Matthew 24:49 - Yak'usda Ooghuni

⁴⁹ ꞋInkꞌez ꞌonghohne dudulh ꞌulhnane bube whe ninyaih, ꞌinkꞌez tatnaine bula wheꞌ ninꞌal ꞌinkꞌez bula tawhénitnaiꞌ.

Matthew 24:49 Iomraidhean Croise

Matthew 18:28

ꞋEn ꞌulhna za ꞌaz whinya ꞌilhoghun dudulh ꞌulhna-un, ꞌen nayilhti. ꞋEn whunizyat whunizyai (100) sooniya tsꞌuditiꞌ-i, be yutsꞌu whulhꞌai. Yuzool ílhchoot ꞌinkꞌez uyúlhni, ‘Ndai la bé ntsꞌo zusꞌai-i, sba ookꞌelha hoolhtsi!’

Matthew 24:48

ꞋEt hoontsꞌi be ꞌulhna-un ntsiꞌ-un dichꞌoh dudzi yo whe ꞌet nduninzun, ‘SMoodih saꞌ ꞌustla whusanádaih.’

Matthew 24:50

Ndet dzin oomoodih whusanátidalh ꞌinkꞌez ntsꞌoya ꞌuhunitꞌoh-un ꞌutinelh ꞌaw tꞌewhunúszun, ꞌet ꞌoh whuya ꞌuhunitꞌoh whe whusanátidalh.

Matthew 7:15

“Mbene la whutsꞌit be nus hooꞌenne naꞌdudilꞌi, ꞌenne buka huwahli! ꞋUsbai zuz be soo dintꞌohne, ꞌenne buyo tsꞌe yus ꞌukꞌenus ntsiꞌ-i, ꞌenne léꞌhintꞌoh.

John 2:10

ꞌinkꞌez uyúlhni, “Dune tsꞌiyanne ndi tsꞌekoo tooꞌ ꞌuzooꞌ-i, ꞌi cho howu há yulhdzoh, ꞌet hukwꞌelhꞌaz sooltsuk hutni te, ꞌet ꞌandit za hukwꞌelh-i ꞌuntꞌoh-i tsꞌekoo tooꞌ ꞌi bughu há yulhdzoh. ꞋEt nyun ndi ꞌuzooꞌ-i, ꞌi ꞌudekꞌoh whutsꞌun ontun!” yúlhni.

Romans 16:18

ꞋEt duntꞌóhne dune neMoodihti Jesus Christ hikꞌú nulheꞌustꞌenne. Dichꞌoh kꞌunꞌa ꞌuhutꞌen, ꞌinkꞌez ntsꞌenꞌa la dichꞌoh hukwaꞌ huninzun hukwꞌuneꞌ ꞌutꞌenne. Nanuhonaꞌah whe khuni unzoo-i be nohbulh yáhalhduk, ꞌet hukwa tse lhuhoolihne whuz unꞌa nabontiꞌah.

2 Corinthians 11:20

Lheꞌahtꞌen, ꞌilhoghun nohtoh usda whe de ꞌustlenne nohulhtsi, kꞌus ꞌilhoghun nohúlhgooh, kꞌus ꞌilhoghun ahtꞌi-i nohghu yílhchoot, kꞌus ꞌilhoghun nohtoh ncha naꞌdudulhtsi, kꞌus ꞌilhoghun nohóonúkat, ꞌet ndúwhulcho nohba dalhúhootꞌoh.

Philippians 3:19

Ooba ꞌalhaꞌ lheꞌhootꞌohne nintaꞌhutitꞌelh. Bubut ꞌi buba Yakꞌusda unli. Ndi yun kꞌut yooya tsꞌiyawh hiyulh ꞌuntꞌoh ꞌinkꞌez ꞌi za hiba whudílhtiꞌ. Ndi yun kꞌut hoonli-i, ꞌi za ghu nuni hunudeh.

1 Peter 5:3

Nohtlꞌályanne bumoodih cho oohleꞌ junih. Ndunne ꞌilhoh nuyehne, ꞌenne bunalh tsꞌihꞌun unꞌa oohtꞌen, ꞌet de la ꞌenne cha nohkꞌunꞌa ꞌuhootꞌeꞌ.

Jude 1:12

Lhkꞌehsiꞌ whe lhla naꞌahtꞌalh, ꞌet hoontsꞌi ndunne ooghu yasdukne ꞌaw whelhoniljut whe nohlaꞌ ha ꞌalh. ꞋEnne ꞌantsꞌi howa ꞌóodli-i teh noo duhúltꞌoh. Dichꞌoh za soo neꞌhududulꞌen. ꞋAntsꞌi kwꞌus too ooghu hooloh-i leꞌ hintꞌoh. ꞋEt kwꞌus kꞌunꞌa ndulcho bubúlh nutsꞌi. ꞋAntsꞌi dakꞌet mai chun mai ooghu hooloh leꞌ hintꞌoh. ꞋInkꞌez ooghih bulh ꞌantsꞌi há nahuyulhchꞌulh leꞌ ꞌúntꞌoh. Nat daházsai leꞌ hintꞌoh.

Revelation 13:7

Mbene Yakꞌusda oochꞌeꞌne, ꞌenne bubulh lhútigan ꞌinkꞌez buchꞌaꞌ tilhdoh, ꞌet ooghá whultsꞌut. Lhelhdoh didowhne, lhelhtsꞌun unꞌa yalhdukne, ꞌinkꞌez lhelhdun keyoh whutꞌenne, ꞌenne kꞌúneꞌ butilꞌen ha ooghá whuntꞌai.

Revelation 16:6

Ndunne Yakꞌusda oochꞌeꞌne ꞌinkꞌez mbe nus hooꞌenne buba ha nghan. ꞋEt huwa khuna-iti ntsiꞌ-i unidulhne, ꞌenne ꞌuskai hootnaiꞌ ha bubaꞌ yínla. Njan ꞌet whuchꞌa honílhde ꞌet huwa.”

Revelation 17:6

ꞋEt ndun tsꞌeke tísꞌen. Jesus ba yaidlane ꞌinkꞌez Yakꞌusda oochꞌeꞌne bubuzkaiꞌ ꞌi be tanísnaiꞌ, ꞌusꞌen whe sba hooncha kꞌet ꞌaw sba ꞌalhaꞌ lheꞌhóotꞌoh.