Matthew 25:1 - Yak'usda Ooghuni

¹ “Yakꞌuz ntsꞌe la lerwe usda-un ndi yun kꞌut whusahóoltsꞌut de, ꞌet whuz unꞌa ndó tanelh: whunizyane tꞌedukoo dune tꞌenuszunne, ndi kwun be hootꞌen-i huyilhchoot ꞌinkꞌez dune ꞌat titꞌelh-un ꞌaz hiba sulhꞌi.

Matthew 25:1 Iomraidhean Croise

Matthew 13:24

ꞋUyoo khuni be nawhutnuk-i be whutsꞌodulꞌeh-i, be bubulh yalhduk ꞌet whe njan dúbulhni, “Yakꞌuz lerwe ꞌuhuhoolhdzun-un, ꞌet ndiz unꞌa njan dúhoontꞌoh: Dune duyun kꞌut ookwꞌut ꞌaꞌ nukat. ꞋUzooꞌ-i ꞌananla.

Matthew 13:31

Doo cha ꞌuyoo khuni be nawhutnuk-i be whutsꞌodulꞌeh-i be bubulh yalhduk. Njan dúbulhni, “Yakꞌuz lerwe ꞌuhuhoolhdzun-un, ꞌet ndiz unꞌa njan duhoontꞌoh. Mai, mustard huyulhni, kꞌunꞌa ꞌuntꞌoh. Dune yílhchoot ꞌinkꞌez duhanuyeh kꞌet ꞌainanꞌai.

Matthew 13:38

Ha niyeh kꞌet, ꞌi yun kꞌut ꞌuhoontꞌoh. Mai unzoo-i, ꞌi yakꞌuz whulerwe buzkehne, nuhíntꞌoh. ꞋEt hoontsꞌi ꞌutꞌantsiꞌ, ꞌi ntsiꞌ-un buzkeh nuhíntꞌoh.

Matthew 13:47

“Doo cha za, yakꞌuz kꞌúneꞌ whulꞌen-un, ꞌet ndiz unꞌa njan dúhoontꞌoh: Lhembilh tahúyalhdil ꞌinkꞌez toot huyigus lhawh didowh-i huzdlooh.

Matthew 20:1

“Ndiz unꞌa yakꞌuz whulerwe tsꞌiyawh kꞌuneꞌ whulꞌen: ꞋIlhoghun dune ꞌen yun kꞌut yun ꞌutꞌi-un. ꞋEt tsꞌekoo tooꞌ mai chun ha niyeh kꞌet, ꞌet huba ꞌutitꞌelhne haꞌ ninzun. Bundada ꞌudaꞌ ꞌet dune tilhꞌalh ha whuz whinya.

Matthew 22:2

“ꞋEt yakꞌuz kꞌúneꞌ whulꞌen-un, ndiz unꞌa njan dóohoontꞌoh, ꞌilhoghun lerwe ooyeꞌ ooꞌat whutaleh, ꞌet huba lhadútitneh.

Matthew 25:7

ꞋEt tꞌedukoo tsꞌiyawh dahudindil ꞌinkꞌez too dizkꞌun-i tsꞌiyawh nahidulhkꞌan.

Matthew 3:2

ꞋEt ꞌubulhni, “Noheni náhandunoohleh. Yakꞌuz kꞌuneꞌ whulꞌen-un nohtoh ꞌutitꞌelh-un, ꞌawet nilhdukw.”

Matthew 5:16

Dune ba be hootꞌen-i ꞌahli. ꞋI be nohꞌeꞌutꞌen unzoo-i dune huyuntilhꞌelh ꞌinkꞌez nohBá yakꞌuz usda-un hidutálhtiꞌ.”

Matthew 9:15

ꞋEt Jesus ꞌubulhni, “Mbe la ooꞌat whutaleh-un, ookꞌekene, ꞌawhuz huyulh ꞌuntꞌoh, ꞌenne cha eh soo húhootanih? ꞋAwundooh! ꞋEt hoontsꞌi ꞌoh de de ookꞌekene buchꞌa nahuyitálhtelh, ꞌet de za soo hóohootanih.

John 18:3

ꞋEt lubret bumoodihne ꞌinkꞌez Phariseene te, ndunne lhuganne ꞌinkꞌez neilhchúkne te, Judas dulh ubutilhdil. Too dízkꞌun te, bé nukwunultꞌa-i, ꞌinkꞌez saluzti te, tsꞌiyawh hitizdla.

John 3:29

ꞋEt ndóohoontꞌoh whe, ꞌilhoghun dune tsꞌeke yughusda-un, ꞌen ꞌat utꞌí-un ꞌuntꞌoh. ꞋEt ooyadan yuzih usyin-un ꞌinkꞌez yughuni yoozílhtsꞌai whe la tube yuba hóontꞌiꞌ. ꞋEt huwa nohdúsni si cha whuz unꞌa tube cho hoonústꞌiꞌ.

