Matthew 24:6 - Yak'usda Ooghuni

⁶ Dune lhugan-un whulh ꞌúdutahtsꞌo. ꞋInkꞌez dune lhutigan-un cha howu yahutilhduk. ꞋEt cha whudutáhtsꞌo. Khun te whénoolhjut junih. Dawhutanelh la ꞌet tsꞌiyawh nduwhutanelh, ꞌet hoontsꞌi ꞌawhuz whula toh iloh ꞌuhoontꞌoh.

Matthew 24:6 Iomraidhean Croise

Matthew 2:3

Lerwe Herod whulh ꞌudantsꞌo whe ooba dzoh ꞌuhutni. Jerusalem whutꞌenne, cha buba dzoh ꞌuhutni.

Matthew 24:14

ꞋEt yakꞌuz kꞌuneꞌ whulꞌen-un ghun khuni unzoo-i yun kꞌut ndulcho whe be yatiduk. ꞋI be ndi yun kꞌut whutꞌenne, buba whubuntilhtun tileh. ꞋEt de ꞌawet whula toh whusaóotiltsꞌulh.”

Matthew 26:54

Ntsꞌenꞌa Yakꞌusda ooghuni lhadútineh? Ntsꞌenꞌa la stsꞌun dawhutꞌih-un, ꞌet whuz unꞌa ꞌuhóneh hubaꞌ hoontꞌoh.”

Luke 21:19

Yakꞌusda ba soo cho núdulhya. ꞋI gha la nohzul ohtun.”

Luke 21:9

Dune lhugan-un whulh ꞌúdahtsꞌo de, ꞌinkꞌez dune lhdulhyoh nehóninla de, ꞌoh ꞌudechoo whusawhútikulh wheꞌ hoontꞌoh. Khun te whénoolhjut junih. ꞋAwhuz whula toh-un, ꞌaw whenghoh iloh ꞌuhoontꞌoh.”

Luke 22:37

ꞋEt huwa ꞌunohdusni Yakꞌusda ooghuni kꞌut si sghun ꞌukꞌu núsguz-i, ꞌi tsꞌiyawh lhawhúdoneh hubaꞌ hoontꞌoh. Ndiz unꞌa njan duwhutni, ‘Ndunne ꞌukꞌú nulheꞌustꞌenne bubun ndultꞌoh hudooniꞌ,’ ni. ꞋEt huwa si sghun ꞌukꞌuneꞌ ꞌusguz-un lhawhúdoneh hubaꞌ hoontꞌoh.”

John 14:1

“Khun te nohdzi úndoodaꞌ junih. Yakꞌusda nohba ꞌalhaꞌ ꞌuntꞌoh, whuz unꞌa si cha nohba ꞌalhaꞌ oostꞌeꞌ.

John 14:27

Be nedzi dizghel-i, ꞌi nohghu nenánustꞌai. ꞋI sichꞌoh be sdzi dizghel-i, ꞌi nohgha núsꞌai. Ndi be nedzi dizghel nohgha núsꞌai-i, ꞌi ꞌaw yinka whuduneꞌne nohgha húyuꞌaih-i, ꞌi ndúlhiltꞌoh whe ꞌuntꞌoh. Khun te nohdzi úndoodaꞌ ꞌinkꞌez noolhjut júnih!

2 Thessalonians 2:2

Dune Ndoni gha nohbulh yalhduk naꞌdudilꞌi whe ꞌunohúlhni Christ oodzin, ꞌet dzin ꞌudaꞌ whusahooltsꞌut. Kꞌus dune dichꞌoh dughuni be nohbulh yálhduk, kꞌus ꞌuyoon nohtsꞌo kꞌeꞌanguz ꞌinkꞌez si ꞌusdla leꞌ ꞌúntꞌoh de, ꞌet nduhúja de, khun huwun khun nantoohdilh junih, ꞌet nohtsꞌun tezdudlih.

Revelation 6:4

ꞋInkꞌez ꞌuyoo yeztli, kwun kꞌunꞌa dúlkꞌun-i, whuz whelget. Mbe yukusda-un, ꞌen be tsꞌihꞌun unꞌa lhtsꞌun ꞌutsꞌintꞌoh-un, ndi yun kꞌut whutꞌenne bughu hootálhchulh, ꞌet yutlꞌa honꞌai dune lhoohoogan ha. ꞋInkꞌez saluzti cho ꞌi ootlꞌa yánkez.