Matthew 24:5 - Yak'usda Ooghuni

⁵ Lhane sooziꞌ gha whusahutidulh ꞌinkꞌez ꞌuhudutinelh, Christ unli-un, si ꞌustꞌoh, nduhutni whe lhane nahuntiꞌah.

Matthew 24:5 Iomraidhean Croise

Matthew 24:11

Lhane whutsꞌit be nus hooꞌen unline, lhane dune nahuntiꞌah.

Matthew 24:24

ꞋAlhaꞌ whutsꞌit be christne ꞌinkꞌez whutsꞌit be nus hooꞌenne, lhane nohtoh whutaleh. ꞋInkꞌez nohtoh tube hooncha te neꞌhutitꞌen. ꞋInkꞌez huwa ꞌitꞌen-un cha nohtoh neꞌhutitꞌen. Njan ndó titꞌelh-un, khun tilah ꞌutꞌahályane nabonooꞌah huninzun, ꞌet hukwaꞌ hutitꞌelh.

John 5:43

SBá ꞌen booziꞌ gha whusásya, ꞌet nohni ꞌaw ska lheꞌnáhzun, ꞌet hoontsꞌi ꞌuyoon te didutchꞌoh dudooziꞌ gha whusaínya de, ꞌet de daꞌ ꞌen ookaꞌ noohzin.

John 8:24

ꞋEt huwa ꞌunohdusni nohlubeshi bulh yatáhdlah. ꞋAw nohba ꞌalhaꞌ lheꞌútꞌoh si mbe ꞌustꞌoh ꞌet huwun, ꞌet huwa la nohlubeshi bulh la yatáhdlah,” ubúlhni.

John 8:28

ꞋEt Jesus ubúlhni, “Yinka Dune Yeꞌ ndo dubeꞌ dunahtan de, ꞌet de la soo tsꞌihꞌun mbe usdli-un, ꞌen ꞌustꞌoh tꞌéoonóhzin. ꞋInkꞌez ꞌaw sichꞌoh duba moodih nasdliꞌ íloh, sBá ntsꞌenꞌa la whusodalhꞌeꞌ, ꞌi khuni za be yásduk,

1 John 2:18

Suzkehne ꞌawet ꞌet néꞌhunintꞌo wheꞌ hoontꞌoh. Christ chꞌaz ditni-un whuz de úyalh whulh ꞌúdahtsꞌo wheꞌ hoontꞌoh. ꞋAndit hoontsꞌi Christ chꞌaz ditnine huldlai wheꞌ hoontꞌoh. ꞋEt whe tꞌetsꞌonínzun ꞌawet ꞌet néꞌhunintꞌo wheꞌ hoontꞌóh.

1 John 2:22

Mbe Jesus ꞌen Christ unli ꞌet whutsꞌoodidlai-un, ꞌen whutsꞌit-un ꞌuntꞌoh. ꞋEn Christ chꞌaz ditni-un ꞌuntꞌoh. ꞋEn ꞌuntꞌoh neBá ꞌinkꞌez ooYeꞌ bulh butsꞌoodidlai.

1 John 4:3

Tsꞌiyai nududeh-i Jesus Christ duyustꞌe be ndi yun kꞌut nuseya, ꞌaw lhdusnih de, ꞌaw Yakꞌusda bulh lhéꞌitꞌoh whe ꞌuntꞌoh. Ndi nududeh-i, ꞌi Christ chꞌaz ditni-i, ꞌi ꞌuntꞌoh. Whusatiyalh whulh ꞌúdahtsꞌo ꞌinkꞌez ꞌudaꞌ ndi yun kꞌut hoonli whe ꞌuntꞌoh.

Revelation 13:8

ꞋInkꞌez ndi yun kꞌut dilhtsꞌine, ꞌenne tsꞌiyawh ndi khuna-iti ntsiꞌ-i hitsꞌun teniꞌ huntilhdzilh. Ndun ꞌusbaiyaz ꞌudechoo ndi yun ꞌuhóolya whutsꞌun ꞌudaꞌ lháoodintꞌoh hizilhghi, ꞌenne ndi ꞌilhiz ꞌinkꞌez ꞌilhiz wheni tsꞌukhuna-un be ꞌudustlꞌus kꞌut bubooziꞌ ꞌukꞌu lhíguzne, ꞌenne ꞌuhintꞌoh.