálhduk.

Romans 8:9

ꞋEt Yakꞌusda ooyughi nohyudínda de, Ndoni ooduneꞌne ulhi ꞌinkꞌez nohyustꞌe lubeshi tsꞌu níntꞌi-un ꞌaw ookꞌú nulheꞌzuhtꞌen. ꞋEt hoontsꞌi mbene la Christ ooyughi lhitꞌihne, ꞌenne ꞌaw ooduneꞌne lhuhíloh.

2 Corinthians 1:22

ꞋInkꞌez ꞌen cha be ꞌe hóodalꞌen-i, ꞌi be wheni cha neye hóodatꞌen neulhtsi. ꞋInkꞌez Ndoni nedzi yidanꞌai. ꞋI be yuloh neba ꞌukꞌelha whulhtsi.

1 John 2:20

ꞋEt hoontsꞌi ndun Christ lubeshi ooghu hooloh-un, ꞌen Ndoni nohyídanꞌai ꞌinkꞌez tsꞌiyaintsuk tꞌeoonáhzun.

1 John 2:27

ꞋInkꞌez Ndoni neBá nohyeídanꞌai-i, ꞌilhiz nohbulh ꞌúntꞌoh, ꞌinkꞌez ꞌuyoonne dune ꞌaw ꞌon ꞌun whunohodoolhꞌeh huba lheꞌhóotꞌoh. ꞋEt kꞌus ndi nohyudíltsꞌut-i tsꞌiyantsuk whunohdulhꞌeh ꞌinkꞌez tsꞌihꞌun ꞌuntꞌoh, ꞌaw whutsꞌit-i iloh ꞌuntꞌoh. ꞋEt soo ntsꞌenꞌa la whunohdalhꞌeꞌ, whuz unꞌa za bulh óohtꞌeꞌ.

Jude 1:19

Ndunne, ꞌenne ndi yun kꞌut whuba za ꞌuhintꞌoh. ꞋEnne dune lhchꞌaz hunilhtꞌi ꞌinkꞌez Ndoni ooyit ꞌuhintꞌoh.