Acts 20:8

Dohyo tsꞌe ꞌilhutsꞌodulh-un lhai be hóotꞌen-i dizkꞌun.

1 Corinthians 11:2

ꞋEt ꞌawet sulhutsinke njan ndudusni soo ꞌihtꞌen. Tsꞌiyantsuk whe snalhnih. ꞋEt whunohodusꞌeh-un tsꞌiyawh hoohtun.

2 Corinthians 11:2

ꞋEt Yakꞌusda be ꞌoonih be si cha nohba ꞌooznih. Nohba nahizúsya ꞌilhoghun dune ooghu tihdalh, Christ ꞌen ꞌuntꞌoh. Nohni ꞌaw dune tꞌenuszun-un nohtsun hoolohne leꞌ ꞌahtꞌoh whe Christ gha nóhnusdla.

2 Timothy 4:8

ꞋUdekꞌez khuni beꞌ dusni, ndet tsꞌihꞌun unꞌa hoontꞌoh whe whuchꞌa oonusde-un, ꞌet sba ꞌusꞌai. NeMoodihti tsꞌihꞌun nahiyilh-un, ꞌen yutilhtselh-i, ꞌet dzin sgha ítaꞌalh. ꞋInkꞌez ꞌaw si za iloh. Mbene la dudzi ndulcho-i be bunalh be hóodutalhtsilh ꞌinkꞌez yutiꞌelh hukwaꞌ ninzunne, ꞌenne ꞌilhoghun hinli whe tsꞌiyawh si skꞌunꞌa za ꞌúbutilelh.

Titus 2:13

ꞌet neYakꞌusda ꞌukꞌenus diztiꞌ-un, ꞌinkꞌez Jesus Christ neulhyis-un, ootsꞌu ha yánduz-i, ꞌet nenalhtsꞌet ha óotiltsꞌulh whutsꞌun, ndi ꞌukꞌenus hoonzoo-un huba tsꞌilhꞌi.

Revelation 14:4

Ndunne, ꞌenne tsꞌekoo bulh nintaꞌutꞌihne lhuhíloh, ootꞌa lheꞌasnaine ꞌuhintꞌoh ꞌet huwa. ꞋEnne ꞌuhintꞌoh ꞌusbaiyaz nuya te totsuk huyununúdilh. Dune toh naooketneꞌ ꞌuhintꞌoh. Yakꞌusda ꞌinkꞌez ꞌusbaiyaz ꞌenne ꞌudechoo buchꞌeꞌne hinli.

Revelation 19:7

Tsꞌohótꞌeꞌ ꞌinkꞌez tsꞌonólhni ꞌinkꞌez uzdólhtiꞌ. ꞋUsbaiyaz ꞌat titꞌelh-un huba whusahónzut ꞌinkꞌez ooꞌat yutáleh-un ꞌawet dichꞌoh lhadúja.

Revelation 21:2

ꞋEt si, John, njan keyoh whuti whulubeshi hooloh-un, ꞌandit-un Jerusalem huwhútni, ꞌet ndus de yakꞌuz tsꞌe Yakꞌusda tsꞌun ha hóoltsꞌut, ꞌet whutísꞌen. ꞋAntsꞌi tsꞌekeyaz ki titꞌelh-un ooki yutaleh-un ba soo naduja, ꞌet ndó hotꞌen.

Revelation 21:9

ꞋEt nyoonne lhtakꞌantꞌine lizas, lhtakꞌantꞌi oosaꞌ naniztsꞌun-i hiye dzoh nutideh-i, lhtakꞌantꞌi didowh-i, ꞌi be dizbun-i, ꞌen bube ꞌilhoghun lizas sghu ninya ꞌinkꞌez sulh yailhduk. Njan ndúsulhni, “ꞋAnih ndun ꞌusbaiyaz ooꞌat tileh-un búnyuntistun.”

Revelation 4:5

Ditni oolhges, ditni cha, ꞌinkꞌez lhai yaduk-i cha ndi kwꞌutsꞌuzda cho diztiꞌ-i ootsꞌu haídukat. ꞋInkꞌez ndi kwꞌutsꞌuzda cho diztiꞌ-i oobut lhtakꞌantꞌi be hootꞌen-i dizkꞌun. ꞋI ndi lhtakꞌantꞌi Yakꞌusda oonududeh-i, ꞌi ꞌuntꞌoh.

Revelation 8:10

ꞋEt bulh táne lizas be tsꞌujih-i be ꞌudija. ꞋInkꞌez sum cho yakꞌuz tsꞌe haltsꞌut. Be nekwunultꞌa-i kꞌunꞌa dizkꞌun ꞌinkꞌez ꞌukoh ⅓ ꞌet ꞌuwhultsuk-un hukwꞌeílhtsꞌut. ꞋInkꞌez too yun tsꞌu há nusuli-un kꞌut cha.