Matthew 24:46 - Yak'usda Ooghuni

⁴⁶ ꞋEt oomoodih whusanaja de ꞌinkꞌez de ꞌulhna-un whuz unꞌa nduja-un ꞌet whunilhꞌen de, ꞌen ꞌukꞌenus hoonzoo-un ootsꞌu hóoltsꞌulh.

Matthew 24:46 Iomraidhean Croise

Matthew 24:45

“Kꞌus mbe ꞌulhna-un tsꞌihꞌun ꞌuntꞌoh ꞌinkꞌez whunih-un ꞌuntꞌoh? Oomoodih dichꞌoh de ꞌulhna-un, ꞌonghohne de ꞌulhnane duyoh humoodih yutilhtselh. ꞋAwet ꞌet neooninzut de, ꞌonghohne hitiꞌulh-i bugha itaꞌalh.

Matthew 24:47

ꞋAlhaꞌ nohdusni ndai la yutꞌi-i, tsꞌiyawh kꞌuneꞌ yulꞌen yutilhtselh.

Matthew 25:34

ꞋEt lerwe nailhni tsꞌunkꞌus ꞌuntꞌohne ndubudutanelh, ‘Nohni ꞌuBá ꞌukꞌenus hoonzoo-un nohghá whultsꞌutne ꞌahli. ꞋEt huwa ꞌanih! Yun ꞌutilnelh whutso, lerwe yakꞌuz úsda-un, ꞌet nohba lhaoodinla, nohgha óotaltsꞌulh.

Luke 12:37

ꞋEt moodih whusanaja de, ꞌinkꞌez be ꞌulhnane hika tse hooli, ꞌinkꞌez hika ítisꞌen. Moodih ndutꞌenne bunilhꞌen de, ꞌukꞌenus hoonzoo-un bugha whultsꞌut. ꞋAlhaꞌ nohdúsni, bumoodih soo nadutitneh ha, ꞌinkꞌez dude ꞌulhnane nátlꞌa dulhtsꞌi budutánelh, ꞌinkꞌez bubut néꞌtilelh.

Luke 12:43

ꞋEt oomoodih whusanaja de, ꞌinkꞌez hibe ꞌulhna-un whuz unꞌa ndutꞌen yunilhꞌen de, ꞌet de yoh whumoodih yulhtsi-un, ꞌen ꞌukꞌenus hoonzoo-un bulh ꞌuwhútanelh.

Revelation 16:15

“Soo zúlhtsꞌai, ꞌundunutꞌih-un kꞌunꞌa whuz de nízꞌilh. Mbene ꞌahoolhyiz khudline ꞌinkꞌez dunaih lhadilhdzunne, ꞌenne ꞌet nduhútꞌen de, ꞌaw ꞌustꞌet nohooyaꞌ ꞌaitꞌoh ꞌinkꞌez bube ꞌustꞌet óotꞌen ꞌaitꞌoh, ꞌenne ꞌukꞌenus hoonzoo-un bugha whútaltsꞌulh.”

Revelation 2:19

Nohꞌeꞌutꞌen tꞌenuszun, be lhkꞌetsꞌusiꞌ-i, ꞌuyoonne laꞌ ꞌahtꞌen, be nohba ꞌalha ꞌuhoontꞌoh-i, ꞌinkꞌez hoonli talhódahni. ꞋI ꞌutꞌen ꞌudechoo wheꞌ dahtꞌen-un ꞌandit ꞌon nus soo ꞌahtꞌen. ꞋI cha tsꞌiyawh tꞌenuszun.