Matthew 25:10 - Yak'usda Ooghuni

¹⁰ Whuz whehandil whe ꞌat titꞌelh-un bukꞌelhꞌo whusaínya. ꞋInkꞌez yuba lhadintꞌohne, naꞌhutitꞌulh tsꞌe huyúlh danindil, ꞌinkꞌez dati dánahidintan.

Matthew 25:10 Iomraidhean Croise

Genesis 7:16

ꞋEt ndowhi tsꞌiyawh tsꞌeke dune tubulh. Ndi yun kꞌut hoonli-i Yakꞌusda (Elohim) ꞌen yuba nahizya, whuz unꞌa ndi tsꞌi huye indil ꞌinkꞌez buchꞌaz naꞌdinꞌai.

Matthew 24:42

ꞋEt huwa huwahli! Ntsꞌoya hoozulh whe nohMoodihti whusatiyalh ꞌaw tꞌeoonuzahzun.

Matthew 24:43

ꞋEt ndi noheni taoonahle, yoh moodih-un, ntsꞌowhuya whudizulh-un ꞌundunutꞌih-un whusatiyalh, ꞌet tꞌewhuninzun de, ꞌet soo tsꞌihꞌun daꞌ huwoleꞌ, ꞌinkꞌez ꞌaw hiyoh daꞌ óoyis ꞌaitꞌoh.

Matthew 24:44

ꞋEt huwa nohni cha lhadóohtꞌeꞌ. Ntsꞌowhuya whudizulh-un, ꞌet ookwa tse lhúwhahlih-un, ꞌet Yinka Dune Yeꞌ ꞌet whusatiyalh.”

Matthew 25:6

Tuzniz ꞌilhoghun huyih, ‘ꞋAwet ꞌat titꞌelh-un ꞌaz de yalh. Tenahdilh ꞌinkꞌez oodudíhdilh!’

Matthew 7:21

“ꞋAw tsꞌiyanne, ‘SMoodihti, sMoodihti,’ sulhnine, ꞌaw yakꞌuz kꞌuneꞌ tsꞌuwhulꞌen-un whuz hutooyaꞌ ꞌaitꞌoh. Mbe la ꞌuBá butsꞌo hukwaꞌ ninzun tuneꞌ ꞌutꞌenne, ꞌenne za yakꞌuz tsꞌe hutidulh.

Luke 12:35

“Nohnaih be ꞌáhtꞌen-i be náhdilh ꞌinkꞌez nohtoo dizkꞌun-i cha dókꞌun.

Luke 13:25

ꞋEt ꞌilhoh whumoodih dudinya ꞌinkꞌez dati dánaidintan, ꞌaz nudulhya ꞌinkꞌez dati dunulhkwꞌuz ꞌinkꞌez ꞌudahni, ‘Moodihti, moodihti neba dáhaꞌ dintih!’ ꞋEt nohdóniꞌ, ‘ꞋAw tꞌenohnuzúszun ntsꞌez de háhdil.’

Colossians 1:12

ꞋInkꞌez neBá musi dahni. Yakꞌusda oochꞌeꞌne be hóotꞌen-i toh nudilhyanne, ꞌen yutꞌi-i bugha ítalelh-i, ꞌi ooloh negha tikulh, ꞌet wheni sooꞌ tsꞌuldzooꞌ nesulhtsi.

2 Timothy 4:8

ꞋUdekꞌez khuni beꞌ dusni, ndet tsꞌihꞌun unꞌa hoontꞌoh whe whuchꞌa oonusde-un, ꞌet sba ꞌusꞌai. NeMoodihti tsꞌihꞌun nahiyilh-un, ꞌen yutilhtselh-i, ꞌet dzin sgha ítaꞌalh. ꞋInkꞌez ꞌaw si za iloh. Mbene la dudzi ndulcho-i be bunalh be hóodutalhtsilh ꞌinkꞌez yutiꞌelh hukwaꞌ ninzunne, ꞌenne ꞌilhoghun hinli whe tsꞌiyawh si skꞌunꞌa za ꞌúbutilelh.

1 Peter 1:13

ꞋEt huwa noheni lhadáhle. Huwahli. ꞋEt whuz unꞌa ye unzoo-i nohtsꞌu tihkulh, whula toh whutsꞌun ooka tse hóohli. Ndet dzin ꞌutinelh Jesus Christ nenalhtsꞌet be hóodutaltsilh. ꞋOh de whézdujis-un, ꞌet nohgha whútaltsꞌulh.

Revelation 1:7

Whunulhꞌen! Kwꞌus toh whuz de tiyalh. Tsꞌiyanne hitiꞌelh. Mbene oola ꞌinkꞌez ooke lugloo cho hikunúnilhtꞌone, ꞌenne cha hiyutilhꞌelh. ꞋInkꞌez ndi yun kꞌut lhelhdoh didowhne, ꞌen gha khuna hutitso. ꞋEt ndó tanelh, ꞌet ndó honeh.

Revelation 19:7

Tsꞌohótꞌeꞌ ꞌinkꞌez tsꞌonólhni ꞌinkꞌez uzdólhtiꞌ. ꞋUsbaiyaz ꞌat titꞌelh-un huba whusahónzut ꞌinkꞌez ooꞌat yutáleh-un ꞌawet dichꞌoh lhadúja.

Revelation 22:20

Mbe ndowhi nohdániꞌ-un, ꞌen ꞌutni, “ꞋAlhaꞌ ꞌawet nilhdukw whuz de úsyalh!” ꞋEt ndo honeh! NeMoodihti Jesus, whuz unꞌa za dizínyalh!